سؤال عن العباية؟؟؟؟؟؟

شنو نوعية اللي لابستها؟؟؟؟؟؟

عباية الكتف


_ليش لابسه نوعية هالعباية؟؟؟

لاني متعودة عليها وساتره


_هل تحس ان العباية اللي لابستها ساترتها والا لا؟؟؟؟؟\

الحمدلله ساترتني وااااااااااايد

تسلمين يالغاليه على الموضوع وحابه اقلج اني في فتره مرت علي لبست عبايه الرأس وكنت حابه استمر عليه بس ما قدرت كم مره طحت في الشارع والسيارات جايه علي وكم مره وانا لابسه يوقفون عالعبايه
من ورا وتطيح عن رأسي كان صعب علي اني استمر فيه وبكذا رديت لعبايتي الكتف
بس البس عليه شيله كبيييييييييييره كبر 4 شيلات مع بعض من غير
ولا زغرفه ولما اروح عرس او عزيمه البس احلى عبايه
عندي واكثرها زغارف والبس فوقها شيلتي
الكبيره عسا ربي يتقبلها مني
جزاك الله كل الخير

سلام الكون;6748617:
انا اشوف رايج صحيح بس مانقدر نطبقه؟؟؟؟؟؟؟ليش؟؟؟؟

اقولج ليش انا مثلا ساكنة في الخليج واحنا سكان الخلجين معروف حجابنا واشلون شكله

فما اقدر اروح البس حجاب مال دول الشام مثلا.....
هو صحيح حجاب بس ماقدر البسه في منطقة الخليج لانه بيكون ملفت للنظر
مشكورة عزيزتي للمرور

مو شرط اختي

انا ساكنه بالخليج ((كويتيــه))

في متحجبات يلبسون عبي
وفي متحجبات يلبسون ملابس عاديه

فإذا ما لبست عبايه ماراح اكون ملفته للنظر
لان الاغلبيه نفسي


.

اسيل 2;6752921:
اهلين اختي بيانسيه

لاتعمي الكلام عن لبس العباية بالعكس فيه ناس واييد ملتزمين ويلبسوالعباية للستر والحشمة

يعني لاعادات وولاتقاليد متحكمة فينا

حبيت لفيدك بهالنقطة وانو اكو حرييييييييييييييم يخرجو من بيوتهم ماينشاف منهم شئ

كله سواد في سواد ماينبان منهم ولاشئ وهم راضين في قرارة نفسهم

قولي لي من المتحكم فيهم الان :::

دينهم والا العادات والتقاليد

مشكورين

شفيج عصبتي علي ؟؟

انا قلت انتوا تلبسون العبايه نفاق مثلاً ؟؟

ليش تفهمين الكلام غلط ؟؟

بس مثلاً البنت ما تقدر تطلع بالشارع
(في بعض الدول الخليجيه)

بدون عبايه ...

لان قانون الدوله يفرض عليها انها تلبسها
ولان اهلها يلبسونها يعني صارت مثل العرف الاجتماعي
ومرتبطه بالعادات والتقاليد

اكيد في حريم ملتزمين بالعبايه عن اقتناع و رضا
بس بنفس الوقت في بعضهم مو مقتنعين بإجبار
القانون فيها ...

لان مثل ما ذكرت اللبس اللي لازم تتقيد فيها المرأه المسلمه
واللي مذكور في الشرع انه يكون ساتر لا يصف ولا يشف


اي لبس يحقق هالشروط يعتبر لبس شرعي

مو شرط عبايه !!


اكيد في بعض البنات راح يختلفون معاي
لاختلاف العادات والتقاليد و مساحة الحريه
المكفوله للبنت من دولة لي دولة

سلام الكون;6743259:
انا ليش البس العباية؟؟؟؟؟
البسها عشان اتستر .....
عشان ماتبين ملامح جسمي.....
عشان ماالفت النظر لي....
وقبل هذا كله عشان انا مسلمة اتبع اوامر النبي محمد صلى الله عليه واله وسلم......
_______________--

سووووووووووري حبيبتي .. احنا ما نتبع اوامر النبي لان النبي بشر مثلنا كلف بنشر الدعوة ... لكننا نتبع اوامر الله عز وجل ....

