تجمع حوامل الشهر التاسع

الله يكون بعونكم مكاريش .. أنا مثلج اختي فاشن جيرل .. بطني متيبس .. والبيبي قاعد يضغط على بطني من الجنبين يمين ويسار .. وأحس هالحركة مؤلمة وما تخليج تسترخين أبداً .. وأحيانا تجيني مثل النغزات تحت مؤلمة .. وهذا أول حمل لي وماعرف شلون ألم الطلق .. عشان جذي مابي أخوف روحي من اللحين !! ..

همباية أنا سهرانه معاج .. شنو تسوي هالعشبة ؟! ..

الحمدلله حصلت حد وياي

الله يسلمج هالعشبه تاخذينها يوم تحسين بالويع ويقولون انها تحمي الطلق

همباية تاخذين منها عودي وتحطين فوقه ماي لين يخلي وبعدين تصفينه وتشربينه

انا عندي بس ماسويتها توني ..

شخباركم اليوم

هلا وريف شخبارج انت

هااا متى ناويه تفشين ههههههههه

اقولج يعني شنو عوده قصدج اكسرها وآخذ غصن صغير منها بس عيل الباجي شو اسوي فيه هههه

حطو لي صورة العشبة .. وأقدر أحصلها من عند العطارين عادي .. ولا لازم اجيبها من السعودية ؟! .. وقولوا لي طريقة الاستخدام ..

صباح الخير كروشات كيف الحال
همباية حبيبتي انا قريت عن عشبة كف مريم في كتاب عند أختي امس على فكرة هي تخصصها بالجامعة علم النبات مكتوب عن كيفية استعمال العشبة انك تحطينها كاملة في قدر وتصبين عليها ماء مغلي وتنتظرين اللين ما تبرد وتخلينها طول الليل وتصفينها في غرشة ماي صحة وتخلينها بالثلاجة لين ما تحسين بالطلق وتشوفين علامة الولادة تسخنين منقوع العشبة وتحطين منه كوب وتحلينه بمقدار فنجال قهوة عسل وتشربينه العشبة تحمي الطلق والعسل يعطيك طاقة يعني لما تخلصين من الولادة نكونين نشيطة شوي

هاذي هي العشبة وتلقينها عند اي عطار بس خذيها من عطار معروف عشان تضمنيها انها جديدة

ها حراير شفتي العشبة وانا الحين بالأسبوع الـ 39 يعني الأسبوع الجاي من يوم السبت باسويها واحطها بالثلاجة اللين ما أحس بالطلق وترى مايصير تشربيها قبل الطلق لازم مع الطلق

وهاذي صورة ثانية أوضح ياحراير

شكلي لحالي ومحد حولي

همبايه;7238472:

هلا وريف شخبارج انت

هااا متى ناويه تفشين ههههههههه

اقولج يعني شنو عوده قصدج اكسرها وآخذ غصن صغير منها بس عيل الباجي شو اسوي فيه هههه

ايه غصن على قولتك..كل مرة سوي واحد او اذا طلع معاك كثير كل يومين يكفيك..

انا شخصيا ماجربته لكن وحدة من صديقاتي قالت عليه

فشريته

انا موجودة ياقمر..

كيفك

كيفك ياوريف صباح الخير ياحلوة شلون الكروشة

هلا صباحك ورد نونه

انا والله ضايق صدري من يومين صياااااااااح

مدري وشفيني صايرة حساسة مرررررررة

وكئيييييبة

وموقفة كل شي للولادة.. تعبت الله يفرج لي

والله الحال واحد وكملت علي مرت اخو زوجي جات امس واهانت ضيوفي وخوات زوجي عندي بالبيت وتهاوشت مع زوجي على هالسبة لأني ماعزمتها هو اللي عزم أخوه وزوجته على انها كانت عزيمة حريم والله فشيلة وقصة وجه حسبي الله عليها

نونه الشعنونة;7239418:
والله الحال واحد وكملت علي مرت اخو زوجي جات امس واهانت ضيوفي وخوات زوجي عندي بالبيت وتهاوشت مع زوجي على هالسبة لأني ماعزمتها هو اللي عزم أخوه وزوجته على انها كانت عزيمة حيم والله فشيلة وقصة وجه حسبي الله عليها









ياعيبااااااااه الله يهديها بس.. استغرب انا لما اشوف ناس زي كذا يحسبون حالهم مهمين ..

انا لو امي تسوي عزيمة وماتعزمني مابزعل .. كل واحد حررر اكره شي في الحياااااااااة

التشرررررره..

رايقة هذي <--تحمست مع القصة

انا ماعزمها لنها من خذيت زوجي لي الحين 3 سنوات والبيت جنب البيت ما قالت ولا مرة حياك الله علي فنجا قهوة حتى يوم ولدت ولدي عبودي ما وجبتني و لا قامت بالواجب ومع كذا اي عزيمه اسويها تجي وتسوي مشاكل مع خواتي ومع خوات زوجي لأنها هي اصلا مشكلجية وطردتها 3 مرات وما فيه فايدة اخر شي قلت لزوجي نأجر بيتنا ونروح نسكن مخطط ثاني خصوصا ان زوجي عنده بيت ثاني يعني بس نبدل البيوت ما فيها كلافة بس مو راضي يبي أخوه وانا سكت عشان ما أصير مفرقه بين الأخوان وللمعلومية ام زوجي وخواته يحبوني مثل وحده منهم وانا بعد احبهم بس اخو زوجي ما يحبني ولا يحب ولدي دايما يطقه ليش ما ادري وهو ترى اكبر من زوجي بـ 20 سنه لنه هو بكر أمه وزجي أخر العنقود

عموما خلينا من هالسالفة اللهم اني صائم شلونك انتي مع الكروشة وكم يوم باقيلك عن اليوم الموعود انا باقي لي 13 يوم يالله عجل بالفرج والعافية وانشاء الله يحسن الخلق ويهون الطلق على الجميع آمين يارب