روحانيه;7053996:
السلام عليكم
ابله بحرينيه ممكن تقبلوني في الكلاس وياكم لو اني متأخره؟
والله من شفت موضوعج استانست وايد فديتج والله
وان شاء الله اليوم بسهر وبتعلم كل الدروس عشان الحق عليكم
اكيد مقبوله و حفظي الدروس زين لا تنسين
اذا عطيناج واجب في توقيف
اخر الصف :tongue:
hi bahrinia
if i know that you were here near to me i would punish you for not coming:mad
but thanks god i dont know you
:D welcome back
اول شي الحمدللة على السلامة:yahoo: وثانيا انا حابة وايد اني ادش بالكلاس لاني استفت وايد والصراحة حابة اكمل بالدروس لانة شرحج ماشاءاللة عليج:up: روعة وعلى فكرة انا راجعت الدروس الي كتبتيهم وجاهزة حق الدرس الي عقبة :sm240:
يعطيك العافيه اختي بحرينيه لتعليم الانجليزي وانا احب اتكلم انجليزي واكتب كلمات لكن انساها واحب انضم لكم :wink:
i can say one thing
but it's so important
if you need somthing
you an do it
all yu need is determnation
and take good dicitions
don't forget that the language is just a tool to cominicate and be aware of what hapens in the world
is not mean that you are someone special
you have to be youreself even if you speak 1000 language
and im with you hear girls to leran more and more and have more vocabilary
so let's do iitttttttttt
lamattt اي والله الحمد لله انج ماتعرفيني و مويمج مافيدي شده عقوبات ههههههه
مالك روحي حياج الله معانه في الكلاس و اتمنى تستفيدين اكثر
موكا اي والله الواحد ينسى بعض الاوقات من قله الممارسه تكلمي مع بيتكم انجليزي خخخخخ
lolgirly صح لسانج
المهم بانزل لكم الدرس بعد شوي لاني باكتبه شوي
verbs - الافعال ( فيربس )
مثل ما نعرف في اللغه العربيه هناك 3 انواع من الافعال ماضي . مضارع , امر
في الانجليزي نفس الشي تنقسم الافعال الى 3 افعال .
اقسام الافعال
1.التصريف الاول ( المضارع ) simple present - (سمبل بريزنت)
2. التصريف الثاني ( الماضي )simple past - (سمبل باست )
4. التصريف الثالث ( اسم المفعول)Past Participle - (باست بارتيسيبل)
تصريف الافعال مهم عشان نعرف اي تصريف و اي فعل نستخدمه لين بنتكلم عن زمن معين
فلازم نعرف الحين شلون نصرف الافعال من مضارع و ماضي و اسم المفعول قبل لا نتعلم شلون نصرفهم اول شي لازم نعرف ان في الانجليزي في
نوعين من الافعال
الأفعال القياسية REGULAR ( ريقيلر )
والأفعال الشاذة IRREGULAR ( اريقيلر )
(
الافعال القياسيه REGULAR اهيه الافعال اللي لين بنحولهم الى الماضي و التصريف الثالث نزيد اخر شي ed وهاي اغلبيه الافعال
مثال :
1 . الفعل talk وهو يعني يتكلم - يتحدث ( تلك )
مضارعه او مصدره talk ( تلك )
والماضي talked ( تلكد )
وكذلك التصريف الثالث talked ( تلكد )
2. الفعل play يعني يلعب ( بلي )
مضارعه play ( بلي )
الماضي و التصريف الثالث بعد played ( بليد )
والأفعال الشاذة IRREGULAR هي الافعال اللي ما تتبع قاعده زياده ed
مثال
فمثلا الفعل see بمعنى يرى
المضارع see ( سي)
لماضي saw (سو )
اسم المفعول هو seen ( سين )
break يعني يكسر
المضارع هو break ( بريك )
الماضي broke ( بروك )
اسم المفعول هو broken ( بروكن )
في بعض الملاحظات
1- إذا انتهى الفعل بالحرف y - باستثناء ay أو oy - نحول هذا الحرف - في الماضي إلى i وبعدين نضيف (ed) ....