_شنو نوعية اللي لابستها؟؟؟؟؟؟


_ليش لابسه نوعية هالعباية؟؟؟


_هل تحس ان العباية اللي لابستها ساترتها والا لا؟؟؟؟؟\


واذا كانت العباية مو ساترة فليش لابستها؟؟؟؟؟؟

أنا ألبس حاليًا عباءة الكتف
كنت بلبس عباءة رأس وأعتبرها أكثر سترًا لأنها لا تصفّ شكل جسمك أبدًا خصوصًا لو ساترة وجهك .

لكن ظروف عملي والمجتمع الذي أعيش فيه جعلتني أرتدي عباءة الكتف

لكن أنا مع عباءة الرأس ..وأتمنى أن أعود الى لبسها مرة أخرى فقد اشتقتُ إليها..! لكن ربنا أعلم بحالي..

بس عندي ملحوظة صغنونة : الحجاب الشرعي ماله اسم أو نوع محدّد
ممكن أي أخت مننا تلبس عباءة كتف وتحط فوقه خمار واسع وبيطلع شكله متل عباءة الرأس

و يا أخواتي العباءة ما لازم تكون زينة في نفسها يعني لونها ما يجذب الناظرين - عفاكنّ الله

اولا انا البسهاا لاني مسلمه .. وابي السترر ..

وانا عن نفسي البس عبايه الكتف وهب ضيقه ..

دلوعةحناني;6740393:
العبايه هي لبس زوجات الرسول الكريم وأل بيته الاطهار واصحابه من بعده
وغرضها تطبيق شرع الله في حجاب المراه وسترها
انا عن نفسي البس النوعين على الرأس وعلى الكتف واكيد البسها للستر والاحتشام
وصدقيني وعزة جلال الله البسها حبا فيها مو لاني سعوديه ومجبوره فيها بدليل اني مافي بلد الا ورحت له
واهلي فري يسمحولي اني البس طويل وحجاب بس انا ما اقبل بهالشي وملتزمه بعباتي حتى يوم
سافرت فرنسااا ما نزعتها وترى في كثيرات لابسينها هناك يعني مش شي غريب
تحياتي

مشكورة عزيزتي للتقديم رايج في الموضوع

حبيبة جيمي;6740841:
اني البس عباية كتف على طوووووووووووول واالبسها للستر طبعا ومحد يقدر يتكلم عليي لانة مو ورا الموضة والزخارف وهالهرار

اني البس عباية سادة واذا بحط شي احط شي خفيف وناعم جدددددا في اليد وكل سادة ومو ضيقة واشوفهاا انها ساترتني واخذ راحتي في الحركة عااادي وحتى الشيل ما البس الوان البس كل لون اسود وما اغير للون ثاني كلششش احس الالوان الثانية ملفتة للانتباه خاصة الي يلبسون عباية كتف مثلي فاصير من برة كلي على بعضي لون اسود

ومشكورة على الموضوع المهم

بس عندي سؤال ليش نحط زينة ولو خفيفة على العباة ؟؟؟؟؟؟
مشكورة عزيزتي على تشريفج للموضوع

شمعة جلاس;6740992:
انه افضل
العباية
بسيطه الناعه الصراحه المزخرفه مب عبايه

مشكورة على المرور

السلام عليكم موضوع رائع الصراحه ان ارى انالعبايه اصبحت حسب المدن انا بما اني من الشمال ارى ان الكل تقريبا عباية راس وساده محتشمات بصراحه لابعد الحدود اما مانراه للاسف في بعض المدن كالشرقيه والرياض اتوقع بس هدفهن اننا اهم شي لابسات عبايه نرى عباية الكتف والاكسسوار والبنطلون الي تقريبا كله طالع مادري وش معنى هالحركه يعني اذا طلعت بمكان هناك اقدر احفظ لبس وحده وحده بس ماقول الا الله يهدي الجميع
وشكراااا

عباتي على الكتف وساده

مسااااااااااااء الورد عالحلوين 0000000000


_شنو نوعية اللي لابستها؟؟؟؟؟؟

انا حبيبتي اللبس عبايه كتف


_ليش لابسه نوعية هالعباية؟؟؟

لبست نوعيه هالعبايه لانها مريحه اكثر طبعا انا اشيل اغراض مع زوجي واشيل زباله البيت وانتو بكرامه واشيل شنط كباااااااار

