تجمع حوامل الشهور الاولى(1-2-3)

بنات انا صار لي 5 اسابيع ويوم على حسب الدوره ..

وانا الدكتوره مقرره لي عمليه ربط لين وصلت شهر ونص .. وانا خايفه .. الي عندها فكره عن الربط .. وهل مؤلم او لا.. واذا في تخدير موضعي .. تقولي ..

ويزاكم الله خير ..

Ms Dior;6911139:
بنات انا صار لي 5 اسابيع ويوم على حسب الدوره ..

وانا الدكتوره مقرره لي عمليه ربط لين وصلت شهر ونص .. وانا خايفه .. الي عندها فكره عن الربط .. وهل مؤلم او لا.. واذا في تخدير موضعي .. تقولي ..

ويزاكم الله خير ..

هلا الغالية أول شي مبروك على الحمل والله يثبت حملج يارب بس ليش حبيبتي الدكتورة تبي تسوي لج ربط

انا مسويه عملية الربط واللحين انا بالشهر السادس نهايته ...

سويت العمليه لانه مافي سبب واضح للإجهاض اللي صار لي قبل الحمل هذا ... العمليه ابداً ماراح تحسين فيهااا يخدرونك تخدير كااامل .. وبعد العمليه مفرووض أنك ترتااحين في السرير لمدة أسبوعين وبعدهااا حاولي ماتكثرين حركه للشهر الخامس وطبعاً مافي جمااااع إلى الولاده ..

وأي إستفساار ثاني انا جااااهزة ...

يا كروشات وينكم لهدرجة اللوعة والترجيع مانعينكم من دخول المنتدى ما في تفاعل ابدا في هذا التجمع
أنا اليوم رحت للدكتورة وطمنتني على البيبي وقالت لي كل شي تمام الحمد الله بس أنا نازلة كيلوين وقالت
لازم تزيدين مو تنزلين وعطتني حبوب للترجيع بس قالت لي لاتكلينها إلا إذا حستي إنج بترجعي وطبعا مواضبه على الفولك أسد وحبوب اللوعة وعندي موعد للشهر الياي

وأنتوا شو أخبار البيبي معاكم إن شاء الله بخير والله يثبت حملنا يارب ويارب تهبنا الذرية الصالحة كاملة الخلق المعافاة يارب

بسوي ربط لان عندي اجهاض بالشهر الخامس .. اول حمل لي فقدته بالشهر الخامس يقولون كان البيبي نازل واطرافه تحت ..هلمره بيسوون لي بس بيتاكدون من الجنين ونبضه عشان يسوون لي
بعد شهر بيسوون لي .. اكره شي اسمه عمليات الله يعيني

بنات انه آخر دورة لي 13/7 و يوم 8/8 من الشهر دريت اني حامل بس ليما الحين ما راجعت المستشفى لان الموعد لي تاريخ 20 هل في خطر على الجنين من ناحية اني ما اكل الفيتامينات و الفوليك اسيد لي

هلا بنات الله يثبت حملي وحملكم يارب

الله يتمم لنا على خير

الله يثب حملي وحملكم .. وافرح فيه .. خاطري بياهل يملي حياتي انا وريلي ..

ياحوامل ساعدوني انا في بداية الشهر الثالث واحس بوجع اسفل البطن وبعض المرات في الجنب تكفون وش السالفه مع انه حملي الثالث بس هذا ماحسيته في حملي الاول

ساعدوني لاني مسافره مو في الرياض

اتوقع عادي ..

لان انا من وقت لي وقت احس بألم بالبطن ..

يمكن بسبب بدايه نمو الجنين ..

حوامـــــل شخباركم عساكم بخير الله يكون في العون الصراحة هذي الفترة كانت اصعب شي و الحمدلله تخطيتها و ان شاءالله انتوا بعد .
بس حبيت اقولكم انه الام البطن طبيعية لو ما كانت شديدة و تصاحب دم لا سمح الله اذكر انه كانت تصيرلي و الدكتورة تقول عادي
امـــــــــا الفولك اسيد فهو جــــــــــــدددددددددددا مهم بليز خذوه بانتظام لانه يمنع تشوهات العمود الفقري اللي قاعد يتكون في الشهور الاولى ..الله يسهل علينا و يثبت حمل الجميـــــــــع باذن اللـــــــــه

هلا حبيباتى يا كروشات ....شحالكن.... بنظم للمجموعة ... كونى اكتشف انى حامل من اسبوع ...
والمشكلة انا عندي السكري ....وخلونى اخذ ابر انسولين
وااااااااااااااااي متجننة من الابر .... والله فحص على كل وجبة مجننى....
بس الحمدلله .. يو م الله رزقنى الحمدلله .....
بنتواصل وبنخبر بعض شو يصير معانااااااا

هلا بنات شخبار الوحم معاكم

السلام عليكم

بنات شنو الاشياء اللي لازم اتجنبها اول ما اعرف اني حامل
وشنو الاشياء اللي لازم اسويها اول ما اعرف اني حامل

شنو الاكلات الممنوعة؟

اول امس عرفت اني حامل... وتوه اسبوعين... حتى ما بين الا الكيس... الدكتورة قالتلي اجيها عقب عشر ايام عشان بيكون واضح اكثر... وعطتني فولك اسيد

مرحبا .....الغاليات الله يثبت حملنا ويسهل علينا ويرزقنا الذريه الصالحة تامة الخلق......يارب......أنا هذا الحمل الثالث لي ........بس الوحام بزياده ومب راضي يخف.....والله يعينا ويعينكم...

ازيك ياحوامل بصراحه انا تعبت جدا فى الفترة الى انتوا فيها ديه من الوحم بس الحمد الله عدت وانتوا كمان ان شاء الله تعدى بخير

انتو كلكم مداومين ع الفوليك اسيد الا انا !!!

الدكتوره ما وصفت لي اياه بس وصفتلي حبوب مثبته للحمل..

احتمال بعد ما اخلص شهر ونص بتوصف لي اياه لان لي موعد بعد ما اكمل شهر ونص..

صبااااااح الخير

ألف مبرووك حبيباتي ,, وانشالله عن قريب الحق بكم واشارككم فرحتكم وتشاركوني .. ادعولي اكون حامل هالشهر