مثلا :
try- tried ( تراي ) صارت ( ترايد ) يعني يحاول
hurry- hurried ( هاري ) صارت (هاريد ) يعني مستعيل اللي اهوه مسرع
2- إذا كان الفعل المضارع منتهي بحرف عادي و جدامه حرف من حروف العلة ( وحروف العلة مثل ما قلت( a,e,o,i,u )
نقوم نشدد الحرف الاخير يعني نعيد نفس الحرف و بعدين نزيد (ed)
مثلا
stop ( ستوب ) يعني توقف
stopped .
3- إذا كان الفعل المضارع منتهي بالحرف eيكون الماضي نزيد الحرف d بس
مثلا
move-moved ( موف ) صارت ( موفد ) يعني يتحرك
use-used ( يوز ) صارت ( يوزد ) يعني يستخدم
like-liked (لايك ) صارت ( لايكد ) يعني يحب
المهم راح اعطيكم اليوم جم فعل و كل مره راح اعطيكم اكثر
يعطيج الف عافية بحرينية على الدرس كان حلو وشرحج بعد سهل ومفهوم
راح اكت لكم اليوم جم فعل يمعت لكم مجموعه لين ما مخي عورني :sm215:
Simple Present المضارع Simple Past الماضي Past Participle اسم المفعول
arise يظهر ( اريس) arose ظهر ( اروس) arisen ظاهر (اريسن)
awake مستيقظ ( ويك) awoke استيقظ ( ووك) awoken استيقاظ (اووكن)
be يكون (بي) was, were كان (واز ,وير) been (بين)
bear يحمل (بير) bore حمل (بور) borne محمول (بورن)
beat يضرب (بيت) beat ضرب (بيت ) beaten or beat مضروب (بيت,بتن)
become يصبح (بيكم) became اصبح ( بكيم) become ( بيكم)
begin يبدأ ( بيقن) began بدأ ( بيقان ) begun بدأ (بيقن)
bend ينحني (بيند) bent انحنى ( بينت) bent منحني ( بينت)
bet يراهن ( بيت) bet راهن ( بيت) bet مراهن ( بيت)
bite يعض ( بايت) bit عض (بيت ) bitten معضوض (بايتن)
bleed ينزف ( بليد) bled نزف (بلد) bled نزف (بلد)
blow يضرب ( بلو) blew ضرب (بليو) blown مضروب (بلون)
break يكسر ( بريك) broke كسر (بروك) broken مكسور (بروكن)
bring يحظر – يجلب (برنق) brought احظر - جلب (بروت) brought مجلوب - محظور
build يبني ( بلد) built بنى( بلت) built مبني (بلت)
burn يخترق (برن) burned or burnt احترق(بيرند او بيرت) burned or burnt محروق
burst يفجر (بيورست ) burst فجر ( بيورست) burst مفجر (بيورست)
buy يشتري ( باي) bought اشترى (بوث) bought مشترى (بوث)
هاي بعض الافعال راح اعطيكم بين فتره وفتره ومثل ما تجوفون الافعال على ترتيب الحروف الابجديه المره الثانيه بيكون من الحرف c اذا تعرفون افعال غير هالافعال بحرف الa او b كتبوهم اهنيه تذكرو غير هالافعال بعض الافعال بهالحرفين
ابلتنا يازرينج في صفنا ، تو مانور الصف ، يالله يابنات نسوي حفله (i) لابلتنا لانها رجعت سالمه ، هاه ترى انا بجيب الكيكه (^) اي نوع تحبون ؟ ولا نجمع دراهمنا ونشتريلها هديه (g)؟
ابله بحرينيه ، انا احاول اراسلج عالخاص بس مادري شالسالفه ؟؟ لانه في موضوع ابي اتفق معاج متى ننزله للبنات لانه مهم وكان من الافضل انه ينزل مع درس الحروف انا بقولج مقدمه عنه واذا تعرفينه نزليه للبنات ، علم الاصوات ( Phonetics فوناتكس) ، راح يساعد البنات على نطق الكلمات الي يعرفونها والي مايعرفونها بالطريقه الصحيحه ،، بالتوفيق للجميع
