نعومه وتكثيف وتطويل الشعر

مرحبا:
انا اشوف ان زيت الجرجير+زيت الزيتون تخلطينهم مع بعض 2ساعتين وغسلي شعرك بويلا زيد
الاخضر وتوكلي على الله وادعي لي

وجربي بعد زيت السمسم

تدرين انا بعد شعري خفيف و مثل مشكلتج لكن تدرين شنو احسن شي

تحسين التغذية لازم تاكلين أشياء مفيده فواكه خضراوات و أسماك

هذه اول خطوة

ثاني شي

اذا تحبين تجربين الحنا انا احط حنا و اخلطها مع جرجير و كرفس و ثوم و خل اول شي تخلطين الخضرة مع بعضها و بعدين تخلطينها مع الحنا لا تخلطين الحنا مع ماء

الثوم لا تحطين منه واجد يعني فص ثوم او فصين بالكثير

اذا تحبين تضيفين الزيت مع الخضرة قبل لا تخلط مع الحنا براحتك

و بصراحه انا تاركه الزيوت من زمان لاني لما احط زيت يطيح شعري لانه خفيف

لكن راح اقولج تجارب امي امي قالت لي ان زيت النخاع وايد زين بس المهم اختي انج تشوفين الزيت لان اغلب الزيوت ما تكون صحيحة

و انتي في السعودية تلقين هذا الزيت عند عسل وادي النحل قوليله ابي زيت النخاع لون القوطي بنفسجي

و اتمنى اني افدتج

يسلمووووووووووووو ياقمر حتى انا سمعانه بزيت النخاع انه كويس للشعر

مشكوره أختي قمه على الخلطه لكن هل أقدر أغير زيت الزيتون بأي زيت ثاني لأنه مايناسب شعري


مشكوره أختي فاتنة العرب أولا أنا صابغه شعري ماأقدر أسخدم الحناء وثانيا بغيت أسألك عن زيت النخاع تقصدين زيت النخاع التونسي ووين أحصله أنا ساكنه في جده

هلا والله =)

انصج اول شي بزيت جوز الهند ..

و خلطي معاه اما زيت الخروع أو زيت حبة البركه =)

و بالتوفيق حبيبتي

سلاااام

اسمع عن زيوت واجد اوكي بس استعملت الخروع حسيته عادي يعني

مشكلة شعري بعد خفيف ويتساقط

وبشرتي حساسه ما يصير استعمل لشعري لا حمام زيت ولا زيت ولا بلسم ولا شي بس شامبوو ههههه
دكتوري يقول لا تستمعملين شي

شسويييي

خيوو ان شاء الله تحصلين شي يفيدش وفيدينا اذا استفدتين :>

اختي الكريمه جميع الزيوت جيده لاكن اجتنبي زيت الحشيش لان الشعر يدمن عليه ولا تستطيعين التخلي عنه

زيت النخاع التونسي انا لقيته عند وادي النحل في الخبر مادري اذا موجود في جده و لا لأ يا قلبي

على العموم احسن لج تبتعدين عن الصبغ لان هو الي ينتف الشعر و يخربة

خليه يطول و لا طال حطيله حنا احسن من الصبغ


اختي بحرينية حلوة شنو نوع الشامبو الي تستخدمينه يمكن هو الي مسبب لج مشكله

جربت زيوت كثير مانفعتني مدري شكل المشكله في الشعر مو في الزيوت <<<<< متحطمه من شعرها :sad:

بالتوفيق للجميع