غير انو اخذ شنطه كبيره فيها ادويتي وغيارات لي

لانو عبايه الراس كل شويه تطيح وتسحب وتنظف الشارع ما شاء الله من طولها

بالنسبه لعبايه الكتف انا اللبس ومرتاااااااااااحه فيها وهي وااااااااااسعه وسااااااااااااتره وما اظن حرمه متزوجه عاقله وبنت ناااااااااس بتلبس عبايه محزقه ومزركشه

لاتحكمون عالحريم 00انا اللبس عبايه كتف وامي عجوز وش كبرها وتلبسهااااااااا
الحمد لله بنات ناس وحمايل

مو شرط من لبست كتف صارت فاجره ومن لبست راس صارت زاااااااااهده

بعض الحريم تلبس عبايه الراس غصبن عنها والله عالم وش في القلب




_هل تحس ان العباية اللي لابستها ساترتها والا لا؟؟؟؟؟\

طبعا والحمد لله سااااااااااتره جدا جدا حتى اني اركب الملاهي وتدور فيني وترتفع وتنزل ومايبان مني قدر انمله

وانا سمعت الشيخ يقول الاصل في العبايه الستر فأن كانت سارته وفضفاضه سواء كتف او راس يجوز لبسها


واذا كانت العباية مو ساترة فليش لابستها؟؟؟؟؟؟


مستحيل ارضى على نفسي اللبس شي مو ساتر الحمد لله عبايتي يدخل فيها ثنين من وسعها وسااااااتره وفضفاضه

انا مو بس العبايات حتى الفساتين العاريه ما احب اللبسها ولا احب اتعرى عند احد

وشكرا

السلام عليكم موضوع رائع الصراحه ان ارى انالعبايه اصبحت حسب المدن انا بما اني من الشمال ارى ان الكل تقريبا عباية راس وساده محتشمات بصراحه لابعد الحدود اما مانراه للاسف في بعض المدن كالشرقيه والرياض اتوقع بس هدفهن اننا اهم شي لابسات عبايه نرى عباية الكتف والاكسسوار والبنطلون الي تقريبا كله طالع مادري وش معنى هالحركه يعني اذا طلعت بمكان هناك اقدر احفظ لبس وحده وحده بس ماقول الا الله يهدي الجميع
وشكراااا




اسمحيلي اقولك ان كلامك غلط

انا من بنات الشرقيه ومسقط راسي الرياااااااااااض

ولا سويت مثل ما البنات على قولتك يسوون 00000000000

و مو شرط اذا انا من الشرقيه اكون متبرجه واذا انا من الشماااااااال ساتره

لاتعممين اصابع ايدك مو سوا

وحتى لو لابسه البنت عبايه واكسسوار ووو

انتي رب عشان تحكمين عليهاااااااااااااااا

دع الخلق للخااااااااااااااااااااالق 000

اتحداك تقولين انك رايحه مجمع في الشرقيه او الريااااااض وكل الحريم اللي فيه لابسين كتف واكسسوار وجينزات ووو 000 لابد انو فيه بنات متسترات وبنات محتشمات وبنات ما يبان منهم شي وبنات مش مستور منهم ولا شي


انا شايفه بنت لابسه عبايه راااااااااس ولااااااااااااااااافتها على جسمها لف وداقه اللثمه ورافعه العبايه ومطلعه التنوره وقااااااعده تتكسر في المشي

العبايه بطريقه لبستها مو بمسماااااااااااها ياما بنات لابسين كتف ومابان منهم شي وطرحهم مغطيه ظهورهم وياما بنات لابسين عالراااااااااس ومقااااااساتها باينه من ورا العبايه

صحيح فيه بنات لابسين كذا وفيه بنات متسترات وفيه بنات عاديات

حتى في الشمال فيه كذا وكذا
كل مناطق المملكه وكل بلدا الخليج فيها الساتر والمحتشم والعادي

ارجوا انكم ماااااااااااااااااااااااااااااااااااااااااااااااااا تعممون
مو كل النااااااااااااااس مثل بعض

[GRADE="00008B FF6347 008000 4B0082"]موضوع رائع
أنا والحمدلله عبايتي على الراس وسااااااااااتره ولايبان مني شيء ولو إظفر في الشارع وهذا الشيء أنا مقتنعه فيه تماما بدون أي ضغوط لأني أنا من النوع العنيد ماأحد يحاول يضغط عليّ بالعكس أحس بإعتزاز إذا مشيت في الشارع أو السوق أو رحت للحرم(لأني من أهل المدينه) لاني أحس اني أحترم ديني بهذه العبايه

