تجمع حوامل الشهر التاسع

ما شاء الله أم سويره ربت ... فديتها ..
ألف ألف مبروك حبيبتي ...
والله أحس اني عايشه في المريخ ... خخخخخخ
ما شاء الله أخبار ولادات كذا وحده من الشله وأنا شكلي آخر من يعلم ...

المهم في حد هني ؟؟؟
مادري ليش ما تطلعلي الاسامي تحت اذا في حد موجود ...
حبيت أطمنكم على بنتي ميمي ... نتايجها كلها سليمه ألف الحمدلله رب العالمين ... والله نعمه من الله ...

أم سويره ليش خير شو فيه قلب سويره ؟؟؟ الله يعافيها ياااارب وتكون سليمه ياااارب وماعليها إلا العافيه ... حبيبتي أنا بعد بنتي كان فيها بو صفار ... وحطيتلها ليت في سريرها عشان الليت واااايد زين ويخوز البو صفار ...
تاخذينه من محلات الكهربا أو الأيس هارد وير اذا عندكم ... وتحطيلها اياه في سريرها ...
وبعد تعرضينها لأشعة الشمس وقت الشروق والغروب ... جسمها بس مب راسها ...
يعني تغطين راسها .. وتخلين عليها بس البامبرز ... مدة عشر دقايق أو ربع ساعه ..
وان شاء الله ما عليها شر وتفرحيبها يااااارب ...

هلا والله فشنشن ...
حبيبتي أغلب الياهال يوم ينولدون يكون فيهم بو صفار ... وهذا شي وااااايد عادي ... لان الكبد تبدا تشتغل بالشكل الصحيح يوم ينولد الياهال يعني يوم يكون في البطن ما تؤدي وظايفها كلها ... وايتم كم يوم ويروح ... بس عاد لو طول يعني كم شهر هني الخوف ... مثل بنتي هدى الله يرحمها لين ثلاث شهور وشوي وهي فيها بو صفار ...
المهم شحالكم طمنوني عليكم ... أحس اني منقطعه عن العالم ...