ميـــلاد;7527636:
الســلام عليكـــم
انا بنضم لكم كلها 3 أيام وادخل الشهر الخامس
قالت لي الدكتورة اني بالأسبوع 17
الأمن مستتب .. بس الصداع تو يطلع لي هالإسبوع وانشاء الله يكون عابر وما يستمر أكثر
تعب الظهر ملازمني خصوصاً أخر اليوم لما اجي احط ظهري اريح العصرية او انام بالليل
ربكم يسهل علينا وعليكم
على فكرة هذا حملي الثاني عندي بنت الله يحفظها عمرها 3 سنوات
خاطري بهالحملة الله يرزقني ولد (انشاء الله)
ويكون بصحة وعافية وكل اللي يجي من الله زين
دعواتكم الغاليات واشوفكم على خير
عليكم السلام ..
الله يعينك اختي ع الصداع ، مكرهني بحياتي والله !
وانا مثلك دايما وقت راحتي يجي الم الظهر بزوده ، وان شاء الله قريب الحقك للشهر الخامس .. والله يرزقك بالولد الصالح.
!!Me!!;7528224:
الله يزرقج ولد يا ميلاد
حوامل حبيت اسالكم ....
طالع لي حبوب على صدري !!!!
الحبوب مب كبار ،،،بالعكس صغار وبعضه ما يبين ... بس انه خايفه
هل عادي والا ؟؟؟؟
انا صاير لي جذي ، و صار لي بعد بحملي الاول .. و عادي لا تخافين حبوبة ! :)
مشكووووره جمال الزهره على الرد
و انثى
ريحتي قلبي الله يريح قلبج:o
شاعرية;7521890:
سلام عليكم
من البارحه وانا احس بألم اسفل البطن ولما يجي الألم تزيد حركه البيبي ما أدري ليش في أحد مثلي والله اني خايفه ,, وأحس انه البيبي وايد نازل تحت ,, لين ما تحسنت اليوم بروح المستشفى ..
عندي موعد للسونار بعد اسبوعين ,, بحملي الاولي كنت ابي أعرف جنس الجنين وبس أما هالمرة أبي اتطمن على صحته ومو لازم أعرف جنسه ... صايره وايد اوسوس ...
ارجوج روحي المستشفى وتطمني هلاحساس ياني يوم افقد ولدي .. روحي المستشفى وتطمني عليه باسرع وقت .. في بعض الامور الواحد ما ينتظر خصوصا في الحمل .. لان يمكن الانتظار مو في صالح الحامل .. اذا ممكن ينقذون الجنين .. بس ان شاء الله خير ..
انتي بأي اسبوع .. ؟
شاعرية .. ماعليك شر ان شاء الله !
خوفتينا عليك ،، روحي للدكتورة و طمنينا عليك !
الف سلامه عليكوا جميعا واضح ان احنا الحمل عجزنا خلاص انا كمان عندى صداع فظيع
مرحبا امهات كيفكم ماتشوفون شر حبايبي والله يعين ونتحمل لين يخلصون الشهور التسعه على خير ..
شخباركم خواتي ..انتبهوا على صحتكم زين... اخت شاعرية انصحج تروحين المستشفى و تطمنين و ان شاءالله ما عليج شر ..الزكام دوخني و لا اقدر اخذ ادوية تحذروا خواتي و ابعدوا عن اي حد عنده كحة مو طبيعية انا ذاك اليوم حطوني ساعة تحت الملاحظة عشان حسيت انه البيبي نشاطه قل و خذوا مسحة من البلاعيم عشان يتاكدون انه زكام عادي مو بكتيريا و الحمدلله انه طلع زكام عادي و البيبي قام يرفص اكثر من يوم وصلنا المستشفى هههه الحمدلله على كل حال ..الله يسهل على الجميع يارب
السلام عليكم
شلونكم يا حوامل :)
حاسه بألم في ظهري اليوم كلش ما تحركت
طمنونا علكم
Me...Ms Dior... أنثى ...شمس حياته
تسلمون حبايبي وشكراً لكم ولكل من سأل عني والله يعطيكم العافيه وتكملون شهور الحمل على خيييير
تعبت يومين وبعدين صرت زينه ,, والتعب كان بسبب اني ذاك اليوم كان عندي موعد من الصبح بالمستشفى حق تحليل السكر وبعد ما رجعت قعدت أنظف البيت وأغسل ثياب للمغرب ,,وهذا اللي سبب لي ألم البطن كنت خايفه اروح المستشفى ولما عرف زوجي اني تعبانه عصب علي:o لانه قايل لي من قبل لا تعبين نفسش ودائما ارتاحي ,, بس هذا طبعي ما احب أشوف البيت معفوس .. والحمدلله على كل حال ...وبعد اللي صار لي بهتم بصحتي وصحه الجنين أكثر من قبل ...
