تجمع حوامل الشهرين 7 - 8

تسـلمين يا الغالـيه حبيبتي والله

ام سويره : شـخبآرج عسآج طيبه مآتشـوفين شــر الله يشـفيج حبووبه ..

تحيآتي ..

غروب مشـكوره حبيبتي للجميع التوفيـق والولاده الـ سريعه

تحيآتي ..

غروووووووووووووووب;7061833:
هلا بالغوالي




ام احلى محمود \ يعطيكي العافيه بالنسبه لفقر الدم في الصباح كوب حليب مع سبع تمرات كل سبانخ وورق عنب كثري من التفاح والله يساعدك يارب


ادعولي




((اللهم اعيذ ما في رحمي بكلماتك التامه من كل شيطان وهامه ومن كل عين لامه اللهم اسألك ان تحفظه وتجعله معافى كامل الخلقه دون زياده او نقصان اللهم حسن خلقه وخلقه وسهل حمله ومخرجه واجعله قرة عين لي واجعله من عبادك الصالحين آمين يارب العالمين))

غروب الله يعافيج قلبي و شكرا على النصيحه و ربي يسهل عليج و يسلمج يا رب :)

يلآ بآآي
اشوفكم على خير

ويمكن مراح ادخل المنتدى الا اذا الماما اوولدت بسلامه علشان ابشـركم

يلآ بآي

رراح اشتآق لكم حيــل

مع السلامه

ورديه نعامه

ولا تنسين تبشرينا

أم سويره;7061890:
صباح الورد كروشات

شخباركم؟؟

وريف
ام محمود

حرف عنيد

الشيخه

طمنوني عنكم وعن اخباركم؟؟

انا مغربلني الزكام و الحكه

احس الكحة تطلع من كرشي :(

شالحل؟؟

هلااااااااااااااااااااا و غلى و الله حبيبتي ام سويره شلونج شخبارج شخبار البيبي عني الحمدلله و التعب هذا شي طبيعي :) الله يسهل عليج يا رب تدرين خيتوه انا بحملي بمحمود بمثل اسبوعج هذا انا ولدت اول ما دخلت الإسبوع 36 على طول ولدت :) ربي يسهل عليج يا رب ..
بالنسبة للزكام انا ذابحني الزكام بعد و عندي حكه بس جدا خفيفه مب مثل يوم بمحمود بس الحكه عندي بمنطقة الأرجل مب في مكان ثاني حتى طالعي حبوب بريلي من كثر ما احك بس مب حكه متواصله و لا مؤلمه عاديه ما مأذيتني :)..

امممم حطي لج لوشن مرطب و اذا ما فاد روحي الطبيب احسن .. ما تشوفين شر يالغاليه ..

بتوحشينا ورديه نعامه و ربي يسهل على الماما و وصلي لها سلام مني و تحملي فيها عاد هالله هالله فيها ..

صباااااح الورد


وين الكرووووووووووووووشاااااات

صباااحو غروووووب شلونج قلبي عساج بخير يا رب :)

البنات وينهم اليوم بنات بسالكم عن نور النجوم ما اشوفها طمنوني عنها اللي عندها خبر عن نور

هلا ام احلى محمود

البنات نايمات ما ينلامون الثقل يسوي العجايب

فعلا تعب الله يعينا يا رب و يسهل على الجميع يا رب ..


تصدقين خيتوه صاير خاطري في مجبوس ربيان بموت خاطري فيه..

و خاطري برمان بعد خهخخخخخ خرفت شكلي عندي وحام متأخر

هلا بنات
انا امس كان عندي موعد والحمدلله كان اوكي بس دمي لحين نازل
انا في الشهر السابع وقالت ليي الدكتورة ان راس البيبي تحت..في هالشهر المفروض الراس تحت لو فوق؟
متى يكون راس البيبي تحت ..من اي شهر؟

ام احلى محمود;7063369:
فعلا تعب الله يعينا يا رب و يسهل على الجميع يا رب ..


