بأيش تنصحوني ؟؟

أكيد انا من رأى الأخت بحرينية وأفتخر


*عرفتى إن صلاة الإستخارة مش معناها راحة وإحساس وإنما سير الأمور بعدها بدون مشاكل أو تعرقل الأمور

*بالنسبة إنه يرجَع زوجته إنتى ممكن تشرطى فى عقد الزواج إنه لو تزوج عليكى يعتبر العقد لاغى وتستردى كامل حقوقك فمش دى المشكلة وإنما تردد هذه السيدة عليه باستمرار بحجة الأولاد هل هذا ستتقبليه أم أنتِ غيورة بطبعك؟

*بالنسبة للأطفال هل ستحتويهم وتتحملى مشاغباتهم فى هذا السن ؟هل لديكِ القدرة على تحمل أعباء أطفال ليسوا أولادك؟

*أما بالنسبة للون بشرته فأنا مع قول رسول الله "إن جاءكم من ترضون دينه وخلقه فزوجوه"
والقبول

فكرى مع نفسك بهدوء بعد الإستخارة وإن وجدت لا مانع فى العيش وفق هذه الظروف..فتوكلى على الله

اذا انت مرتحاله اتوكلي على الله عشان ما تندمي بيوم من الايام

الله يوفقك

شكرا

الله يعنيكى

حبيبتي لااملك غير الدعاء لكى بس بجد استخيري اكتر من مرة وادعوالله ان يهديكي لما فيه الخير

استخيـــــــــــــــــــــــــرررررري من هو يعلم الغيب

اختي العزيزه

انا بكون معاج واقعيه

كلنا نقول مافي فرق في اللون واهم شي الاخلاق

اهم شي انتي مقتنعه بداخلج بهالشي او بس جذي مجرد كلام

واهلج واللي حولج شنو رايهم بهالموضوع

اف لأن الناس يلوعون الجبد ويطلعون عيب بأي شي . تأكدي من قناعتج و قدرتج على تطنيش هالكلام وانه مايهمج عشان ما تتعبين

وضع طليقته شلون ؟ تزوجت او لا
لان انتي تقولين تحاول ترجع له
فكري بهالنقطه اكثر باجر لين دخلتي التجربه بتحسين الموضوع اصعب وشي طبيعي بتصير غيره
لان بينهم عيال وفوق هذا هي الحين تحاول ترجع له وصدقيني بيحلى بيعنها اكثر لما يتزوج

عياله معاه ولا معاها ؟

هذي كلها امور حطيها في بالج وفكري فيها

و اسئلوا عنه اكثر واكثر واكثر

واستخيري اكثر من مره واذا تيسر الموضوع ومشا معناته الله كاتب لج فيه الخير

الله يتمم لج على خير ان شاء الله

بصراحة البنات ما قصرو
والله يوفقج

السلام عليكم و رحمة الله تعالى و بركاته،

بما إنك إنتي إللي راح تتزوجين فشاوري نفسك أولاً هل تتقبلين فكرة الزواج من هذا الشخص ؟؟ أكيد إنك شفتيه و كلمتيه هل ترتاحين من التواجد معاه هل تحسين إنك تقدرين تعيشين معاه ؟؟ هل تتقبلين أفكاره و كلامه و هل تعجبك شخصيته ؟؟ مسألة اللون ما لها أهمية بس كأنها مضايقتج؟؟ على العموم هي حياتك و إنتي إللي بتعيشينها ...

أما من ناحية إنه مطلق إذا تأكدتي إن الأسباب مثل ما ذكرتي و حسيتي إنه ما له ذنب و إنه فعلاً مو راعي مشاكل و إن الأشياء إللي زعجت زوجته الأولى إنتي ما تضايقج و ما تحسين إنها مهمة فخلاص مو عيب إنها مطلق .. على فكرة أنا تزوجت زوجي بعد ما كان عاقد قرانه على وحدة ثانية بس ما تزوجوا و لا عندهم أطفال .. بس حصل العقد (الملكة) و بعدين تطلقوا .. بس حسيت إن ما لها أثر في نفسه و ما حسيت إنه ممكن يحن لها رغم إنه بنت ناس محترمين و هي بنت زينه و الله يشهد إني ما أكرهها و ما أغار منها لأن حسيت فعلاً إنهم ما توالمو و شخصياتهم ما كانت متناسبة بس مو أكثر .. و الأمور إللي هي ما قدرت تتحملها منه أنا بالنسبة لي ما لها أهمية و أقدر أعيش مع زوجي مع وجود هالأمور و أحترمه و أحبه و الحمد لله ...