وانتوا بعد اهتموا بصحتكم ...
الحمدلله ع السلامة اختي و ما تشوفين شر !
سلامات حبيبتــي شــاعرية وما تشوفين شر
واذا على شغل البيت تراه ما يخلص , انتبهي على نفسج وعلى صحتج
وتنظيف البيت لاحقه عليه ..
وش أخباركم يا كروشات , طموننـــا عليكم
اخبارنا مثل اخباركم !!
بس اللي زايد علي اليوم هو ان نفسيتي مبدية تخترب !!
كلة متضايقة و مالي مزاج !
و انتو ؟
ايه والله ومن سمعك يا أنثى النفسيه دمار وخايسه
حبيبتي اهم شي نواصل قراءة القرآن و ع طول بيدك المسباح و تستغفري و الله يقومنا بالسلامة !
النفسية مو ذاك الزود
والمزاج متقلب ,, وأحس بكسل وخموول
جمال الزهرة .. انثى .. ام عــلاوي
Me .. شاعرية .. نسيم
يسعد أيامكم بكل خير
ما تتخيلون فرحتي يوم دخلت اشيك عالموضوع وشفت تجاوبكم
ودعواتكم لي
يارب يخليكم ..ويرزقكم
حبيتكم من كل قلبي والله وادعيلكم ولكل بنات المسلمين بالسلامة من كل شر
شاعرية
اختي اذا على شغل البيت خليها على الله هذا بنتي قعدت شوي عالنت التفت الا وهي داهنه عمرها والموكيت بالتلفزيون بزبدة الكاكاو .. مدري انا الحامل ولا التلفزيون الله يصلحها
بس الواحد لازم ينتبه لنفسه
.
.
أما النفسية اليوم شي
داووون بقوة
والله زوجي طالع دوامه شفت من 10 بالليل الى 6 الصبح
وانا دموعي اربع اربع
يسألني اشفيك ..مالي خلق حتى ارد
مالقيت حجه اتسكته
الا بنتي مسكينة قلت صايره حنانه ..وما تاكل وتحوس بكل شي
وانا تعبت ..واقعد أصيح وحالتي حاله ضيقة صدره مسكين
خلوها على الله يا بنات الحلال يسهلها انشاء الله
طمنونا عليكم
احبكم
جمال الزهرة
صج انا بعد زايدة عندي الحكة هاليومين
وحلماتي مغمقين لونهم
hend
يعطيك العافية اختي
وانشاء الله البنات يفيدونك بسالفة الحبوب
للجميع اطيب الدعوات
ميلاد .. حبيبتي هاي واجبنا و ان شاء الله راح نكون ع طول مع بعض ليما نولد بالسلامة !
معليش اختي ، اهم شي تكونين عارفة انه تغير المزاج و حالة الكآبة شي طبيعي و وارد بهالمرحلة من الحمل !
و حاولي تغيرين الروتين شوي ، طلعي تمشي مع البنوتة في النهار والله بترتاحين و الحين الجو صار افضل !
وياريت لو تخلين لك شريط الحمل حتى نعرف لك كم ؟
موفقة اختي
ا
الأماكن كلها..
عروس متألقة
25-10-2008 | 10:18 AM
هلا كروشات والله حالي من حالكم صياح ودنيا تعبت قلت لزوجي باروح ببات عند هلي 3 ايام ابي نفسيتي تتغير تعبت البنوته فديتها اللي بطني بكره اخافها تطلع صياحه