>*>*>*>* حملة حواجـــــبي أحلى ما فيني *<*<*<*<

ماشاء الله عليك أختي الله يعوضك خير

ولاتنسين من ترك شئ لله أبدله الله خير منه

انا الحمد لله مااحفها ابدا .....

بشه المنفشه;6810791:

جزاكم الله خير يا بنات

ومشكورين على كلامكم الحلو .. الله يثبتنا أجمعين على طاعته

وسبحان الله وايد بنات ما يحفون ؟! اتصدقون استغربت لأن الدارج اللي نشوفه أغلب البنات يسوون حواجبهم

الله يهدينا ويهديهم

:)

اختي الحبيبه بشه
مشكوره على الدعاء الحلو الي دعيته لي والله فرحتيني الله يفرح قلبج

وسمحيلي اقولج شغله
الي حسيته من ردج هذا انه رفيجاتج ولي حواليج من اهل وخوات يحفون
ديري بالج
ترى مافي وحده تحب تشوف وحده احسن منها لا بالدنيا ولا الدين

يعني اعطيج امثله من الحجي الي ممكن تسمعينه

ن: اشدعوه عاد قلنا منتي حافه بس مو جذي على الاقل شيلي الشعر الي بين الحواجب بعد هذا مو حرام
(ماعليج منها لانها ماتقدر تسوي مثلج فتبي تحبطج)

س: انزين بشه لقطي بس هالشعره بالملقط وااااااااااي اتخرع طويله وسوده حيل
(قومي شيلي كل الملاقط الي عندج قطيهم الي يخرع صج عذاب النار)

م: واااااااااااي يحليلج بشه ماتوقعت حواجبج الطبيعيه جذي وااااااااااااااي جنج جنكيز خان ههههههه
(في البدايه لازم يكون شكل حواجبج امبهذل المساله مساله وقت مو اكثر عقبها بتلاقين روحج قمر)

لاتنسين انه الي يرضي الله بسخط الناس
الله يرضى عنه ويرضي عنه الناس

ولي يسخط الله لرضى الناس
الله يسخط عليه ويسخط عليه الناس

ومثل ما قالت (شمس وقمر)السالفه سالفة ثقه بالنفس

الله يفتح عليج فتوح العارفين ويرزقج الصحبه الصالحه من حيث لا تحتسبين
اللهم امين

اختج
mothercare

جزاكم الله خير خواتي عا التشجيع
و ان شاء الله يهدينا اجمعين

السلام عليكم ورحمة الله وبركاته
تبين الصدق أنا أهنيج على هذا القرار ... أنا مثلج كنت أحف حواجبي وبعدين غيرت صرت أشقر وكل اللي يحبني ويحب لي الخير نصحني باني أترك هذي السوالف والحمد الله اقتنعت وتركت الحف والتشقير ... تصدقين ما تدرين شو الراحة والسعادة إللي حسيت فيها ... يكفي إنج لما تتركين شيء من أجل الله سبحانه وتعالى ثقي انه راح يعوضج خير وإنتي راح تلاحظي هذا الشيء بنفسج ... أهنيج مرة ثانية وربي يوفقج ويسعدج في كل حياتك وتلاقي الخير وين ما تروحين ...

جزاكم الله خير يا بنات ربي يوفقكم وااااايد فرحتني ردودكم :) الله يثبتكم ويتمم عليكم طاعته


شمس وقمر مشكورة حبيبتي على الصور وفعلا حيل طبيعيين ومرتبين .. انا ناطرة هالمرحلة اتعدي لأن الحواجب في بدايتها شكلها مو حلو :(


بــحــرانــيــة حــلــوة .. بالفعل هذي المشكلة اذا بدينا بالحف بنستمر عليه لكن حاولي تقطعينه الحين مدام إنج مقتنعه وربي يسهل علينا وعليج


mothercare يا حلو ردودج :) صاجه اللي حواليني أغلبهم يحفون واللي ما تحف تكون حواجبها خفيفة وناعمة .. يعني الحين إن شاء الله لما يطلعون حواجبي كاملين بصير بروحي بهالشكل !!!