تصدقين خيتوه صاير خاطري في مجبوس ربيان بموت خاطري فيه..

و خاطري برمان بعد خهخخخخخ خرفت شكلي عندي وحام متأخر

ههههههههههههههههههاي وحامك متأخر

الله يعين ان شاء الله ويساعد يااااارب

مر الأيام;7063418:
هلا بنات
انا امس كان عندي موعد والحمدلله كان اوكي بس دمي لحين نازل
انا في الشهر السابع وقالت ليي الدكتورة ان راس البيبي تحت..في هالشهر المفروض الراس تحت لو فوق؟
متى يكون راس البيبي تحت ..من اي شهر؟

هلا حبيبتي


الله يسهلك يارب

بالنسبه للدم انصحك بالسبانخ وورق العنب والتفاح وافطري حليب مع سبع تمرات

بالنسبه للبيبي اللي اعرفه ان البيبي بهالفتره مو منتظمه حركته مره فوق ومره تحت لانه دايم الدوران

الله يعينا ان شاء الله

السلام أشلونكم يا بنات؟؟

ام احلى محمود;7062829:
صباااحو غروووووب شلونج قلبي عساج بخير يا رب :)

البنات وينهم اليوم بنات بسالكم عن نور النجوم ما اشوفها طمنوني عنها اللي عندها خبر عن نور

حبيبتي يا أم محمود والله انج فرحتيني بسؤالج عني :)

حسيت اني مهمة ..

أنا الحمد لله تمام أستمتع بالنوم في آخر يومين من الأجازة ، خبرج انا أشتغل في مدرسة يعني باداوم بداية سبتمبر ..

امس كان عندي موعد الدكتورة طمنتني قالت لي كل شي تمام بس ما سوت لي ألترا سوند قالت لي بعد إسبوعين بتسوي لي ..

مرحباااااا كرووشات
شلون الصحه تمام ان شاءالله
بغيت اسالكم متى تورم الرجووووول
انا رجلي اليمين وارمه واليسار طبيعيه عادي هالشي ولا لازم الرجلين تورم :(

fashion girl;7057545:
هلا محتاجه

سوري حبيبتي .. السالفه مب سالفه ما عطيناج ويهه ههههههه ... انا عن نفسي نسيت ارد عليج

السوائل مفيده للحامل و بالذات الماي لانه ينظف الجسم و يمد الجنين بالماي و ما يخلي الماي الي حوالينه يقل.. و شرب السوائل يبعد التهاب الكلى و المسالك البوليه اثناء الحمل

هذا الي انا اعرفه :) و لا تزعلين منا

مشكورررررره حبوووبه
اضحك وياااج مازعلت بس تخبريين الحساسيه عندنا كلش صسااايره خخخخ:tongue:
ماقصررررتي عالاجاااابه الله يهون عالجميع بالسلامه يارب (f)

ملاذ الطير 79;7058590:
بناااااااااااااات المولعانية ماشاءالله ربت حبيت ابشركم توها طرشت لي مسج ويابت عبودي بقيصرية
الحين بنزل لها موضووووووووووووع :D

الف الف الف مبروووووووووووووووووووووووووووك
الحمد لله على سلامتها وعافيتهاااااااااااااااااا
والله فرررحت لها وااااااااااااااااااااااااااااااايد وااااااااااااااااااااايد
بشرينا عن صحتها هي والنونو تمام ان شاءالله :)

غروووووووووووووووب;7063645:
هلا حبيبتي


الله يسهلك يارب

بالنسبه للدم انصحك بالسبانخ وورق العنب والتفاح وافطري حليب مع سبع تمرات

بالنسبه للبيبي اللي اعرفه ان البيبي بهالفتره مو منتظمه حركته مره فوق ومره تحت لانه دايم الدوران

الله يعينا ان شاء الله

يمكن قصدها ان حزة اللي فحصت عليي كان راسه تحت

الله يعين الجميع يارب

السـلام عليكـم

شلوونكم ؟ شلوون النونوااات ؟