قصتي من طقطق للسلام عليكم

السلام عليكم ورحمة الله وبركاته


شحالكم بنات انا اليوم حبيت احط قصتي عشان افيد واستفيد وان شاء الله تكون في ميزان


حسناتي ان شاء الله


المهم قصتي ابتدأت قبل 9 شهور يوم الحبيبة موضي قالت لريلها انا ما ابي عيال لين اكمل سنة ودخلت الفكرة في راسه ( مب صاحية الحرمة لا تسوون مثلها ) اونه سببها انها تبي تستانس هو وريلها فترة...:eek:

وبعد العرس بشهرين حنت للعيال يوم كل ربيعاتها وبنات اهلها حملن (مشكلة غيرة الحريم ) وهي لا لانها هي وريلها كانو يتبعو العزل الطبيعي:eek::o

قالت حق عمرها منو يقول دورتي مب منتظمة لازم اسير انظمها وهي اصلا دورتها كانت تيي كل شهر ماشاء الله يعني ما تكمل اكثر من 30 يوم الا الدورة تييها المهم لما كملت ثلاث شهور من العرس سارت عند دكتورة وقالتلها انا دورتي مب منتظمة قالتلها الدكتورة دام ان الدورة تييج كل شهر يعني الدورة منتظمة قالتلها لا ابي تكون منتظمة قالت لها خلاص انا بعطيج ديفستون عسب ينظم و تاخذيه لمدة ثلاث شهور من اليوم ال15 للدورة حبتين في اليوم وسوتلي سونار قالتلي الرحم عندج مقـــلوب بس لاتخافين لان ماينمع الحمل بس انتي توج متزوجة ما اقدر اقول انج متاخرة على الحمل لين تكملين سنة فجتني جلطة:confused: لاني كنت ابيها تفحصني اكثر وانا اثق فيها لان خواتي كلهم يتعالجون عندها المهم بعد اسبوع من خذت الديفستون جتني التهابات:confused: والحمد لله راحت بس انتقلت حق ريلي:wink: والمهم استمريت 3 شهور على الديفستون بس مانتظمت يعني اول شهر كانت تييني بعد مايخلص الديفستون ب4 ايام والشهرين الي بعدهم يتني بعدها ب 10 ايام وكنت افرح عبالي حامل بس يطلع العكس والحمد لله على كل حال:) وبعدين الشهر الي بعده استنيت تييني الدورة 35 يوم بس مايت وسويت فحص دم وبول وانتوا بكرامة لاني كنت ناوية اسير العمرة ويوم ما حملت خذت بريميلوت ون عشان ااخر الدورة لاني سرت العمرة لمدة خمس ايام وعقب اربع ايام من هديت البريموليت ون يتني الدورة الحمد لله:) المهم كانت الدورة تاريخ 6_7 يعني اليوم هو اليوم 32 للدورة ومايتني الدورة وامس اختي الي ما خذنها اخوا ريلي يابتلي فحص منزلي وسوتلي فحص بس ما اعرف النتيجة لاني عطيتها عينة بول وانتو بكرامة وهي سوتلي انا ما سالتها عن النتيجة لان اليوم يوم شفتها ما تكلمت فعرفت ان طلع سلبي فقررت اصبر والله كريم



بنات اعرف اني طولت بس كنت ابي الكل يستفيد ان الدورة الي تتاخر ب الشهرين والثلاث هاي ممكن نسميها تاخير بس الي اقل هاي تكون طبيعية

ودايما خلوا ايمانكم بالله قوي ووقفوا التفكير وادعوا بالرحمن الرحيم ان يرزقكم الذرية الصالحة

وتقبلو تحياتي