والتعليقات بدت ترى من جهة جنكيز خان تطمني ههههههه لما يقولون ليش حواجبج جذي روحي الصالون أقولهم لا خلاص ببطل حف لا تسمعين الشهقه !! من صجج ؟ لالالا اتغشمرين .. بس بحيل الله خل اتعدي هالمرحلة لأن حواجبي صايرين مأساة صج


عالية الأفق وعليكم السلام ورحمة الله وبركاته
يا حياتي تسلمين .. الله يتمم عليج وعلينا وبالنسبة للتشقير جربته مرة من جم سنة بس النتيجة كانت مو حلوة لأن حواجبي عراض وسميكين صار لونهم أصفر !!! اضطريت إني أحفهم بعد التشقير لأن الوضع كان لا يطاق
بس إن شاء الله هالمرة لا حف ولا تشقير .. الله يتمم علي ويثبتني وياكم


:)

طيب القص من غير تغير شكل الحاجب بس قص نصف الشعر بحيث ان التشقسر ما يبين
حلال ولا حراااام وابي حل لاني صراحة ما اتحمل احط مكياج بدون ما ارتب حواجبي

قلبي الم;6815873:
طيب القص من غير تغير شكل الحاجب بس قص نصف الشعر بحيث ان التشقسر ما يبين
حلال ولا حراااام وابي حل لاني صراحة ما اتحمل احط مكياج بدون ما ارتب حواجبي

حبيبتي في هالمسائل يفضل ان تسالين شيخ
لان هني كل وحده بتقول لج فتوى
فالافضل مصدر موثوق

هلا حبيبتي قلبي الم

سئلي فيها شيخ أحسن لأن هالمسائل فيها اختلاف .. أقصد القص والتشقير :)
أو دوري بمواقع الشيوخ الكبار وإن شاء الله بتلقين الجواب

بدينا الحمله معاج

وباذن الكريم مستمرين

قررنا مانخلي في حياتنا للمعصيه مكان

نطلب بهذا رضى الرحمن



الله يثبتج
اختج
mothercare

ياااااااااااااااااااقلبي والله اني فرحت لك من قلب مع اني مااعرفك بس بإذن الله اعرفك لو التقينا بجنات النعيم

الله يجعلنا من اهل الجنة ويجعلنا حوريات فيها قولي امين... الله يثبتك ع الطاعة وييسر لك طريق الخير
وبالنسبة لي مافكر احفهم ولا اشقرهم بماان العلماء اختلفو في التشقير والله يوفق الجميع

وعلى فكرة اعرف كثييييييير يحتقرون اللي ينمصون ويقولون هذيلا اكيد مافيهم خييير
مع ان البعض طيوبات وحبوبات مثلك انت:D:wink:الله يوفقك ياعمري في الدنيا والاخرة ومبررررررررررروك القرار الشجاع....

حبيبتي بشــــــــــــه المنفشه

أولًا : الله يهديج حبيبتي ان شالله و يثبتج أللهم أميينن

ثآنيًأ : الحمدلله أنا و لآ عمري لمست حواجبي و عاجبني شكلي جذي مع إن

عندي البنات كل ما اشوفهم ليش ما تحفين و ليش و ليش و ليش ؟؟ عبالهم معقده

بس الحمدلله أنا مقتنعه بنفسي و بشكلي

و الله ما تسوى أني انطرد من رحمة رب العالمين بيووم أنا بحااااااااااااااااااااااااااااجه لرحمته

