@@الحمدلله ولدت..قبل شهر من موعدي@@

السلاااااااام علييييييييييييييكم

اشلونكم كروشات

ألف مبروك للي ولدت وعقبال الباقي قريبا ان شاء الله

أبشررررررررركم

ولدت ولله الحمد من 6 أيام وربي رزقني بولد يجنن سميناه حسين الله يجعله من مواليد الخير

والسعاده والبركه علينا ان شاء الله

وللعلم انا موعد ولادتي للحين ما جا وقته موعدي بتاريخ 30 أغسطس بس انا قدمت تقريبا شهرررر

عن الموعد الحمدلله كنت احاتي اشلوووون بصوم شهر رمضان وانا نفاس

لكن الحمدلله الله سهل عليي وولدت وارتحت وان شاء الله بصوم شهر رمضان كله

بقولكم قصه ولادتي ماهي طويله بالعكس هالولاده اسررررررع ولاده لي وأسهلها سبحان الله كنت

متخوووووفه وااااايد منها لكن الله ستر وسهلها عليي.

فى البدايه.. كان يوم الاثنين كان فيني مغص ف بطني يروح ويرجع وتكرمون كان معاي اسهال بعد

انا استغربت قلت هالاسهال من شنو؟؟غريبه؟؟بس والله ما جا ع بالي انها بتكون ولاده..

استحملت المغص والاسهال يوووووووم كامل وبالليل زاد عليي المغص كان المغص ف بطني بس

وماكنت اتألم من ظهري من جذيه كنت متأكده انها مب ولاده لاني اعرف الم الطلق اشلون يكون!!

المهم... زاد عليي المغص بالليل ورفضت اروح الدكتوره خفت تلعب فيني وانا باقيلي شهر ع موعد

الولاده جااااااااا ف بالي اشرب زيت الخروع قلت اذا طلق بزيد واذا مب طلق بيروح.. صبيت لي نص الغرشه

ف عصير مانجو فررررررش وشربته كله..الطعم فضيييييييييع..الله يديم النعمه يا رب ..

ونقعت لي كسره حلتيته ف غرشه ماي علشان احط منها ف الكوتكس وقت الولاده وغليت كف مريم ونقعته بعد.

يعني..تحسبا..اذا كانت ولاده اكون مجهزه خلطاتي عن الزحمه.. ومرررررر الليل كله والالم فعلااااااااا قاعد يزيد

وزااااااااد للظهر واسفل بطني مثل الم الدوره ميه مره.. ساعتها تأكدت انها ولاده .

يوم أذن الفجر..صليت..واستخرت ربي..وشربت خلطات الولاده..وكليت لي رطب قد ما أقدر علشان يعطيني

طاقه وقت الولاده..وشميت حلتيته يااااااا ربي ع ريحتها استغفر الله بس لجل عين تكرم الف عين ههههههه

ومليت لي البانيو ماي حااااار وتنقعت فيه تقريبا ربع ساعه ارتحت واسترخيت حاولت اطبق كل اللي كنت مسجلتنه

من خلطات وطرق تسهيل الولاده من المنتدى والله يجازي البنات كل خير يا رب

بعد ما خلصت لبست ثيابي وقعدت أقرا ادعيه تسهيل الولاده والايات المذكوره فيه.

مر الصباح وانا مستحمله الالم وانتظرررت ليييين العصر وبعد ما رجع زوجي من الدوام خليته ينام له اشوي

ويرتاح ادري بيتعب معاي ف المستشفى

بعد ما صحى..رحنا المستشفى..كانت الساعه اربع ونص العصر سوولي تخطيط طلع فيني طلق وقوي بعد

وقاسولي الرحم توسعته كنت توني 3 سم خلوني انتظر اشوي لان ماكان فيه سرير فاضي للولاده بس كنت ع سرير

التخطيط والطلق قاعد يزيد بقووووووه وسبحان الله ف ساعتين بس وصلت 6 سم انا نفسي استغربت اول مره

اتوسع بهالسرعه مدري من الخلطات والا الحلتيته اللي تميت اشمشم فيها طول الوقت ههههههه بس نسيت احطها

ع الكوتكس ما تندمت بس قلت خيره من الله يمكن كنت اولد ف السياره ولا شي هههه.. المهم..فضى سرير ف غرفه

الولاده وطلعوني فوق قاسولي التوسع طلعت 8 سم الحمدلله رب العالمين الالم كان فظيع والطلق حاااااااااااااااااااامي

حااااااااااااااااااامي وااااااااااااااايد الالم ع بعض ما كنت اقدر حتى اتنفس طلبت منهم الاكسجين وما سوالي شي

شلته مني ما بغيته وكنت توني 8سم بس حسيت ان ودي ادفع وناديت الممرضه وقالت لي يلاااااااااااااااااا

بووووش وتعاونت معاهم بكل خطوه وولدت بسرعه كل شي صار سريع سريع الطلق والتوسع والولاده الحمدلله

رب العالمين حتى خياط ما سوولي تقولي ما تحتاجين ما تمزقتي ولا شي اللهم شق بسيييييييييييييييط جدا ما يبين

بس انا صممت انها تخيطه ما رضت بس صممت ع طلبي وخيطتني..غرزه وحده بس..ما احس فيها ابدا الحمدلله

تيسرت ولادتي هالمره صج تعبت ف الطلق بس الولاده كانت حلوه وسهله.

وبسسسسسس.. هذي قصه ولادتي من طأطأ لسلامو عليكو

الله يتمم للباقي ع خير ويرزقهم ولاده سهله ميسره

والله يرزق كل محروم عاجلا اجلا الذريه الصالحه المعافاه ان شاء الله.

والسلام عليكم.