مذكراتي مع الريكوتين

صار لي شهر وعشرة ايام م استخدامي للحبوب

بشرتي خف منها اللمعان وصارت جافه طبعا فرق السما والارض عن اول

استخدام الحبوب ويا الصيام متعب جدا لان يسبب جفاف لكن الحين اشر ب وسوائل كمية كبيره فاحس جسمي خف الجفاف منه

اتصلت للدكتور قبل العيد وقل له ابي شي يخفف الجفاف حوال الفم لان مو بس شفايفي تشققوا الا حتى حواليهم وهذا طبعا مؤذي واجد فقال لي عن مرطب واشتريته شوي خفف من المشكله طبعا المرطب اويل فري

نزيف الانف وقف لكن عظامي احسه كل تعوري وشوي بعد معدتي رغم اني ماكنت اشتكي منها فهذا اكيد من الحبوب

طهر المتزوجه تقدر تتعالج لكن على شرط ما تكون فتره تبي تحمل فيها او تكون توها متزوجه لان المضادات الحيويه تاثر على الاجنه
وان شالله اذا ولدتين تقدرين تواصلين العلاج

--------------------------------------------------------------------------------

هذا خطير انصحكم بالابتعاد منه وله اثار جانبية خطيرة حتى على المدى البعيد واحتمال كبير انها تؤثر على الاجنة قريت عنه واااااااااااااااجد في مواقع متعددة وكلهم ما ينصحون به واعرف بنية جربته و اخترب شعرها وصارت بشرتها جافة ومتشققة والاكبر من جدي اثر على كليتها وللحين تتعالج من اثاره

انصحج تستخدمين رتين اي او سكينورين و تي دالاسين يشيلون الحب وآثاراهم بسرعة خلال شهر او اقل واني مجربتنهم ونصحت ناس ابهم وجربوه ونفعهم ولا تجازفين بالريكوتين

ماادري ليش تجازفون بروحكم بأدوية خطيرة وتمنعون روحكم من الاكل مع انه في البديل

وعلى فكرة الادوية الي كتبتها فوق t- dalacin- skinoren- retin A هذي كلها دكتورة غالية تصرفها لمرضاها ويصرفونهم من دون استشارة طبيب وهم آمنين ومايسببون المشاكل الي يسببها الريكوتين

واني استخدمتهم شهر وراح الحب وآثاره وصفا وجهي وللحين ماطلع لي شي صار لي 4 اشهر من وقفت الاستخدام وآكل كل شي ولا امنع روحي من الاكل وفوق هذا لا يسبب جفاف ولا غيره بالعكس البشرة تطلع نضرة

بس ماابي احسد روحي..

مع ان قبل كان يطلع لي حب كبااااار ويعورون ويشوهون وجهي لين راحوا

خيوه الغلام القتيل العلاج يفرق من شخص لآخر، ما تتخيلين اشكر اشياء جربتها ولا فادتني ، وفي اشياء مع الاستخدام الجسم يتعود عليها ويكون مناعه ضدها فما تفيد ولا تأثر ...

والروأكيوتين كان حل أخير ونهائي وطبعا الدكاترة لازم بيشوفون الحاله قبل لا يدشون برنامج الروأكيوتين مع المريض..

ان شاء الله الادوية اللي كتبتيها تفيد الاخوان اللي يعانون من هالمشكلة يا رب .. فعلا ما نبي لأحد يعاني من حب الشباب

الاخت مروم انتي اول وحدة اشوفها تجربه وراضيةعن تجربتها معاها كل الي اعرفهم جربوه سبب ليهم مشاكل كثيرة .. على العموم اني مااجرب شي الا أقرأ عنه تقارير مفصلة والريكوتين قريت عنه لما شبعت وشلت من بالي فكرة اني اجربه مع ان ماتتصورين حجم الحب الي كان يطلع لي في كل جسمي

والادوية الي جربتهم وخصوصا T-dalacin قريت عنه واااجد انه لحد أحين انجح وأأمن علاج لحب الشباب وكل الي جربه فادهم واكو دليل من المنتدى الاخت طهر بس قليل الدكاترة الي يعرفونهم ويصرفونه لانه دواء جديد

خيوه الغلام القتيل، اني ما جربته واخذته الا لما سويت بحث عنه شهور بعد مو جم يوم ، ودورت وقريت عنه ومثل ما قلت في بداية الموضوع، جازفت وجربته واني داريه بكل الاشياء اللي ممكن يسببها واهمها المخاطر اللي على الاجنة ..