الله يهدي البنات الباقيين

مووضوع حلو و حمله احلى

و الكاتبه هي الأروع

سلمت أناملك

تقبلي مرورري

دمت بود

أختج

لولـــــــــي

موضوعج وايد حلو
والله يثبتج ويرزقج على قد نيتك
انه كنت احف قبل والحمدالله تركت الحفاف وخلوني اقولكم اشلون تركته
الله يسلمكم انه من دخلت الجامعه بسنه قمت احف وكانت صديقتي دايما تنصحني اترك الحف بس انه كنت ارد عليها اقولها استحاله اتركه انه لو تطلعلي شعره وحده احس انه شكلي يتغير ولو اغير فيني اشيه وايد الا الحفاف لي ما اختي يه يوم وتركته وكانت تقولي تركي الحفاف اقولها ان شاءالله تكون عندي الاراده وفي هالفتره كنت كل ماشوف وجهي بالمنظره احس اني مو مرتاحه وفي يوم كنت بالشغل وقاعده اسولف مع زميلتي وكانت متدينه قتلها انه ابي اترك الحف بس مو قادره فردت علي تبيين تنطردين من رحمه الله قتلها يعني شنو قالتلي كلام لحين يتررد في ذاكرتي كأن صاير امس ورجعت البيت وقفت جدام المنظره وكنت ادعي اقول يارب جمل حواجبي في عيني والحمدالله تركته وعقبها بشهرين انخطبت فقلت من ترك لله شي عوضه الله خيرا منه وصارلي الحين سنه و10 شهور وانه تاركته

السلام عليكم ..
اللي اعرفه التغيير في رسمة الحاجب حرام..
اما الترتيب للي حواجبهم كثيفة جائز بدون ما نغير رسمة الحاجب ..
انا اخر مرة رحت الصالون قلت لها بس تنظيف قامت رفعتهم ..
ناوية اخليهم يطولوا وبعدها ارجع زي ما كنت تنظيف وبس ...
لان مثل ما قالت الاخت عن صاحباتها انا حواجبي كثيفة جدا ومنظرها سئ
بشكل ...
يعني اللي يقولون استغنوا عن حف حواجبهم .. انا ما اقدر لانهم سميكين كثير ..
وسالت مرة قالولي بس تنظيف ممكن ...
والله اعلم ..
واللي تقول استغني عن الحف .. تعطينا بديل لان ما ينفع اتركهم كذا ..
المنظر مؤذي ...
والسلام عليكم ...

mothercare توكلنا على الله :)


حبيبتي هيفون** هذا من طيبج يا قلبي .. الله يجمعنا على طاعته ويثبتنا .. اللهم آمين
ويفرحج دوووووووم وعن اللي يحفون حواجبهم بالعكس الحف مو مقياس هذا مجرد شي خارجي ما يدل على داخل البنت شنو .. الله يهدينا ويهديهم :)


~Lolli( Mizmerize )Pop ~ تسلمين حبيبتي واستغرب من اللي يعلقون !! يعني خلصت مشاكلج عشان اتجابليني ؟؟!!


[COLOR=#8a246f]صاحبة الظل الخفي سبحان الله قصتج نهايتها سعيدة :) الله يتمم عليج ويسعدج يارب

الصرخة المنسية ما قدر أقولج شي سئلي فيها شيخ :) من ناحية التغطية في عجينة الحواجب بس للأمانة ما جربتها وفي تغطية بالمكياج مثل الفاونديشن والكونسيلر لهم طرق بالتغطية
دوري وبتلقين واااااااايد مواضيع سواء بمنتدانا أو بالمنتديات الثانية

[/COLOR]

معاج اختي ^^
والله يوفقنا ويثبتنا
انا عن نفسي اشقرهم بس عشان ارتب شكلهم
يعطيج العافية

i wish;6807645:
حلوة فكرة الحملة بس الحواجب مو أحلى ما فيني ! :tongue::tongue:

انا بصراحة ما أدري ليش البنات الله يهديهن يحفن الحواجب ويسووهن مثل الخط بصراحة شي مقزز واسمحولي على ها الكلمة بس ها الحواجب تكبر العمر وتخلي الحلوة ابد مو حلوة ...

والحواجب العريضة شوي احلى بمليون مرة وتعطي شكل بريء لوجه المرأة وطفولي وتصغر عمرها بعد خاصة اذا كان فيه "شوية" شعر بين الحاجبين لأنهم يعطوا شكل حلو

أنا ما أحف حواجب صح لكني أشقر اسفل الحواجب وفوق الحواجب علشان يصير شكلهم ارتب وأحلى ولحد الحين ما أدري ها التشقير حرام ولا مكروه ولا حلال ... بعضهم يقولون حرام وبعضهم يقولون حلال وبعضهم يقولون مكروه وكل يفتي ...