و حتى مسألة الأطفال تعتمد على إستعدادك إنتي ... أعرف وحدة تزوجت من واحد منفصل عن زوجته و عنده منها طفلين .. الرجال كان و لا زال محترم و شخصيته حلوة و شكله متدين و عارف حدوده و شاب و في وظيفة محترمة و مكان محترم و عنده بيت جديد .. الصراحة زوجته الثانية ذهب و الله عوضه فيها عن الأولى إللي ما قدرت له كل ميزاته و تركت أولادها و لا إهتمت .. الزوجة الثانية إحتضنت أطفاله و إعتنت فيهم و حبتهم و راعت زوجها و كسبته و صار عندها طفل منه ما أعتقد إن أهمية طفله من زوجته الثانية تقل عن أولاده السابقين يمكن بالعكس يمكن يحبه أكثر لأنه يحب أمه إللي قدرته و إحترمته و أخلصت له .. إن شاء الله أجرها هالزوجة الثانية عند رب العالمين يكون كبير لأن صج تستاهل ...

كل الموضوع إنتي و تقبلج للأمر و ما عليج من كلام الناس لأن بعد زواجك تبقين إنتي وياه و الأطفال و بقية الناس كل من يعيش حياته .. فالمهم ما تتسرعين و ترفضين و لا تتسرعين و توافقين فكري بهدوء و عطي نفسج فرصة للتأكد من تقبلك للفكرة

الف شكر لكل بنات وحريم المنتدى اللي ردوا عليّ وقدمولي نصحهم وعطوني رايهم بموضوعي وفي منهم من خلاني افكر بنقاط مهمه لو ان شاءالله انكتب هذا الشخص من نصيبي عشان اعرف شلون اتصرف واتدارك اي خطأ ممكن ينتج مني بدون قصد في اي موقف صعب ممكن يمر علي وقتها .. وانا بأذن الله بستخير بعد كذا مره واللي الله بيكتبه لي راح يصير ... والف شكر بعد مره على رودكم الغاليه ... ماقصرتوا والله ولاهنتوا يالغاليات .. والله والنعم فيكم

اختي العزيزة لم يفت عندك الوقت بعد لانه بعد الزواج سوف يقارن بينك وبينها ويقول ام اولادي طالما المشكلة مع اهلها فقط والمثل بقول القديمة بتحلى لو كانت وحلة ولا تنسي الاولا د اذا عاقبت الاولاد لمصلحتهم بيقول لو كنت امهم ماعاملتيهم هيك لذالك اصبري حتى ياتي ابن الحلال يلي يرضيك ويس خاطرك والله ولي التوفيق

بحرينية وأفتخر;6897445:
[GRADE="4169E1 FF4500 2E8B57 4B0082 FF1493"]يا أختي قبل ما يرتبط رجــل بأي إمرأة لابــد من السؤال عن أخلاقه .. قبل لونــه أو بشرتــه .. لأن الإنسان بشرته بيضاء مو معناتها ان قلبــه أبيض واذا كان بشرته سمراء مو معناتها قلبــه أسوود ومب نظيــف ...

وتذكري قول الرسول (ص) : "إذا جاءكم من ترضون دينــه وخلقــه فزوجــوه" ماقال (ص) لونه وبشرته ووظيفتــه .. أهم شي دينــه وأخلاقــه

اختي الغاليــة .. لابد أهلك يتقصووون لماذا وقع الطلاق بينــه وبين زوجتــه ؟؟ اكيد في أسبــاب .. والزواج من واحد مطلق وعنده أولاد صعب جداً ،، لاتتوقعيــن بهالســهولة.. خصوصا انج بتطلعين من حــرية في بيت أهلج وبتلتــزمين بتربية أطفال وهذول مالهــم ذنب في اللي حــدث بين والدينهم .. ففي حالة إن الأطفال موجودين مع الأب هل راح تتقبلين وجودهم معاج بنفس البيت؟؟ هل راح تعتبرينهم أبناءج وتربينهم وتحتسبين الأجر عند الله سبحانه؟؟

انا مون وجهة نظري يالغالية تستخيرين أكثر .. لأنها مسؤوليــة وعمرج 26 يعني مو كبيرة لذاك الزود اللي يخليج ترتبطين في رجل مطلق وأب لأطفال!! الا اذا انت تحسين ان فرص الزواج بالنسبة لج قليلة هذا شيء ثاني .. وحتى لو كانت قليلة لاتعطين رأيج الا لما تحسبين حسابات المستقبل ..وتحطين خطوط حمرااء .. لأن هذي حياة ومصير راح ترتبطين فيه طول عمرج .. عشان مايجي اليوم وتندمين وتقولين ياريت وياريت.. انا مااخوفج ..وايد بنات تزوجوا مطلقين وعندهم أطفال وعاشوا وياهم وربوو عيال أزواجهم واعتبروهم ابناءهم ووايد ناس تزوجوا مطلقين وعنده اطفال وماقدروا يعيشون بسبب الغيرة او إنشغال الأب بأطفاله وشي طبيعــي طليقة هذا الرجل راح تكلمــه بخصوص الأطفال واحتياجاتهم و و و فهل انتي راح تتقبلين في يوم ان تسمعين زوجج تكلمه طليقته؟؟ وحطي في بالج انتي اذا تآخذينه تتحملين كل شي لأن ماخذيتيه الا وانتي تدرين انه مطلق وعنده أطفال ..

ربي ييسر لج أمورج واستخيري اكثر واللي فيه الخير رب العالمين يسووويــه لج يارب
اللهم زوج بنات المسلمين من أزواج صالحيــن يارب .. اللهم آميــن[/GRADE]

انا مع الاخت بحرينيه فى كل اللى قالته

ربنا يوفقك

[GRADE="00BFFF FF6347 008000 FF1493"]الله يوفقج لما فيه الخير [/GRADE]

اسمر يعني اسود ولا سمار عادي ؟؟؟؟؟؟؟؟؟ طيب وليش ماياخذ سمرة مثله اذا هو اسود!!!!!!!!!!!!!!

ثانيا ما انصحج فيه اذا اهل مرته يسوون مشاكل ماهم مخلينك في حالج كل
يوم بيسوون لك مشاكل

هذا اذا ماتصالح معاها وردها عشان العيال حجتهم الدائمة
وهل انتي مستعدة تتحملين عياله وتبدين حياتك بمسئولية او كل يوم طليقته ناطة لكم البيت ولا ترمي عياله عليه ؟؟؟؟؟؟؟؟؟؟؟

انا من رأيي ماتوافقين

اسألي رب العالميييييييييييين اهو اعلم اذا انتي ما حسيتي بشي اسخيري كمان وادعي رب العالمين وشوفي اهله يمكن ترتاحي لما تشوفيهم واحب اقولك لما تستخيري وبعدين تسمعي خبر حلو هذا يدل على خير لانك تجوليييييييين ان خلوووووووووووووق وايد وعمر الاسمرار كان مشكله بالعكس عادي انا اخواني 2 سمر غير عن بشرتي خير ياطير وربي ما فيها شي اهم شي اخلاقه
اما بخصوص العيال مااعرف بصراحه بس كافي انهم انظلموا من امهم وانتي عوضي الحنان وعلى فكره صحيح بيكون الاب سرحان وياهم بس انتي تقدري تسيطري على ولاد والاب بذكاااااااااااااااااااائك
المهم لا تاخذي كلامي ولا كلام الناس احلى شي تسألي رب العالمين فقط

والله يالغاليه منتي بكبيره علشان تتنازلي لهذه الدرجه
مو المشكله انه اسمر وله مطلق
المصيبه ان عنده اولاد يعني ما بترتاحي معه زي ما تتمني
ترى الاولاد مسوؤليه وانتي بعد محاسبه من الله على معاملتهم بالطريقه الصحيحه
انا انصحك استخيري بعد وبعد
وترى الاستخاره مو معناها يجيك احساس وبس
لا في اشياء ثانيه اذا شفتي الامور جالسه تمشي بهدوء ومافي عقد وعراقيل معناها ان هو نصيبك والله اعلم
بس اذا شفتي الامور واقفه وفي مشاكل كثيره يمكن خيره ان ما يكون من نصيبك.
انا انصحك تفكري الف مره بالموضوع لان هذا زواج وعقد لاخر العمر ان شاء الله.وبعدين احب انبهك لنقطه مهمه لازم تعرفي سبب طلاقه لازززززززم علشان مو بعد ما تتزوجيه تصير مرته الثانيه حلوه ويقوم يرجعها وتكوني الثانيه ويتحجج علشان الاولاد او او او انتبهي والله يوفقك
تحياتي
سلم فكرك وأناملك عزيزتي سلمك الله من كل شر دلوعة حناني