الله يرحم ولدى

بس ابا اعرف اذا حد يروح عند الدكتوره اوراس فى حد يعالج عندها وكم تاخذ وتسوى ربط ولالا ؟؟ اتمنه انكم تردون على

الله يعوضج خير

الله يعوض عليكم ويرزقكم بالذرية الصالحة ويسهل عليكي ان شاءالله في حملك الجديد ومانسمع منك الا الاخبار الطيبة يارب

الله يعوضج حبيبتي

والله شعورج صعب الله يكون بالعون =( انا سقطت في الشهر الثاني وكنت راح امووووت

بس لازم تنتظرين على الاق 3 شهور عشان تحملين لانه ممكن تدخلين في دوامة الاجهاض في ناس كثير حملوا بعد التسقيط على طول واستمر حملهم وبعضهم لا صار اجهاض ثاني

نصيحة من اخت ريحي نفسيتج ورحمج والله يرزقج يارب

امين يارب والله يسمع منكم يارب

الله يعوضك خير يا رب ويرزقك حمل مره تانيه يا رب ../بس مهم كتير تريحي حالك قبل ما تحملي مره تانيه والله يكون بالعون .

نفس قصتي بالضبط ولا شي غير..

كان ولدي 5 اشهر ونص ولدوني غصب وقالولي لين حملت بعد ثلاث شعور يسوون لي ربط .. كان هلشي شهر 4 ..

وانا الحين حامل.. بس خايفه .. لان انا مثلج اختي فيني عيب في رحمي ولازم ربط ..

الله يعوضج خير حبيبتي ويرزقج الذريه الصالحه عاجلا غير اجلا

الله يعوضج خير

الله يعوضك خير إن شاءالله

الله يعوض صبرك
والله الاطباء صار ماعندهم رحمه ولا يهمهم مصلحة المريض طبعا مو الكل بس الاهمال والامبالاة صارت كثيره

نفس اللي صار لبنت خالتي كانت خمس شهور ونص وعندها توام اولاد
نزل نقاط دم بس وراحت المستشفى الطبيب كشف عليها داخلي وصار الدم ينزل بكثره وبعدها ولدها طبيعي وشافت الموت على مدى يومين
ونفس اللي صارلك الحمل اللي بعده بيربطون لها باذن الله بعد الشهر الثالث
ربي يعوضك ويعوضها ياااااااااااااااااااااااااااااااااااااااااااارب
بحق لا اله الا الله محمد رسول الله
تفرحون باطفالكم قريب

مشكورين والله على وقفتكم معاى المهم انا ابا اعرف عن الدكتوره اورا هل هى تسوى ربط ولالا وبكم

الله يعوضج خير ان شاء الله ويصبرج

كله خير ماتدرين ربج شنو كاتبلج


مب زين تحملين على طول

اهوة الافضل تنطرين 6 شهور عشان الرحم يرجع مكانه بس عادي تحملين بعد 3 شهور (كلام دكاترة)

عن تجربة انا طرحت ولي شهر ونص ومت من الصياح وابي احمل بسرعة

صبرت 3 شهور والحمدلله حملت لكن الحمل كان مهدد بالاجهاض وينزل علي دم

انصحج تصبرين اكثرمن 3 شهور

نصيحه اختي لا تحملين الحين .. ترى ظهرج تعبان ورحمج بعد.. يبيلج 3 شهور ترتاحين .. مثلي .. وبعدين تحملين.. عشان جسمج يكون مستعد حق الحمل اليديد ..والربط يسووونه بعد شهرين من الحمل او شهرين ونص.. وانا بعد شهر ونص راح يسوون لي الربط وبخبرج بكل شي بس انتي لا تستعيلين ترى مو في صالحج.. لان المره من تجهض يصير في احتماليه تجهض مره ثانيه ..

خبر احزنني يا فطومه
ليش شو صار طول الفتره اللي فاتت..
الحمدلله على سلامتج
و ربي يعوضج كل خير يا رب
بالنسبه للدكتوره اوراس ما اعتقد تسوي ربط لانها دايما بعادتها ما تطلع للمستشفيات
ممكن تسوين الربط في مستشفى حكومي او مستشفى الزهراء او ويلكير

قلبي وااااااااااااايد عورني

قولي اللهم اجرني في مصيبتي و اخلف لي خيرا منها

الحمد لله سلامتج

والله يعوضج خير يارب

الله يعوضج بس حاسبي على روحج وسمعي عدل كلام الدكتوره .. انا توني راده من المستشفى صار لحملي 4 اسابيع وشي.. والدكتوره قالت لي من ينبض قلب البيبي على الشهر الثاني بتسويلي ربط .. وبتعطيني اجازه من العمل 7 شهور بدون حركه .. شفتي اشلون .. يعني لازم راحه تامه .. انتظري يمر شهرين بعدين حملي واكيد راح يسوون لج نفسي .. ما تتحركين مول ..

اوكى يابنات والله مشكورين ان شاء الله بس اقوم بسلامه بس انا كنت ابا اعرف بكم يسون