رفيجتي يحليلها مبتلاه بحواجب كثيفة واااااااااااااااااايد وبطريقة تنفر الواحد من شوفة حواجبها وهي متعقدة من ها الشي وحواجبها من النوع الغليظ جدا والأسود علشان شي تحفهم من أسفل الحواجب ولما سألتها وقلت لها ليش م تشقرين على الاقل قالت جربت وطلعوا "يضحكون" يحليلها فأنا أقول هل حلال اللي بنفس حالتها يحفون حواجبهم ؟ ولا بعد حرام ؟


وشكرا على الموضوع

حاسه فرفيجتج جنج تتكلمين عني بصراحه انا حواجبي كثيفه والزياده من فوق وتحت وعرسي بعد شهرين والله محتاره مابي انمص وابدا حياتي ملعونه وخايفه التشقير يبين؟؟

حملة حلوة بصراحة

يات هالحملة في وقتها وخصوصا اني جدا مترددة بين الحف و الترك

من يوم انخطبت اوانا احف يعني تقريبا خمس سنوات و مشكلتي حواجبي غلاااااظ و لونهم اسود و الشعرة متينة

بيتنا ملتزمين وما بديت احف الا حق حفلة خطوبتي واستمريت

زوجي بعد واجنا التزم وترك الاغاني و صار انشسان ثاني بس ما ضغط علي و لا مرة ياب موضوع لأن يحب اسوي الشي عن اقتناع

و الله الحين اقعد الاحظ لما ادقق في المنظرة مدة ان الحواجب مب متساويين يعني واحد ارفع من الثاني او اضعط

قبل شهرين حاولت اترك الحف عشان يعرضون شوي و اخذوا التعليقات الي الواحد او ما يجوفني الي تشهق والي تقول شعندج و الي الي تقول شفيج و الحجي والتعليقات الي ما تخلص

خليتهم شهر عرضوا وعدلتهم الحين و كل مرة اقعد على كرسي الحفافة والله يتردد في اذني حديث الرسول و اخاف من ربي لكن قولوا شاسوي ما عندي احد يشجعني و ما استحمل شكلي بحواجب غلاط

الله يهديني معاكم

أحلى المعاني
عروس الدوحه23
Candle Glow

تمام بنات كلنا نفس الحالة
انا حواجبي الحين لا تعليق ما ودكم تشوفون ويهي هههههههه

يا بنات هي مسألة وقت إن شاء الله وترجع حواجبج لطبيعتها مثل الأول .. تدرون إني من كثر ما كنت خايفة أتركهم رحت طلعت صوري القديمة قبل الحف ولقيت شكلي عااااادي وطبيعي ومرتب !!! سبحان الله لما الشيطان يزن على راسج تحسين شكلج مو حلو ومحتاج تعديل لكن لما تشوفين نفسج بمنظار ثاني اتحسين إنج كنتي غلطانة وخلقة ربي مافي أحلى منها

بدون تفكير خلونا نبدي مع بعض من اليوم وصدقوني إذا بديتوا من الحين عطوا نفسكم فترة لحد العيد يعني تقريباً شهرين بتلقون شكلكم رجع مثل الأول وبإذن الله أحلى :)

بالبداية صح الوضع صعب وكل شوي تشوفين نفسج بالمنظرة لكن الراحة النفسية اللي اتحسينها مافي مثلها ومثل ما قلتلكم ورانا رمضان .. تخيلي نفسج من غير أي معصية تصومين وتصلين وتدعين ورب العالمين يسمعج ويستجيب لج :)


ناطرتكم تبشروني ..

وانا بعد صارلي سنة تاركة الحف والحمد لله لسة ثابتة الله يعيني نازلة اجازة برمضان يا رب ثبتني و اجعلني جوهرة في عيني زوجي واهلي يا رب ...
اللهم ارزقنا واياكم الثبات

انا الحمدالله من 11 سنة ما حفيت الحمدالله تاركه الحف والله يعور القلب انها ملعونه والحمدالله الله هداني بس اشقر حواجبي والله يهدي الجميع انشالله