~ محتارهـ أوافق و الا لا ؟ ~

شوفي ماحد كامل

بس اللي متقدم ما فيه عيب

توكلي على الله

ووافقي

انا مااشوف سبب مقنع للرفض بالعكس ماتدرين يمكن بعد الزواج الله يسهل امورة ويتغير نظام شغله او مكان الشغل سبحان الله مسبب الاسباب توكلي على الله

شمس 31116;6881578:
انا مااشوف سبب مقنع للرفض بالعكس ماتدرين يمكن بعد الزواج الله يسهل امورة ويتغير نظام شغله او مكان الشغل سبحان الله مسبب الاسباب توكلي على الله

انا ماشووف فيه شي انج ترفضينه

اما عن الدوام

اعرف وايد بنات رياييلهم يشتغلوون في المجال البترولي وصابرين على هالشي

لانه اللي يبا الرزق يسعى وراه ف اي مكان حتى لو كان فالصين

SummerTime;6873649:
السلام عليكم يا الحلوة ما أدري شو أقولج أقوم أركض وراج بالعقال يعني وله شو

يا ينتي الفرصة ما تتدق باب البنت إلى مرة وحده يعني أنا أول شي يوم قلتي شاعر أنا ما أيدت واااايد لأن الصراحة أحس معظمهم مب مال شغل و مال سوالف بنات و الصراحة تقال أنا أكره الشعراء واااايد ما أعرف ليش خخخخ

بس يوم قلتي أنه سألو عنا و طلع زين شو تتريين يعني إذا جائكم من ترضون خلقه ودينه فزوجوه و أنا حبيت فيه سالفة أن دق البيت من الباب مب من الشباك يعني يوم عيبتيه خطبج على طول يعني ما إستغل رقمج و حاول يطيحج يعني ها يدل إن مب مال بنات

و سالفة الشغل صدقيني وايد بنات نفسج و عايشين أحسن يا الحلوة عسب دوم يكون في شوق بينكم يعني حياتكم بأذن الله ما بتبرد بسرعة ... و أهم شي أن هو الي يباج يعني و الله بموووووت و آخذ واااحد بعد قصت إعجاب خخخخخ يعني ما أحب سوالف الحب و التيلفونات لأني دوم أقولهم يعني لو حد شافني مكان و حب إسلوبي و تقدم على طول >>>> لا تحلمين واااايد

و بعدين الإستخارة بتسهيل الأمور مب أحلام و ماأدري شو و ما أعرف أحسه زيييين >>>> إنزين و إنتي إشخصج خخخخخ

الله يوفقجج الغاليه و لو ما عزمتيني على الملجه صدق بركض وراج بالعقال

انا مع الاخت
بس مابقوم اركض وراج بالعقال :dd:

سالفة الشغل صج صعبه بس ماتدرين يمكن بعدين يقدر ينقل او يغير مكان شغله
بس انتي بعد جوفي نفسج وقعدي جلسة صراحه اذا بتقدرين مثلا على سالفة المعجبات وهالسوالف، مع انه ماتوقع بعدين بيفضى وايد حق اصبوحات وامسيات لانه بيكون عنده بيت ومسؤوليات بالاضافة الى الشغل

فانتي اللي عليج تستخيرين وتوافقين، ومافي شي افضل من ان الله سبحانه وتعالى يتخير لج وييسر لج الشي اللي فيه صلاح لج
وكوني على ثقة ان لو صار نصيب او ماصار نصيب او حتى اي مشاكل تصير بعد الزواج مثلا فلو شنو يصير فهو من رب العالمين وهو سبحانه ادرى بمصلحتج وين

من رايي توافقي عليه
الله يقدم لك اللي فيه الخير و ييسر امورك يا رب

توكلى على ربج وربي يوفقج

بما إنج ما رديتي بديت أشم ريحة بخور و أسمع ناس ييببون :888345:>>>> شكلج ملجتي و ما عزمتيني تراني مزهبه العقال :sm215:

حبيبتي الانسان ما فيه شي بس الافضل تستخيرين والله يوفقك

هلا ياقلبي

شوووووووفي انتي ادعي وقولي يارب بعزتك وعظيم سلطانك ان كان خيره اتزوج فلان في ديني ودنينا فيسره لي

وان كان شر فاصرفني عنه

مافهمت قصدك انه يشتغل في البترول 0000يعني كم يو م يجلس في شغله ارجوووووووووا الرد ع النقطه هاذي

ولاتنسي تيشرينا 000

وادعي انخطب في شهر شعبان

رجل غني بدينه وماله وحنون واهله طيبن وكريم

لاتنسين

السلام عليكم و رحمة الله و بركاته

خواتي الكريمات

والله انكن ما قصرتن، بارك الله فيكن جميعاً

اختي SummerTime

و الله إنج ذبحيتيني من الضحج، لا لا الله يخليج كله و لا العقال لا تزهبينه و لا شياته ...

أنا جفت الموضوع من كل الزوايا و الحمدلله إلى الآن الشي السلبي الوحيد هو نظام شغله أما الريّال زين و ما عليه كلام، و إن شاء الله قريباً ببشركم :wink:

الإخت اللي سألت عن نظام عمله

شوفي هو نظام عمله يعني قد ما يداوم قد ما يأجز، فرضاً لو داوم اسبوعين يعني إجازته اسبوعين عرفتي كيف؟ بس هو حالياً شغله بـ نظام اشتغل 7 شهور و أجز 5 شهور و نص ... و جيه

و إن شاء الله، الله يقدم اللي فيه الخير

و مشكورات خواتي والله ما قصرتن

Simply Unique

البنات ما قصرو ...غير ان بزيد ان كل الرجال يتعرضو لهذي الاشياء من البنات .... غير انه هو شاعر في هذه الاشياء باتصير اكثر ... اذا انتي عاقلة وفهمتي طريقة حياته ممكن تقدري تتعايشي مع هذا الشي ... اذا حسيتي انك ما تقدري فهذا راجع لك ولا تظلمي حالك معه ... بس انا شخصيا من خلال زواجي اشوف ان اذا كبرتي عقلك وهو التزم فيك ووثقتي في تصرفاته بتحسي بالراحة حتى لو قفلو عليه في غرفة من 10 بنات .. بتكوني واثقة منه ... اذا هو اثبت لك وفاءه من عيشته معك ...

موضوع عمله هو الصعب وصعب كثير ... يعني انا شخصيا متعب بالنسبة لي اذا غاب عني 7 شهور بدون ما اشوفه بس لو اضطرتني الظروف ما اقدر اعمل شي باضطر اتحمل ... فكري هل ممكن تتحملي الوضع هذا ؟؟؟
يعني ما في انسان كامل لازم تحصلي شي في الشخص تخليك تعيدي التفكير ... فاذا هذا العيب الوحيد اللي فيه تقدري تتحمليه فاتكلي علي الله وتوزجي واسعدي ومو معروف يمكن يوم من الايام ينقل لعمل في نفس مدينته وترتاحي من الفراق هذا ..