افيدوني افادكم الله

حبيبتي حروحي عند دكتورة النساء وهم هناك بيسون لج تحاليل و بيعطونج فيتامينات وفوليك اسيد هذا مهم تاخذينه خلال الحمل أما بالنسبة للسونار الدكتوره بتعطيج موعد مناسب واتمنى اني أكون افدتج

مشكوره حبيبتي



بس وينكم يا بنات

وين ردودكم؟

اختي أنا راي من راي أختي صلوحه لازم تروحين للدكتوره وهي تسوي لك برنامج
لمتاعبة الحمل خلال فترات الحمل الين الولاده بس شوفي لك دكتوره شاطره
والله يتمم لك حملك يارب ويرزقك بالطفل الصالح والمعافا والبار بك وبوالده .

صح اختي

انا رايي من خواتي

انتي لازم تروووحين الدكتووورة تتابع حالتج

والله يتمم لج حملج يارب ويرزقج بالولد الصالح والسليم

وادعي لي ان الله يرزقني بالذرية الصالحة


ربي لا تذرني فردا وانت خير الوارثين

اي صح اختي لازم اتروحي الا الدكتوره اتسوي لك متابعه حمل
وتطمني على البيبي اكثر كل شهر
الله يسهل عليك
وياربي يعطينا مثل ماعطاكم
الله يتمم عليك الفرحه

مبروووووك عزيزتي على الحمل والله يحفظه ويثبته لج

بالنسبة لأسإلتج :

اول شي انه توني شهر واسبوع .....
وخايفه وايد علي الجنين .. اقدر اسوي سونار من الحين؟
يعني اذا لا سمح الله فيه شي يبين؟

انتي الحين لج 5 أسابيع يعني الدكتورة ما بتسويلج سونار من الحين ولا بتقدرين تسمعين نبض الجنين
لما بتدشين الإسبوع الثامن تقريبا بتسويلج سونار مهبلي ما بيكون الجنين واضح يعني مجرد كيس الرحم وشووويه من الجنين بس بتسمعين دقات قلبه ان شاء الله

وعلى الإسبوع ال 13 راح تعرفين تفاصيل مذهلة عن جنينج وحالته الصحية

المهم انج اتريحين أعصابج ونفسيتج وتتوكلين على الله وما اتخاااافين

ثاني شي انه للحين ما رحت المستشفي
سويت التحلل المنزلي
متي تنصحوني اروح ؟؟

لازم اتروحين من الحييييييييييين

ثالث شي
موعيد الولاده اللي تعطينا اياه الدكتوره
بدايه الشهر التاسع والا نهاية الشهر التاسع ؟؟؟؟

موعد الدكتورة نهاية الشهر التاااااسع يعني انتي بتكملين 9 أشهر واسبوع تقريبا على موعد الدكتووور ة

مشكووووووووووووووووووووووووووورين وااااااااايد حبايب قلبي

والله يرزقج الذريه الصالحه يا ام فجور



وشكر خاص ل شمس دبي

السلام عليكم ورحمة الله وبركاته
مبروك على حملك يا غاليه
تقدرين تسوى سونار باى مرحله من حملك ولو فيه اى شى لاسمح الله يبين معك ,
بعدين انتى لازم ومهم جدا انك تروحين للمستشفى وتابيعين دكتوره عشان التحاليل وتطمنين على صحتك انتى والبيبي ,
وبالنسبه على موعد الولاده طبعا بمشيئة الله وقت ما تحين الساعه بتولدين بعدين من وحدة لوحدة تفرق مثلا ؟انا بولادتى الاولا ولدة باليوم الخمسه وعشرين بالتاسع والمره الثانيه باليوم السادس عشر من التاسع هذا كله على ارادة ربنا والله يتمملك على خير ربنا معاكى

اختي ..الـــــــــف مبروكــــــــــــــــــــــــــ
اولا
السونار ما ياثر على الجنين ..قي الناس الحمل يشكل خطر على حياتهم و يسوونه كل اسبوع
ما اعتقد يبين شي الا كيس الحمل و الجنين يكون نفس حبة الرز و يقدرون يشوفون النبض
ثانيـــــا لاااااااازم تروحين العيادة هم بيسوولج تحليل دم و نسبة الهرمون و RH factor اذا فصيلة دمج موجب او سالب و لو لا سمح الله طلعت سالب يعطونج ابرة عشان الجسم ما يرفض الجنين..و لااازم يوصفولج فولك اسيد اللي يحمي من تشوهات العمود الفقري مثل ما تشوفين الجنين ما يشبه الانسان في الشهر الثاني ((((((كل هذا لااازم يصير مبكر خصوصا الشهر الثاني)))))
ثالثا موعد الولادة هو يوم تخلصين 9 شهور (40 اسبوع)
ان شــــاءالله جاوبت على اسئلتج

مبروووووووووووووووك الحمل خيتووو وربي يثبته لج ويسهل عليج ويقومج بالسلامه
اولا:عادي تسوين سونار مايضر وان شاء الله مافيج الا كل خير
وثانيا:انه انصحج انج تروحين عند الدكتوره من الحين علشان انتي اول حمل ولازمج متابعه وعلشان تعطيج الدكتوره حبوب الفيتامينات وغيرها
ثالثا:موعد الولاده اكيد تعطيج الدكتوره نهايه التاسع
بس خيتووو ديري بالج على صحتج ولاتحملين شي ثقيل وعطي روحج راحه على الاقل فتره الشهور الاولى وتغذي اشياء مفيده لج وللبيبي وربي يسهل عليج حملج وولادتج

مشكورين حبايب قلبي


صدق حسستوني انكم خواني
اشكركم من كل قلبي