الفرق بين الروأكيوتين وباقي الادوية انه يشتغل على الموضوع من اساس يعني على اسا المشكلة في الجسم بينما باقي الادوية تشتغل على السطح ( الجلد ) وقليل منها اللي يتعمق لدون الجلد ولكن مو بقوة الروأكيوتين .


في غيري الكثير اللي راضين عنه وهذا يرجع لمعاناة كل شخص اشلون وواقع تجربته مع حب الشباب من حيث المدة والكمية والدرجة ...

وبما ان الـ T-dalacin ما يحتاج وصفة طبيب ، تمام

الغلام القتيل مشكورة على حرصش علينا

ومثل ما قالت مروم بالنسبه لي صار عندي مناعه من الادويه يعني تعالجت عن دكاتره واجد وكل واحد يصرف لي علاج غير واتم وياهم فتره تمتد الى السنة

وحتى الادويه الا كتبتينهم جربتهم ولا حصلت منهم فايدة

واذا مروم قرات عن الراكوتين شهور اني كنت اقرا عنه واروح عشان يصرفه لي الدكتور وارد اتراجع يمكن تميت سنه لحد اخر مره استجمعت كل قوتي وقررت اخوض هالتجربه رغم معارضة الكل

وعلى فكره المضادات الا استخدمتها كلها واغلب المكتوب فيها انها علاج مساعد لحب الشباب

لكن الراكوتين يصرف لحب الشباب خصوصا

اني تشجعت اكتب تجربتي في موضوع مروم لان جتني رسايل خاصه تسالني عن الادويه فقلت خل اكتب على العام احسن عشان حتى الزوار يستفيدون

والله اتمنى من كل قلبي محد يبتلي بحب الشباب

امس كان حاطين في تلفزيون البحرين الدكتوره جيهان بشارة وهذه دكتورة جلدية في مستشفى ابن النفيس

هذي البنت الثانية اللي استخدمت العلاج

خلصت 3 شهور من العلاج وكانت الجرعه 30
الحين صار لي 10 ايام اكل بس 20 لمده 3 شهور
الاعراض نفسها بس شكلي تاقلمت عليها الله يعدي 80 يوم على خير واخلص وافتك

هذي نفسها اللي استعملت العلاج

شفايفي مقرحين من التشقق وعلى طول احط مرطبات ولافايد حتى اخر مره كتب لي مرطب من روك ومو جايب خبر

الحبوب تطلع لي حبه وتكون عميقه وتم فتره لكن مقارنه باول الحمد الله خف حتى اذا اكل كاكاو مايطلع بس اذا وقت الا خبري خبرش لازم تطلع وحده
ووجهي ما يدهن مثل قبل يعني حتى الغسول ما استخدمه لان يجفف وما اقدر عليه

هذي اهيه البنت اللي كتبت المذكرات


بس خيوه ليش تاكلين كاكو المفروض تمتنعين عنه ...

والمرطبات روحي الصيدليه واخذي لش مرطب ماركة "ريميلا" هو stick يشبه لابيلو بس كريمي اكثر منهم ونفعني يمكن ينفعش

خلصت من شهر بالضبط لكن تطلع لي حبوب بيضه صغيره عطاني الدكتور كريم وقال لي استخدميه وبالنسبه للاعراض شفايفي رجعت طبيعيه لكن جفاف جسمي لازال مستمر

هلا هلا

بشرتي ما دهنت الحمدلله الا قليل جدا

والظاهر ان الحلاوةوالاكل الحار هو اللي مسوي لي هالبلاوي لأني اشوف طايحه فيهم طيح ..

المكسرات يعني مو لذيك الدرجه ارغب فيهم ...

جوزي عن الاشياء اللي منعوش عنها عشان ما ترجعين للحبوب مره ثانيه واذا كلش جه خاطرش اخذي بس الشي الصغيييييييير عن العين والنفس


وانتـــــــــــــــــهى الموضوع و ان شاء الله أفدتكم