مدري أنا صح ولاغلط ساعدوني

لا تقفي حبيبتي في طريق سعادة بنتك ... يعني اذا شخص كويس .. ليش المانع ؟؟

هذي سنة الحياة نجيب العيال ونربيهم ولما يوقفو على حيلهم خلاص .... بيكونو يريدون يبنو حياتهم الخاصة مثل ما انحنا بنيناها .. لهذا ادعي لها بالتوفيق

اختي الافضل يوم انه يييها معرس انها تستخير الله
والخيره في ما اختاره الله
وترى النصيب مابيها كل يوم
انا من راي اذا كان الريال من مناطق قريبه منكم انكم عقب ماتتاكدون من اخلاقه وترتاحون له انكم توافقون
وترى هذا حال الدنيا اختي
الله يحفظ لج عيالج00

هلا حببتي اسمحلي اقدملج نصيحة وانا اكبر من بنتج بسنتين بس مع احترامي لك ولحبك لبنتج بس لازم تعرفين انه هذي سنة الحياة انا عايشة طول حياتي بالكويت وزوجي من دبي لما تقدم لي اهلي وافقوا لانة معيار الرفض والقبول لازم يكون علي الاخلاق والتعليم ومعطيات الثانية مثلا لو جا لبنتج معرس من النفس المنطقة وبعد العرس جالة شغل برة البلد شنو راح تسوين ماحد يعلم فينا الغيب والحمدللة انة قاعد يجيلها ناس من النفس الديرة وهذي سنة الحياة وانتي عارفة في مجتمعنا نسبة الزواج قلة وايد يعني حرام تاخذي ذنبها وتحرميها تمارس دورها الطبيعي بالحياة واهم شي صلي الاستخار وابي اقولج شي لا تتخيلي انا رضيت اعيش برة الديرة معني جذي انا ما احب بيتنا او عندي مشاكل مثل باقي البنات ما يصدقوا علي االلة فرصة ويطفشوا من البيت بالعكس انا وايد احب امي واهي الي ربتني وواهي صديقتي ادق عليها كل شوي واكلمها اكثر من صديقاتي واهي عندي راس المال بس هذي سنة الحياة لازم اتزوج ويكون عندي اعيال وتخيلي فرحتج لما بنتج تجيب لج احفاد واسفة علي الاطالة

حرااااااااااااااااام عليك يااختي

ترى النصيب الزين مايجي كل شووووووووووووي

وبعدين اش فيها لو راحت بنتك لبيعييييد اهم شئ رجال يحميها ويصونها وفيه خييير

وبعدين مصير بنتك الزواج انت استخيري الله واسالوا عنه ولالالالاتترددين

وبعديييين اعرف واايد حريم ساكنييين جنب اهاليهم مو سعيدات ووايد حريم بعيدات عن اهاليهم بس مرتاحين في حياتهم

انتبهي لبنتك يااخيتي

الله ييسر امرها

انتي غلط ومليون غلط ..

صدقيني يا اختي لا تطونين عائق في حيات بنتج عقب بتندمين ،،

والندم مايعمر بيت ..

اذا الريال والنعم فيه فليش لأ ،، وشو النانع ؟


والله ييسر امورهاا ..

خليها تاخد قرارها بحرية وبدون ضغط حتى لا تتحملى وزرها فى يوم من الأيام

وفى الأول والآخر الزواج قسمة ونصيب

لكن لا ترفضى بدون تفكير بسبب بعد المسافة فقط

*ام وسام*;6769340:
لا تقفي حبيبتي في طريق سعادة بنتك ... يعني اذا شخص كويس .. ليش المانع ؟؟

هذي سنة الحياة نجيب العيال ونربيهم ولما يوقفو على حيلهم خلاص .... بيكونو يريدون يبنو حياتهم الخاصة مثل ما انحنا بنيناها .. لهذا ادعي لها بالتوفيق

