تجمع حوامل الشهرين 7 - 8

هلا بملوذة الحلوة

صباح النور والسرور يالغلا

انا بخير الحمد لله شلونج انتي ان شاء الله بخير

الغالية يا هلا بيج حبي
وان شاء الله ما يشير عليج

طيب في النت عادي انا ما خبرت احد
بس انا وزوجي وخليتها مفاجاة
والكل متوقع اني اجيب بنت
راح ينصدمون انه ولد خخخخ

هلا ملوووذة
صباح الحب والنور

الا صحيح الغالية انتي باي شهر ؟
وشنو مقررة تمسين البيبي ؟

اي عادي بس اختي تدخل الموقع

تعرف النك نيم مالي

من جذي ما بقول

وبخليها سبرايز للكل

بس اخاف انا الي اتفاجا

هههههههههههههه

الله يسلمج انا بنص الثامن يعني 33 اسبوع و3 ايام على اعتبار ان دخلنا يوم الخميس هههههه

اذا ولد ان شاء الله عبدالله

واذا بنت سندس ان شاء الله

وانتي شنو مقررة تسمين البيبي؟

علميني شنو جهزتي حق المستشفى

ومن وين اخذتي فراش البيبي؟

انا امس استلمت الفراش الثاني وطلع كلش فضيع ناعم وحلو

طيب على راحتك حبيبتي
والله زوجي راح يسمي البيبي
على كنيته ياسر ان شاء الله
وتجهيزاتي تلاقينها في قسم التجهيزات
انا سويت فراش واحد والثاني لسه ما جهز
طيب صوري تجهيزاتج وخليهم لنا بقسم التجهيزات

بقول لج شنو خليت بشنطة المستشفى
بدلة + جلابية + ملابس داخلية
شالين
جرة ماي حار علشان اخليها على بطني اول ما اولد وحزام
ومشط+شامبو+صابون+ليفة+معجون اسنان+فرشاة اسنان
مكياج بسيط + كاميرا
شبشب + عباية
قطن +قطن مخصص الى الصدر + فوط كبيرة
فوطة استحمام + مشبك

ان شاء الله اصورهم واخليهم

انا اخذت فراشين للكشخة

وفراشين خفاف للبيت

اما البيبي خليت اليه بشنطة
فراش + 2 بساط + لحاف + 2 قماط + صدرية + قبعة + 3 بدلات + 2 ملابس داخلية
مرضعة صغيرة + فوطة +مشط + فوط صغيرة +حفاظات

انا بعد مفكرة احط فيها هالاشياء بس مو الحين بجهز نهاية الثامن بجهز اغراضي واغراض النونو

انا محتارة في شنطة البيبي شنو احط فيها؟

سويتي توزيعات للنونو ولا ما تحبين هالسوالف؟

انا خذيت اثنين بس
خاصة انه ما راح يستعمله وايد
4 شهور بالكثير
طيب من وين اشتريت فراشاتج ؟

قالوا لي لا تحطين حفاظات للبيبي لان ما بستخدمينهم

يعطونج المستشفى حفاظات من عندهم

اخذت ثلاثة من اشراقة رضيع

واحد كشخة و2 عاديين

واحد من الملائكة الصغار

قلت لها ابي شي مميز وفعلا سوت لي شي حلو ومميز

اييييه سويت التوزيعات بنفسي
خيط جواريب بقماش الجوخ وسويت فيهم حركات
تصلح الى ميدالية وداخلهم الحلاوة
وراح اخليهم على شكل حبل غسيل داخل الستاند
وسويت من نفس القماش دمى صغيرة تتعلق على الحبل
مثل الفكرة مرسومة على فراش البيبي
تقدرين تشوفينه من هني
http://www.3roos.com/forums/t372363.html

اما عني جهزت كل شي من اول يوم في التاسع
وغسلت الثياب

وين هذا ملائكة صغار ؟
وانا دورت على اشراقة رضيع وما دليته

فراشي خذيته من النجم الجميل
والثاني ان شاء الله من الرياحين الصغار

امس غسلت الثياب

باقي اكويهم واجهزهم

انا بعد سويت التوزيعات بنفسي

بس اخذت توزيعات على شكل تحف بيبيات من خمس الدوائر وزينتهم في البيت

والستاند شريته وزينته بعدين ما عجبني تزييني وديته لمحل يزينه وصار عجيب

باقي علي احط الشوكلت في التحف

اخاف يذوب من هالحر القاتل الي عندنا

فاجلت السالفه شوي

اييه مثلك
انا خليت التوزيعات عند اختي
وقلت لها اول ما اولد شبكي الحلاوة في التوزيعات
والستاند شريته والحين اختي تزينة
للحين ما شفتها شنو سوت فيه

الله يسلمج الملائكة الصغار في عالي

صوب مدرسة الضياء الابتدائية

ومدرسة عالي بعد

اشراقة رضيع طلعناه بالقوقل ايرث قبل لا نروح

وحصلناه بكل سهولة

انا بالعمد ما اخذت من النجم الجميل
فراشج عجيب وحلو

بس لان النجم الجميل قريب من ديرتي وكل الناس تاخذ منه

ففضلت اروح اماكن ابعد واشوف اشياء اكثر ولان النجم الجميل متعمد على المخمل بشكل اساسي

وانا اخذت بيت الطفل مخمل فما ابي اخذ واحد ثاني مخمل بعد

بس مع هذا عندهم اشياء حليوة

اول ما شفت فراشج فكرت من مذركير ههههههههههه

بس قلت ما شفت منهم هناك

بعدين قلتي انه من النجم الجميل