ساعدوني جزاكم الله خير ... حايرة

سلام ..

أولاً إنتي مو كبيرة و توج في بداية سن الزواج ..

و ثانياً خله يتقدم لج و كل واحد ياخذ نصيبه في هالحياة .. بس قبل لا يتقدم رسمي خليه يكلم أحد قريب منك مثلاً أخوك، عمك، خالك، أي أحد بس عشان يتعرفون عليه و على أخلاقه و جديته في الموضوع و بالتالي يفيدونج برايهم و يمكن يساندونك في إختيارك .. و عقبها كلمي الوالدة و قولي لها تقنع أبوك إن يشوفه و يعطيه فرصة ما يصير يرفضونه بدون ما يعطونه فرصة .. ممكن يزوركم في البيت و يتكلم مع الوالد و في وجود أخوك أو عمك أو أي أحد من إللي ممكن يساندون قرارك بس مو ناس واجد .. لا بس الغرض التعارف مع الوالد و يكلمه بجدية و بدون حساسيات و يقول له إسأل عني و عن أهلي و من هالكلام و خل يبين له أي كثر هو شاريك و يعزك و إنه ما راح يزعلك و راح يحطك في عيونه

بعدها إذ كان الوالد مصر على الرفض لا سمح الله لازم يعطيك سبب مقنع و إنتي بعد فكري في أسباب الوالد يمكن يكون الحب عامي عيونك عن بعض الأمور المهمة ..

و في النهاية كل الأهل الطبيعيين يتمنون سعادة اولادهم و ما أظن بيوقفون في طريق سعادتك

مرحبا اختي

دام جاد خل يتقدم ولو زين .. الريال وما يعيبه شي واذا ربك كاتب .. خل يتقدم وبتشوفين ربج بيمسح على قلب ابوج وبيوافق بدون تفكير ..

خل يسألون عنه يمكن الريال فيه شي لا تحكمين من منطلق نظرتك له بس

وبعدين لو الله ماكتب خلك بشغلك وانتظري نصيبك لا الجمال ولا المال ولا اي شي يلعب دور في الزواج كله قسمه ونصيب ..

اذا هو جاد خليه يتقدم لج ويجرب وصدقيني لو هو نصيبج محد يقدر يوقف في طريقج

والزواج قسمه ونصيب

وربي ييسر لج امورج

الله معاج

السلام عليكم

خواتي شفيكم مستغربات؟ اي عندنا فالبحرين عوائل ويكون اصلها قبايل يايكونو القبيلة نفسها بس فرع او يكونون فخذ لقبيلة معينة

عموما موموضوعنا

اختي انا حاسة فيج انا تقريبا بنفس سنج بس فكري بعقل اذا كانت عايلته مناسبة لج وانتي مستعده لهالفرق وفكري بالمستقبل بالعيال يعني في عوايل عادية وفي وفي ناس كلش تكون اطباعهم غريبة اكيد انتي فاهمتني

يعني يكونو محترمين وسمعتهم طيبة

وثاني شي السن مومشكلة ان شاءالله

وانتي استخيري وخلي الحب على جهه وخلي يتقدم لج باسرع وقت ممكن

وبالاخير سوي اللي يرضي والدينج ترا مافي على رضا الوالدين الله يوفقج من دعائهم

انتي ادعي من الله اذا كان خير لج يخلية من نصيبج واذا شر يصرفة عنج

والله يرزقج ويرزقنا الزوج الصالح عاجل غير اجل يااارب