أنا مع رأي الأخت أم وسام

الاخوات ماقصرو بارك الله فيكم وانا كمان اقولك انه هدي سنة الحياة وبنتك لازم تتزوج مهما اجلتي ورفضتي
بس انت بتقولي انك بترفضي بدون تفكير ليش؟؟حرام , لازم لما يخطبها احد تفكرو انت وهي وتتشاورو مع بعض وتشوفو ميزات العريس وتخليها تستخير ربنا واذا ارتاحت خليها تتوكل على الله
وبعدين انت ساكنة فجدة واللي بيخطبوها من الرياض والطائف يعني نفس المملكة صح؟؟ مش مشكلة تبقى تزورك وتزوريها , شو الاحسن تكون عايشة بعيدة عنك بس مع زوج بيحبها ويحترمها وعارفة انه بيصونها ومعيشها مرتاحة ولا انها تكون قريبة منك بس زوجها مابيعاملها كويس لا سمح الله؟؟ اختي لاتقفي فطريق سعادة بنتك لسبب غير مقنع
لما يجي الرجل اللي تشوفو انه ابن ناس وطيب و محترم وتحسي ان بنتك حتعيش معه كويس ومرتاحة اتوكلي على الله
اعرف ان الفراق صعب بس لاااااازم هدي هي الدنيا يعني انت لما اتزوجتي ماافترقتي عن امك ؟؟... فكري بالعقل وخلي العواطف جانبا

حبيبتي يعني مو معقوله بنتك بتصارحك وتقول ابيه او لا
حطي نفسك مكانها
هي تشوف انك ماودك بالبعد وانتي جالسه تخوفينها من البعد فأكيد بترفض او تتحير بالرد
انتي احسن شي تكلمينها وتقولين لها اهم شي عندي سعادتك واذا نصيبك رجل من منطقه ثانيه
مافيها شي وانا موافقه يا بنتي .
علشان لا تخلينها تتأرجح بين رضاكي وقربك ونصيبها.
تحياتي

حراااام يللي انتي اتسوينه ولو تعرفين انه الوالدين يوم يمنعون البنت من الزواج عاقبتهم في الأخره شديده توكلي على الله ومصير كل بنت تكبر وتعرس وتيب عيال حرام يللي انتي اتسوينه

أختي اهم شيء أستخيري بعد أن تسألون عن أي شخص من أي منطقة كانت ....

وبالفعل أنتي ما تدرين ... فرضي عطيتيها واحد من نفس المكان ... وصار له شغل بره لمدة سنين ... أو أنه يطلع ماهو بمواصفات اللي رفضتوهم بس لسبب البعد .... ومن يدري لو تاخذ واحد يضايقها او حتى يمكن يمنعها من الجيه لكم حتى ول كنتوا جيران ..... والناس أجناس ...

أكيد ما فيه أم تبغي بنتها تروح عن عينها ... بس الإستخاره هي أفضل الحلول ... علشان لو فيه خيره أكيد ما بتحسين بالفراق والبعد بإذن الله ...

وربي يحفظها لج ويبلغج فيها وتشوفين عيالها ....

اذا ياها حد خليها تستخير
وبعدين هذي سنة الحياه

مابقول غير الله يرزقها الزوج الصالح الي يسعدها ويسكنها بجنبك

الغاليه خلي بنتج اهي اللي تختار

البعد ماهو سبب يخليج ترفضين

اذا الشاب ما ينعاب زوجيها وتوكلي ع ربج

كل الامهات يحبون بناتهم ومع ذلك يزوجونهم للي يبون

ربي يسهل امورج

مشكورين يابنات على مروركم ووعيكم ولله ما قصرتو ومشكوره ياأم عبادي على الدعوه الحلوه هذي

اختى لا تقفى في طريقها والنصيب غلاب وديه سنة الحياة والطائف قريبة من جدا امال امى تعمل ايه انا من مصر وما كنت اتخيل انى ابعد عنها وتزوجت مصرى يعمل في السعودية

بعدالاستخارة طبعا عندي كلمة

اتشوفين بنتج بعيدة وسعيدة وطايرة من السعادة ومرتاحة مع زوجها
او اتشوفين بنتج قريبة وحزينة وكل مازرتيها دموعها بعينها من المشاكل مع زوجها

انا بعيدة والحمدلله مرتاحة مع زوجي وازور اهلي مرتين بالسنة واهما عندي اغلى الناس بالدنيا واحبهم وافديهم بروحي ومالي وبكل مااقدر
بس نصيبي اكون بعيدة لان الله كتب لي اكون سعيدة بس بعيدة...
الله يوفق بنتج ولايحرمج منها ويدز لها ابن الحلال الطيب وقريب لكم عشان ترتاحين

اتوقع البنات كفوا ووفوا

خلي بنتك تصلي صلاة استخارة وان شاءالله الله يكتب لها اللي فيه الخير