ابله بحرينيه ، انا احاول اراسلج عالخاص بس مادري شالسالفه ؟؟ لانه في موضوع ابي اتفق معاج متى ننزله للبنات لانه مهم وكان من الافضل انه ينزل مع درس الحروف انا بقولج مقدمه عنه واذا تعرفينه نزليه للبنات ، علم الاصوات ( Phonetics فوناتكس) ، راح يساعد البنات على نطق الكلمات الي يعرفونها والي مايعرفونها بالطريقه الصحيحه ،، بالتوفيق للجميع
يمامه اليافعي;7070905:
ابله بحرينيه ، انا احاول اراسلج عالخاص بس مادري شالسالفه ؟؟ لانه في موضوع ابي اتفق معاج متى ننزله للبنات لانه مهم وكان من الافضل انه ينزل مع درس الحروف انا بقولج مقدمه عنه واذا تعرفينه نزليه للبنات ، علم الاصوات ( Phonetics فوناتكس) ، راح يساعد البنات على نطق الكلمات الي يعرفونها والي مايعرفونها بالطريقه الصحيحه ،، بالتوفيق للجميع
هلا يمامه اليافعي
مو مشكلخه انه معاج نزليه للبنات بيكون احسن من كتابتي لهم بالعربي
ننتظرج:wink: مبادره حلوه منج
يمامه اليافعي;7070764:
ابلتنا يازرينج في صفنا ، تو مانور الصف ، يالله يابنات نسوي حفله (i) لابلتنا لانها رجعت سالمه ، هاه ترى انا بجيب الكيكه (^) اي نوع تحبون ؟ ولا نجمع دراهمنا ونشتريلها هديه (g)؟
انه احب cheese cake و يفضل تيمعون فلوسكم اللي بتييبينها
اضن ما بتكفي لان اكيد انه نصها باخلصها:tongue:
شلونكم بنات اليوم
قبلت لا ادش درس اليوم عندي لكم موقع عجييب حق تتعلمين الكلمات مع الصور و تأشرين على الصوره و يطلع الصوت طريقه لفظها روعه الموقع باعطيكم اياه بس حفظو مو تطالعونه بس هاي الموقع
http://go.3roos.com/YEWQinLfv3i
واتمنى من يمامه اليافعي تنزل لنه الموضوع باقرب وقت عشان نعرف نقرى الكلمات و الافعال
اللي قاعدين نتعلمها بطريقه صحيحه مدام احنه في دروس الافعال
وقاعده انزل لكم الافعال فنبي نقراها صح فبعد ما تنزل يمامه
الموضوع راح اكمل حفظ مجموعه ثانيه من الافعال
وااااو مشكورة:Za_thanx: بحرينية دشيت الموقع وايد حلو :poster_vt: والحلو بعد ان يحطون لج معنى الكلمة باعربي لانة في مواقع يخلونج تتوهقين:sm229: مايحطون المعنى بس يبونج تفهمين بس جذي بالفطرة خخخخ
امس حاولت ادور كلمات بحرف الa وb بس ماكان في بالي شي:sm215: والكلمات الي تذكرتهم كانو بحروف ثانية بس بحاول اني اتذكر جم كلمة
verb to be / فعل يكون
verb to be اهوه من احد الافعال اللي تستخدم كفعل رئيسي و فعل مساعد used as a principal and a helping verb
principal verb - فعل رئيسي
helping verb - فعل مساعد
في هناك بعد فعلين مساعديناو رئيسيين يعني مجموعه 3 اللي اهمه
verb to be فعل يكون
verb to do قعل يعمل
verb to have فعل يملك
اليوم باعطيكم عن verb to be والاثنين باعطيكم اياهم بعدين
ذيلين اهمه verb to be
subject فاعل / I
present مضارع / am
past ماضي / was
