بنات علمووني شلوون اسوولف!!

السلام عليكم ورحمة الله وبركاته

أختي الغاليه .....؟ مابي أناديج بلقبج لأنه سلبي جدا وما أقدر حتى أنطقه بلساني

أول شي الأخوات جزاهن الله كل خير ماقصرن وكلامهن جميل بس حبيت أزيد عليه بعض النقاط المهمه وأشرحلج مفهوم الفكره السلبيه المخزنه في عقلج

إنتي إنشاء الله بنت طيبه ولا عندج مشكله كل الموضوع إنج تربيتي بطريقه أو تعرظتي في حياتج من الطفوله لين هاليوم لمواقف خلتج تفقدين الثقه في نفسج وعلى فكره إنتي مو أول وحده تتعرض لهذي المشكله ( فقدان الثقه بالنفس ) كثير من الناس يعانون منها بس بدون ما يشعرون ويحاولون يغطونها بصفات ثانيه مثل التكشك والكلام الذرب وغيرها من التصرفات بس.... يعني إنتي مثلا تعانين منها عن طريق الخوف من تكوين صداقات أو فتح حوار مع أحد فيه ناس يعانون من الفشل الدراسي المستمر, وناس يعانون من الفشل في الإبداع في العمل كل شخص وإهتماماته نحن البنات طبيعتنا نحب نعبر ونتكلم تلقين نفسج إذا ما كنتي تكلمين أحد تكلمين نفسج طول الوقت صح...؟
هذا شي وايد طبيعي بالنسبه للمرأه .... الحين أبي أشرحلج كيف تخزنت هذي المعلومه في مخج بطريقه علميه عشان تفهمين ليش إنتي مو قادره تتخلصين منها بسهوله
تخيلي معاي مخ الأنسان جزئين فيه جزء أمامي إلي هو في منطقة الجبهه ( مقدمة الراس) ويسمى العقل الواعي... والجزء الثاني هو في مؤخرة الراس ويسمى العقل الباطن
وظيفة العقل الواعي: التفكير التحليل والإستنتاج
وظيفة العقل الباطن: تخزين المعلومات-إعطاء أوامر للجسم وفقا للمعلومات المخزنه
مثال: أحد قالج كلمه جارحه ( إنتي جبانه وكريهه ) إلي يصير فيج هو إنج بعد ما تسمعين الكلمات تروح عقلج الواعي وتبدئين تفكرين وتحللين أول شي يمكن تسألين نفسج أسئله هي ليش وصفتني بالجبانه -أنا شو ناقصني - ليش تعاملني بهذي المعامله بعدين يجي دور الإستنتاج والتخزين الفوري في العقل الباطن يمكن تخزنين المعلومه على أساس إنها ما تحبج أو تغار منج أو يمكن تتخزن بإنج تكرهينها وما بتكلمينها مره ثانيه بعد ما تتخزن المعلومه في عقلج الباطن يبدأ العقل الباطن يعطي جسمج أوامر بإفراز هرمونات تحسسج بالتعاسه والكره ويمكن يعطي أوامر بإفراز الدموع على حسب المعلومه المخزنه.
على فكره ترا حتى إنتقاداتج وتأنيبج لنفسج يتخزن بعقلج الباطن فتحذري من الكلمات السلبيه إلي توصفين نفسج بها مثال لما تقولين أنا خوافه أنا أخاف أنا أحس بالخوف على طول تتخزن المعلوه ويبدأ جسمك بإفراز هرمون الإدرينالين فتحسين بالفعل بردة فعل قويه في جسمج مثل الرغبه بالبكاء أو الرغبه في الهروب من الموقف أو يمكن حتى دقات قلبج تزيد وتعرقين وإنتي جالسه مع الشخص وعلى فكره أي معلومه تتخزن يصير من الصعب محوها ويصير الإحساس مستمر مع إستمرار الحياه

شو الفايده من معرفتج لهذي المعلومه..؟
الفايده إنج تبدئين تراقبين نفسج وطريقة تفكيرج حاولي قدر الأمكان إن تفكيرج يكون إيجابي إذا حد ظايقج بكلمه قولي مسكينه أكيد ما تقصد وفيه شي مظايقها بتتخزن المعلومه إنج تشفقين عليها وبهذي الطريقه ما بتأذين نفسج أو مثلا إذا حد حاول يحبطج أو يتجاهلج قولي أنا إنسانه طيبه وروحي جميله وهم الخسرانين دايما إمدحي نفسج وشوفي المشكله فيهم والواقع أصلا أغلب الناس إلي لسانهم جارح أو متسلط يكون عندهم مشاكل نفسيه يحاولون يخفونها بهذي الطريقه

