حركة متواضعة سويتها والنتيجة كانت فوق ما تصورت

السلام عليكم ..



انا اول مرة يمكن احط موضوع اتكلم فيه عن شي سويته دايما احط مواضيع اسئلة وطلبات ههههههههههههههههههه



المهم هالحركة سويتها من فترة بس الحين جا في بالي احطها لكم هني (a)



انا زوجي متعود كل ليلة جمعة يخصصها للشباب يطلع معاهم يغير جو .. وانا رغم اني احب وناسته وراحته الا اني في نفس الوقت اتضايق لاني اتم بروحي في الشقة وما عندي شي اسويه الا اذا كنت معزومة برا ..


من فترة كنت قاعده متمللة وقلت بطالع موبايل زوجي شنو عنده من صور وهالشغلات يعني .. وكان يوم خميس المغرب ، فجأة خطر على بالي ان اكتب له مذكرة في موبايله ترن وهو طالع مع ربعه .. فكتبت له " وحشتني موووت حبيبي " :o <<< وخليت توقيت المذكرة قبل ساعة من موعد رجعته البيت ..

وبعدين هو صار موعد طلعته فأخذ موبايله وطلع وانا بعد نسيت الموضوع بصراحه وقضيت وقتي على النت ولما صار وقت المذكرة ما شفته الا متصل يقول شهالحركات بعد ههههههههههههههه وقال لي كلام حلوو (a) وبعدين قال انا راجع البيت الحين شنو تبون العشا <<< احنا نتعشى ما بعد ما يرجع من الطلعه :D

ولما وصل البيت ما تتخيلون نفسيته وابتسامته بسبب هالحركة وحسيتها بسطته واااايد وقضينا ليلة حلوة رغم وجود اليهال هههههههههههههههه


ومثل ما قلت انا ما كنت متوقعه انه بيهتم وايد وانا ساعات اسويها له وهو في الشغل لكن هي اول مرة اسويها وهو طالع مع ربعه وكانت النتيجة مذهلة عندي واهم شي انه رجع البيت بدري :cool:





وبسسسس :wink: