تصدقون اهللي طلعوا موب اهلي

moonوامون 10-08-2008 59 رد 4,893 مشاهدة
m
مرحبااااااااااااااا

كيفكم ياحلوييين

قرأت هذا الموضوع وقلت انقله لكم الصراااحة بالمرره يضحك


هذا الله مير يسلمك ذاك اليوم وانا جالسه على كنب بيتنا << يعنني عندنا كنب

واجلس اقلب في جريدة الرياض وكل شوي طايحه على الارض


واقرى ذاك الخبر حق الجيزاني الي بدلووه مع تركي ولخطبه


ومير جاني احساس وشعور والهام ومها ومنيره


وجلست افكر وافكر وافكر وغفيت شوي همن صحيت وكملت تفكير

وقلت لايكون انا بعد مبدله << معد ورى


واروح لاميمتي وهي في المطبخ ولاهيتن تزين مصابيب


انا : يمه يمه يمه يمه


مامي << يقالي كشخه : وجعتين وشو <حنونه أمي


انا : انا بنتس ؟

اميمتي : لا انتي بنت ام الدحمي جيرانا


ومير ارووح اركض لغرفتي وانا اصيح ودمعي اربع اربع واستلقى على سريري وامسك دبي واجلس ابتسي وابتسي<< نصابه قصم ماعندي دب بس يقالي مثل هالبنات خخخ


لا صدز ومير انقز واجيب شنطتي وحطيت فيها لاب توبي وقواطي تونه وفقس

وانزل و البس عباتي واكتب رساله وداع لاهلي واعلقها على الباب


(( إلى اهلي النصابين الي قالو اني بنتهم وانا منيب بنتهم


تراني برووح الى الابد

الى القاء

ابنتكم المخلصه ))




المهم واروح لبيت ام الدحمي

وادقدق الجرس عليهم


واسمع ذاك الصووت الي يوم سمعته يفز قلبي وحسيت فيه حنان امومه << امحق

خيرررررر وجع بلا وجع وشذا الازعاج


ويوم انفتح الباب ومير ارجفه

واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا مزينه لتس؟


ام الدحمي : قصم موب بيدي بس رجلي غصبني << تعيش الجو بصرعه



واجلس اصيح صدز يعني انا بنتس صدز ؟

ام الدحمي : هااو وشو بنته الله يصلح حالتس اقول طسي بيت اهلتس بس



انا : بس انتي امي


ام الدحمي : من زينتس عشان اصير امتس انا بحلتن بذا الي عندي تجين تنشبين لي

انا : الله وعندي اخوان بعد <<< يعنني موب مسنتره عن جيرانهم 24 ساعه


ام الدحمي : قصم مالي خلقتس وخري من خشتي خليني اروح اكمل غسيل الحووش


انا : طيب اذا انتي موب امي من امي (( خخخخخخ تعبر ))

ام الدحمي : انتي اصلا امتس خطفتس من ايطاليين ولا انتي منتب سعوديه


انا : وانا اقووول وراني احس اني اهبل وفيني زين مهوب في احد << مشكله الثقه


ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه



ومير ترقع في خشتي الباب واتحطم واجلس اركض في الشارع اصيح وشعري يتطاير <<< ودي دايم اسويها



المهم وقلت يابنت مالتس الا اهلتس


وارجع لبيتنا وانقز بدوون ماحد يشووفني واشقق الرساله << يعنني ما انحشت


وانقز لغرفتي واحط قواطي التونه تحت السرير واخمد


طبعا وبعد اسبوووع من المووضوع إلى كل الحاره دارين عن سالفتي

وام دحيم ماخلت احد ماقالت له وكل ما شفت احد قام يضحك علي

لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله



وصارت سالفتي على كل لسان (( خخخخخخ وما زالت تعبر ))



ما يستفاااد :


1- ترى اهلك هم اهلك لاتفكر تتركهم :010-5:


2- كل السالفه نصب انا مألفتها من خرابيطي << قولي قصم بس :009-19:


3- لا فكرت ان اهلك مهوب اهلك لاتروح لام الدحمي وتقول لها انتي امي



مسروق



ان شاء الله يعجبكم
و
زين اني اول وحده ارد (( اخيرا خخخخخخخخخخخخخخخخخخخ

ياعيني على هاي القصه الخطيـــــــــــــــــــــــــــــــــــــره
ولا وحليلها ماصدقت خبر تركض عند جيرانهم هههههههههههه

تسلمين على النقل الممتع

بحفظ الله
ر
,,

كل الشكر ع السرق الاكثر من رائع

:)

ههههههههههههههه

تقبلي مروري غاليتي


,,
و
السلام عليكم
القصه حلوة تسلمين
بس الحمدلله ردت للبيت اهلها هههههههههه
*
ههههههههههههه حلوووه يسلموووا
ر
قصه حلوه مشكوره على النقل
و
هههههههههههههههههههههههههههههههههه

مشكوووووووووووووووورة
ب
:21_131: هههههه ذكرتيني بأيام الطفوله كان يراودنا هالتفكير ولا واخواني الله يسامحهم كانو يهبلون فيني كانو يقولون انت مو اختنا انتي لاقينك في كرتون عند باب بيتنا هههههههههه
ط
خخخخخ شكرًا ع السرقه اللذيذه << بتاكلينها انتي لوول !!

لموهييم

و الله هالشعور دايما يرادوني و أقول ألله شيصيير لو أنا مو بنت أهلي لوول<< أجل من بنته


بنت الجيران أكييد

لووول أضحك مو تصدقوون

يالله

سوي لنا سرقه ثانيه ذين ؟؟

أنا ماطرتس !!

دمت بود

تقبلي مروي

اختج
ا
هههههههههههه حلوووه

يسلموووا
&


هههههههههههه
حشى صدقت عمرها وعاشت جو الفلم

ضحكتيني الله يسعدك دنيا واخره
منوره الركن يا جنان



ر
هههههههههههههههههههههههه

خياااااااااااال تضحك مشكوووووووووره
على النقل
A


ههههههههههههههه

ظحكتيني والله

ياحيج بنت الروابي انا عيل اخواني يقولون لاقيني الله يعزج في زبالة الشارع


ههههههههههه


ع
خخخخخخخخخخخخخ
تصدقين كانت من ضمن خيالاتي أتخيل اني مو بنت أهلي متأثرة بقصة ريمي وجورجي خخخخخخخخخخخ

تسلمين جنان00 نقل حلو
&
هههههههههههههههههه

مشكوره ع النقل
u
حلوة تسلمين
ع
ههههههههههههههه

احلى شي سالفة نسخ الرساله

شكووووووووووووووووووووو
p
ههههههههههههههههههههههههههههههههههههههههههه
ع
هههههههههههههه
راح اسال امي ان كنت بنتهم ام لا
هههههههههههههههه
يسلمو جنان
.
ههههههههههههههههههههههه

الحين هالقصه صدق ههههههههههههههههه

تسلمييين يالغاليه عالسرقه الحلوه

:21_133:

انزين رمستهم غريبه هم من أي دوله

:sm229:
X