تقبلي مروري[/GRADE]

رووووووح الورد;6743324:
الحمد الله على نعمة الاسلام
والحمد الله على نعة العبايه اشوفها ستر للبنت بالرغم للاسف اغلب البناااااااااااااااااات راحوا يلبسوووووون عبايات جدا مزخرفه تجول رااااااااايحه عرس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اشوفها شي يعز البنت العبايه وستر لها من اعين الرجال واعوذ بالله من عيونهم

صحيح العباية ((الحجاب)) عز وستر للبنت والمراة
مشكورة عزيزتي للمرور

حرم عدووول;6743370:
انا الصراحه البس العبايه عشان الستر .. وبعدين البنت شكلها بالعبايه احلى .. وانا بحكم صغر سني البس العبايه اللي على الكتف ..

اهم شئ الستر

بس عندي تساؤل ليش قلتي ان الوحدة اذا لبست العباية تستوي احلى


تساؤل ثاني؟؟؟؟؟
شدخل العمر في لبس العباية؟؟؟؟؟؟


ومشكورة عزيزتي للمرور واعطائنا الراي......

بلبس عباية راس سوداء خالية من أي صنف من صنوف الزخرفة بفضل الله

ومستريحة عليها جداً

كنت قبلها بلبس عباية كتف بنفس المواصفات وعليها إيشارب (انتوا تسموه شيلة أظن) أسود برضه يصل حتى بطني تقريباً

بس بعد عباية الراس لما بلبس عباية كتف مقدرش أخرج بيها أبداً بحس كأني مش لابسة، ممكن ألبسها إذا كنا عند أهل زوجي (علشان أخوه)

موضوعك ذكرني بالسنة التي ذهبت فيها للعمرة وتعرفت في مكة على فتاة من الرياض أسأل الله تعالى أن تكون بخير
كانت تظن أن لبسي هذا بسبب أني في السعودية ولم تكن تعلم أن في مصر منتقبات

في النهاية الحجاب له شروط من استوفتها بأي شكل كان كانت متحجبة ومن لم تستوفها لم تكن متحجبة

يسر الله للجميع الطاعة والثبات عليها

سلام الكون;6748598:
بوجهة نظري اشوف ان العباية اهم شي فيه الستر ....
سواء عباية راس او عباية كتف؟؟؟؟؟؟
اشلون؟؟؟؟؟
اقولكم......

وحدة لابسة عباية راس سوداء مافيها اي شي وواسعة وغير شفافة......

ووحدة لابسة عباة كتف ضيقة مابقى لون ماحطته؟؟

والا انها تكون تلمع ومليانه كريستالات كاانها بتروح عرس.........


انزين نجي حق مثال ثاني.......

وحدة تلبس عباية راس وهالعباية كلها كريستالات وزخارف والوان .....

والا اللي ازيد تشوفينها شفافة وضيقة.......

اهيه صحيح لابسة عباية راس بس خالفت اهم شرط في العباية واهي انها ماتبين شكل جسمها .......

انزين نجي للعباية الكتف......
اذا كانت العباية واسعة ولا فيها الوان والا زخارف ولا اي شي يعني سوداء وواسعة ولا شفافة
وكان حجابها اللي لافة فيه راسها طويل ومغطي كتوفها

انتي بنظرج ايهم استر اللي لابسة عباية راس والا اللي لابسة عباية كتف

انتظر ردودكم عشان نكمل الحوار


يتبع.......

في هذه الحالة عباية الكتف هي الأستر وهي الصواب

*ام وسام*;6772042:
سووووووووووري حبيبتي .. احنا ما نتبع اوامر النبي لان النبي بشر مثلنا كلف بنشر الدعوة ... لكننا نتبع اوامر الله عز وجل ....

قال الله تعالى {وأطيعوا الله وأطيعوا الرسول}

طاعة الرسول من طاعة الله

وقال الله تعالى {وما ينطق عن الهوى}

يعني الرسول أوامره ما فيها أخطاء هي أوامر الله تعالى يبلغها لنا رسول الله