أم زوجي وشعر ولدي

والله يابنات هاي اول مره اكتب شي في هالقسم بس لاني الحين موعارفه الحل مع انها مو مشكله كبيره بس مضايقتني زياده عن اللزوم

انا الله يسلمكم عندي ولد عمره 7 شهور ويوم جبته كان مافيه شعر والحين طلع له شعر يديد وانا حدي مستانسه فيه لكن ام زوجي تبي تقصه تقول علشان يتساوى يا بنات شلون يتساوى اذا بيقصونه انا مابغيت يطلع له شعر حلو ابيه يطول وبعدين اعدله لين طول كامل.

نزين انا قلت لها لا واهي كل يوم تقريبا تفتح السالفه وساعات تقول انا بوديه بدون انتي ماتدرين تخيلوا وانا تنبط جبدي لانه ولدي ومو ماخدة رايي بعين الاعتبار والله ماادري شسوي.

عاد الحين من نص ساعه تقريبا انا جيت من بيت ابوي واهي اخدت حمودي ولدي وقالت للحين شعره هلون قومي بودي اقصه انا رديت عليها قلت لها لا ابيه يطول بعد قامت تكلمت بصوت قوي شوي وقالت لي شنو يطول اني شتقولين وبعد قامت اخت زوجي معاها تقول لي اهي بتعدله بس والله حسيت انهم متفقين عليي ويطالعوني بحقد وجني ماافهم شي ..


حتى زوجي اذا يروح لهم يشيشونه ماادري شسوي يا بنات الى عندها الحل تخبرني تراني ضاقت جبدي منهم ومن حنتهم على شعر ولدي مع اني اشوفه حلو وناعم ..

وبعد يابنات تراني احبهم واشاركم كل شي بس من هالسالفه مكرهيني اقعد معاهم