http://www.3roos.com/forums/t364303.html
اشكر كل من دعا لي بالذريه الصالحه وانشالله يارب يرزقكم كل الخير وكل من تتمنى الذريه الله يرزقها انشالله
بس ياخواتي الغاليات بغيت استفسر عن الشي الي صار لي اليوم وماعرف وش السبب
ياليت الي تعرف ترد علي وتجاوبني وكون شاكره لها
اليوم نزل من افرازات بنيه شوي بس ووقف مع الم في الظهر وحرقان في البول (وانتو بكرامه)
واحس دايما مثانتي مليانه
ماعرف وش السبب
لايكون الدوره بتنزل علي؟؟ :(
وربي خايفه :(
زوجي عنده أمل اني اكون حامل هالشهر لان كان مرتفع عندي هرمون الحليب واخذت علاج
هالشهر وهو حاط فباله اني خلاص دام اخذته بحمل وانا مابي اجرحه هو مايبين لي بس انا احس
انه متضايق:( وربي قلبي يوجعني عليه انا لو بيدي احمل بس هذا كله رزق من الله والله انشالله
بيرزقنا من حيث لا ندري
فما اعرف وش سبب هالافرازات احيان اقول يمكن قرحه واحيان اقول يمكن بداية الدوره بس باقي اسبوع على دورتي فما ادري بس انشالله اكون حامل يارب العالمين يارحيم ارزقني الذريه الصالحه
وربي اني ابكي انا احب زوجي وابي افرح قلبه بس وربي مو بيدي انا ابي احمل وربي قلبي متلهف على البيبي احس بحرقه في قلبي ابي افضفض بس مو لاقيه احد مااقدر اقول لزوجي الي بخاطري لان هالموضوع يضايقه وانا مابي اضايقه
هالافرازات خوفتني كنت حاطه امل اني اكون حامل بس شكلها بتجي الدوره وربي ماعرف شكتب ولا شقول قولولي شسوي :(
يارب انت تعلم مافي قلبي فارزقني الذريه الصالحه يامجيب الدعاء اجب لي دعائي وافرح قلبي يارحيم يا ارحمن الراحمين