الحياة بدون أم

بنت المناعي 30-07-2008 9 رد 3,927 مشاهدة
ب
سامحوني اذا كتبت اول موضوع لي بحزن شوي :(

بس هذي الامور تقدرين تناقشينها مع البعيدين بصراحة اكثر من القريبين، انا عمري 23 سنة توفت امي من سنتين لما كان عمري 21 الموضوع كان وايد صعب علي والاصعب ان ماعندي خوات عندي 3 اخوان الله يخليهم ويطرح البركة فيهم والحمد لله كلهم كبار يعني شايلين روحهم ماعندي احد يحتاج تربية.


كل ما تحاولين تنسين ترجع الايام تذكرني كاني امس فقدتها والله كل يوم يزيد حزني عن يوم وكل مشكلة اواجهها اتذكر واقول لو كانت معاي كان تغيير الموضوع.


انا طرحت الموضوع لان اعرف اني مو لحالي في هذه الحالة بس بغيت اللي حاسة فيني تشاركني او تعطيني تجربتها وشلون مشت الامور معاها.

وياربي تطول في عمر كل ام وتخليها لعيالها وتخلي عيالها لها ياربي وتشفي كل ام من كل مرض ياربي وتعطيهم الصحة والعافية(a)
ا
هلا والله والله يرحمها ويغفر لها ويجعل الجنه مثواها انابصراحه امي موجوده والله يطول بعمها بس وجوده شيء مهم انا تزوجت وعمري 21توي كملتها بعد زواجي بكم شهر وتغربت لان زوجي من دوله ثانيه بس فقدتها وتمنيت اني ماتغربت كثير اشتاق لها ولا احصلها واحتاجها بامور كثيرة ومااقدر اوصل وهذ العذاب اكثر ان امك موجوده ماتقدرين توصلين لها بسهوله غير لما تكون متوفيه والله ان عذاب تفقدين شخص حي وانتي حيه والله يثبتك ورزقك الزوج الصالح الي يعوضك ويسخرة لك ويسخر اخوانك ويبعدهم عن الحرام
د
عظم الله اجرك حبيبتي بفقد اعز الناس
ما ابي اكذب عليك واقول مع الايام بتنسين مسسسسسسسستحيل
بس صدقيني مع الايام بيخف الالم وبالذات لو قلتي لنفسك كلنا مصيرنا الموت ومحدن بيعمر بهالحياه
وهذا امر الله واحمدي ربك لى الاقل انتي فقدتي امك بعد ما شبعتي شوي من حنانها
غيرك امه ماتت وهم في اللفه او وهم بسن صغير جدا وامهم تعتبر بالنسبه لهم الوحيده المتكلين عليها
الفراق صعب ومرير وحتى لو خف الحزن في كل ازمه بتواجهك بتتذكري امك وتبكي بحراره وتتمني تكون معك
مهما كبرتي وحتى لو صرتي عجوز ....
تدرين امي الي هي جده الان مرات تبكي على امها ؟؟؟
مع ان امها ماتت من 15 سنه .
حبيبتي اهم شي علشان ترتاحي شوي ان تؤمني بأن امك ارتاحت من هادنيا وبلاويها وراحت للدار الاخره
وهي دار الخلود وكلنا بالاخير بنموت .
واذا بين ترتاحين اكثر اعلمي ان امك محتاجه جداااااا لكل دعوه حلوه منك يوميا بكل صلاه ادعي لها بالمغفره والرحمه وان يرحم الله جسدها على النار صدقيني هذا احسن جزاء لامك منك
وان شاء الله بعد عمر طويل بتلقين اولادك يدعون لك ويخففون عنك عذاب القبر مثل ما دعيتي لامك..
تحياتي
ا
الله يرحمها ووالله شعووور محزن
والاغرب من كذا اذا كانت الام موجودة بس لاهية في حياتها اش يسوووون عيالها

مااقول الا الله يلطف بهم ويحفظهم
ا
صدقتي يااسيل في امهات مايعرفون عن عيالهم شيء وياما امهات قطو بناتهم وراحو عاشو حياتهم ولاعرفوهم ولاشيء والام عايشه بدنيتها وانا اعرف وحده كذا
د
الله يرحمها انشالله ومثواها الجنة والخير والبركة فيج وديري بالك على اخوانك وخواتج وكوني لها الحضن الدافي والله يابنت الاجواد الام مالها بديل ةالله يصبركم واذكري اللحظات الجميلة معاها
والله يرحمها وانا لك اخت في الله اذا احتجتي شي راسلني على
الخاص
د
الله يرحم أمك ويجعل مثواه الجنه ويعوضك خير بإذن الله بعدها
حبيبتي أنت ماشالله بتصير أم يعني تفكيرك ناضج ومانتي في حاجه لتوجيه
فيه بنات فقدوأمهاتهم وهم مراهقات وأنتي عارفه حساسية هالسن مع أن الأم ماعنه غناه في جميع مراحل العمر بس مرحله عن مرحله تفرق
وتذكري دائما ان وفاة أمك خير لها ولك لاتتعجبي لأن دائما اي شيء يصيب المسلم خير له هي ارتحت من الدنيا وبأذن الله راحت لدار أفضل منه
وأنتي يمكن تخليك تنتبهي لنفسك أكثر تهتمي في أخوانك أكثر
وفيه مقوله أعجبتني كثيير هي ان المسلم لايدري ماالخير وشر له في المستقبل فالله ياخذ ويعطيه الخير ويبعد عنه الشر مثل الطفل الذي يبكي أذا أوخذت منه الحلاوه لايعلم ماضرروها ولاكن يعرف حلاوتها فقط

حبيتي صبرك الله على فقدان امك وحفظ لك أباك وأخوتك
لاتنسي أن تكثري الدعاء فلا دعاء سهاما تصيب وتبعد الأحزان والهموم



اختك \دروب عابره
ا
عظم الله اجرك حبيبتي بفقد اعز الناس امك
والله عورتي قلبي بس ادعي لها بالرحمه
والله يرحمها ويسكنها جنات النعيم
ا
ياااااااااارب يرحمها ويسكنها فسيح جناته


اللي ماعنده ام حاله يغم
ب
الله يرحمها ويسكنها الجنه ان شاء الله


هذا اصعب موقف الله يساعدج ويصبرج
X