Past participle اسم المفعول /been
subject الفاعل / he , she, it
present المضارع / is
past الماضي / was
past participle اسم المفعول / been
subject الفاعل / we , they , you
present المضارع / are
past الماضي / were
past participle اسم المفعول / been
هاي اهمه verb to be الحين راح نتعلم شلون نسوي بهم جمل عاديه و جمل منفيه و اسأله
الجمل العاديه :
طبعا الفاعل ذكرناه فوقI انا - he هو - she هي - it يستخدم للجماد او الحيوان - you انت ويصي للجماعه بعد بصبر انتم - we نحن they هم
اذا نبي نتحجه عن عادايت او حقائق فلازم تكون الجمله في المضارع am - is - are مثلا لو نبي نقول ان هالشخص مدرس تكون الجمله
he is a teacher
'المضارع اهنيه Is و الفاعل طبعا he
جمله ثانيه مثلا باقول انا تلميد تكون الجمله
I am a pupil
المضارع اهنيه am وطبعا الفاعل اهوه I
اذا نبي نتحجه عن شي مضى و انتهى معناته طعا الجمل في الماضي و الافعال في الماضي was , were
مثلانبي نقول اهمه كانو طلاب في المدرسه فتصير الجمله
they were students in the school
فنجوف الفعل were والفاعل اهوه they
لو كنه نبي نكتب جمله منفيهNegative شلون نسويها ؟؟
نحط كلمه not اللي اهيه النفي ورا verb to be اللي اهوه فعل يكون
نجوف هالجمله
I am at home طبعا الفعل في هالجمله am واهوه في المضارع و الفاعل طبعا I
الحين نبي ننفيها مثلا ما قلنه نحط not عقب verb to be يعني عقب am
تصير الجمله I am not at home فصارت انا لست في المنزل
مثال ثاني you are tall
you are not tall
الفاعل you و الفعل are
تكون الاسأله مع الفعل يكون
Making Questions with the verb to BE
“Yes” or “No” questions and short answers
الأسئلة ب(نعم) و (لا) و الإجابات مختصرة:
اذا بنكون اسأله اول شي في السؤال نحط فعل من افعال يكون و عقبها الفاعل و بعدها تكمله الجمله
(التكمله )verb to be +subject +Complement
are + you + a teacher ?
were + the + boys + at school ?
هاي اهمه الاسأله ز بالنسبه حق الاجوبه بتكون بهالطريقه اجوبه الاسأله بالترتيب
اذا كانت الاجابه Affirmative إثبات
yes + subject + verb to be
yes, I am
yes, they were
اذا كانت الاجابه Negative نفي
No + subject + verb to be + not
No , i am not
No , they were not
هاي اهوه درس verb to be و بعدها بعطيكم درس verb to do , verb to have
مالك روحي;7076516:
وااااو مشكورة:Za_thanx: بحرينية دشيت الموقع وايد حلو :poster_vt: والحلو بعد ان يحطون لج معنى الكلمة باعربي لانة في مواقع يخلونج تتوهقين:sm229: مايحطون المعنى بس يبونج تفهمين بس جذي بالفطرة خخخخ
امس حاولت ادور كلمات بحرف الa وb بس ماكان في بالي شي:sm215: والكلمات الي تذكرتهم كانو بحروف ثانية بس بحاول اني اتذكر جم كلمة
العفو حاظرين
بس لا تدورين بينط لج عرج في مخج :21_131:
مشكوره بحرينيه
الدرس اليوم حليو الله يسعدك