العلاج:
العلاج من الكلمات السلبيه إلي سبق تخزينها بيساعدج على إستعادة ثقتك بنفسك
الطريقه وشرحها:\
أنا فيما سبق قلت إن المعلومه إذا تخزنت يصير صعب تغييرها أو مسحها من الذاكره ليش لأن المشكله في العقل الواعي هو يعمل مثل الحارس على المعلومات المخزنه يعني دخول الحمام مو مثل خروجه ... أحيانا تقولين خلاص أنا لازم أغير طبعي أنا مو خوافه أنا شجاعه وأقدر أصير طبيعيه مثل أي بنت فجأة تلقين نفسج إنحبطتي لأني تذكرتي موقف تعرفين ليش ...؟
لأنج بمجرد تحاولين تغيرين شي مخزن يعلن العقل الواعي حالة طوارئ ويبدأ يدافع عنها ويذكرج بالماضي ... هذي العمليه لها حسنات وسيئات ... لكن حسناتها مثل إنج زعلانه من إختج وقلتي في نفسج أنا بقطع علاقتي بها نهائيا وأحس إني أكرهها بعد ما تهدئين بتلقين عقلج الوتعي يذكرج بالله ويصفات زينه في إختج ويمكن يذكرج بذكريات حلوه بينكم...

كيف تتغلبين على عقلج الواعي ( الحارس )
طبيعة العقل الواعي إنه لما ينعس الإنسان أو ينام ينام معاه لأن وظيفته إلي هي التفكير وقفت
طبيعة العقل الباطن إنه لو نعس الإنسان أو نام ما ينام ليش لأن من وظائفه وإلي هي أهم شي في جسم الإنسان إنه يشرف على جميع عمليات الجسم من تنفس وهضم ودفاع وإلى آخره
فبالتالي أفضل وقت لمهاجمة المعلومات هي عند الإحساس بالنعاس كيف....؟
كل يوم وإنتي طايحه على الفراش فيج نوم... بعد ما تذكرين الله وتقولين دعاء النوم إبدئي كلمي نفسج ورددي إيحائات إيجابيه مثل أنا أحب نفسي أكثر , أنا كثر جرئه وشجاعه , الحياه من حولي جميله وتزداد جمال كل يوم , أنا عندي القدره إني أكون صداقات بكل سهوله لأني إنسانه طيبه وصفاتي جميله وإنتي تقولين هذي الإيحاءات في مخج حسي بكل كلمه في قلبج وإشعري بالسعاده تغمرج وتخيلي نفسج محبوبه ومرغوب فيج من الناس إلي يرفظونج
وأحسن طريقه ومظمونه 100% هي إنج تخصصين مذكره صغيره حق هذا الموضوع شو تسوين كل يوم مثل ما قلتلج قبل النوم مباااااااااااااااااشره يوم تكونين خلاص بتنامين إمسكي المذكره إكتبي الصفحه رقم 1 بعدين إكتبي أي جمله من الإيحاءات إلي علمتج إياها أو من مخج بس على شرط تكون الجمله إيجابيه وعن موضوع واحد مثال أنا أقدر أن أحاور الناس بطلاقه... أنا أكثر قدره على تكوين الصداقات... أنا الأن أكثر إيجابيه ...إكتبيها 21 مره يوميا مدة 14 يوم بدون إنقطاع ظروري هالكلام إذا فيه يوم نسيتي تكتبين لازم تبدئين من اليوم الأول يعني من البدايه لين 14 يوم ليش هذي الطريقه إبتكروها الدكاتره تساعد على برمجة المخ والتخلص من المعلومات السلبيه بس شرط 14 يوم وأفضل إذا 21 يوم أنا جربتها وعلمتها أكثر من صديقه بصراحه روعه بتلاحظين التغيير من 4 يوم بتحسين نفسج غير.... نصيحتي إبدئي بجملة :أنا الأن أكثر إيجابيه ...بعدين جملة:أنا الآن أحب نفسي أكثر...بعدين: أنا الآن أكثر أقدره على محاورة الناس بطلاقه...كل ما تخلصين من جمله 14يوم خذي اسبوع راحه بعدين إبدئي بجمله ثانيه بتلاحظين التغيير في حياتج أهم شي راقبي تفكيرج وطريقتج في تخزين المعلومات وعطي نفسج فرصه مافيه شي إسمه مستحيل

سامحيني على الإطاله وأتمنى إنج تستفيدين..إذا عندج إستفسار يسعدني أتواصل معاج على الميل: [email][email protected][/email]