ارجوكم ساعدوني في مشكلتي بموت من التفكير

السلام عليكم خواتي مرتدات منتدى عروس

حببت ان اعرض عليكم مشكلتي بعد ان ضاقت بي الدنيا وارجوكم تقرون السالفه كلها وادلوني ع طريق الصح

سالفتي وما فيها اني انا ممتلكة من واحد من هلي صارلنا تقريبا 10 شهور من متلكنا...
في بداية هذا الامر انا كنت رافضه زواج هذا الشخص مو لانه في شي بس لانه من الاهل وانا كنت كارهه زواج الاقارب .. بعد ضغوط كبيره من الاهل ولانه انسان زين تمت موافقتي على هالشاب وقبل الموافقه كنت دوم استخير ربي في هذا الزواج وعمري ما حلمت بشي زين كل كوابيس مزعجه قلت الاستخاره مو باللي اشوفه في منامي قلت باللي احس فيه تقبلت الفكره لانه كلمني وشفته ايجابي وكان يهديني بين فتره وثانيه وبعده حددنا موعد الملكة وتجهزت للملكة وتمت الملكة بأحلى ما يكون
بعد الملكه اكتشفت ان زوجي انسان غامض ابد ما يبوح اللي في خاطره يعني 10 شهور وانا انتظر منه يتكلم عن شي يختص فيه او يبوح باللي في خاطرهه او يتكلم عن عائلته بس ما لقيت من هذا شي واذا تكلم عن نفسه بيتكلم عن شغله وبس بس شي ثاني مستحيل كأنه مش واثق في اللي يكلمها وهذا يأثر فيني وفي كل وحده مكاني كل وحده ما ترضى تكون غريبه على شريك حياتها وانا عكسه تماما احاول اطلع كل اللي عندي واراويه اني اثق فيه وادخله في امور حياتي بشكل عام بس لما شفت اسلوبه الغامض قررت اني استوي غامضه مثلاً ما اجيب طاري أي حاجه بس وين سرت ومتى رديت وهو كذلك وهذا يجبلنا الملل بس شو اقدر اسوي؟؟؟ والله اني اعرف الاخبار من اهل بيته بس هو مستحيل يقول شي؟؟ ولما واجهته قال انا ما احب اتكلم عن حد وما احب اقولج شي واطلع كذاب؟؟ قتله خلاص ما صارت هذي عيشه حياتنا كلها ملل

الشي الثاني زوجي مول ما يسأل عن أي شي قاصرني يعني محتاجه شي والا شيات ما في ابد منها الشي غير المصروف اللي يوصلني منه كل شهر واحس بأحراج كبير لما يعطيني هذا المصروف اتخيل نفسي مثل الخادمة اللي يجي كفيلها ويعطيها معاشها نهاية كل شهر ومصروفي ومصروف الخادمه نفس الشي .. وانا اتمر على اوقات اكون انا محتاجه لممبلغ يعني مثلا اريد احضر زواجات او اخذ دورات وألمح له بكل شي اريد اسويه والمبلغ المطلوب بس ولا على باله حاط في باله اني ماقاصرني شي بحكم ان ابوي حالته الماديه زينه ولله الحمد بس تعرفو ان كل وحده بعد ما تملك تحس ان نفسها عزيزه وما تبغي تحسس اهلها ان زوجها مقصر فيها والا في شي .. ويعلم الله اني اخذ المبلغ من عند ابوي وانا منزله راسي وعيوني اربع اربع من الاحراج وقلبي مكسور بس اذا ما خذت من عند ابوي وهو ما عطاني من وين بعيش؟؟ يعني هو فاهم في الذوق والاصول وناسيني انا ؟؟؟
اعطيكم مثال خالته ولدت وسوالها هديه كبيره الها ولل البيبي من عطور وساعات وملابس وكل شي حلو وجابلي الهديه اشوفها بس ما فكر انه يجبلي شي بسيط من اللي جابه لخالته ومن بعد الملكة سافر بعثه ولما رجع تذكر اهل بيته كلهم وانا ما تذكرني ولو بالشي البسيط ... انا ما كنت انتظر شي منه بس حز في خاطري هالموقف كيف يعني انا مالي مكانه عندك؟؟ وتعرفو نحن البنات تهمنا مثل هالامور


ثالث شي زوجي يحب الطلعه والتمشاية مع ربعه وهو مش خربوطي يعني ما عنده سوالف شيشه وسكر ودواخه وبنات بس معظم وقته عند فلان وعلان ويرجع البيت متأخر على الساعه 12:30، بس انا تربيت في عائلة كبيره وشفت اللي طلع وسواله ربع ما رجع لبيته بخير وشفت اللي ركز اهتماماته على بيته وعايلته ونسى شلته وربع والحواطه وقبل هذا انا فهمته وقتله هذا شرطي لازم تكون مسؤول عن اللي انت فيه وكان رده اطق وامل قتله ما في حد وما يطق بس الشاطر اللي يحافظ على وقته الثمين ويستغله بالشي الزين وكنت اقوله حاول تلهي نفسك بشي يفيدك يعني تجلس ويا اهلك تمشي امورك يعني تعدل حق زواجك وهو بارد ما يتحرك بسالفةالزواج والا يجيب طاريها ودي اعرف ليش؟ مب عاجبتنه! والا ايش ولانه انسان غامض ما قدرت اوصل للجواب
بالمختصر ما احس هالرجال مسؤول عني ؟؟؟
خلاص احس نفسي بموت من القهر انا تعودت اني اكون كبيره ولي راي وكل حد يحب ياخذ بشوري وانا الحمدلله مافيني شي لا في شكلي والا في اخلاقي ينفره مني ...

مليت من هالتصرفات صرت اكره اكلمه وما احبارد ع مكالماته
بنات ان تعبت وااايد خبروني شو اللي لازم اسويه وما سويته احس عمري ذليله ومهانه ...ارجوكم اللي تقرا موضوعي ترد علي وتبرد خاطري وتدعيلي باللي فيه الخير ....