عصبيتي ما ادري وين بتوصلني :(

اسمعيني اختي ..

اتحملي اي شي وإياك ثم إياك تتركين الدراسه هي شهداتك وسلاحك .. ويمن تشتغلين فيها لو الحال طول .. لا تتركينها ابدا . هو ماخذج وهو عارف انج تدرسين يعني مب شي جديد عليه .. لا يطلع فيها ...

سمعيني عدل ... اختي .. سوي لج برنامج ,, واشغلي نفسج واذا بدا يقولج شي او يعايرج خبريه .. ان لو كان فاضي لج شوي .. على الاقل ما انشغلتي بنفسج ,,, أنتي للحين ما استويتي مزهريه او ديكور بالبيت عشان يدش ويطلع ويشوفك 24/7 ..

انا قلت لج لا تطاوعينه بالموضوع هذا ... تراج بتخسرين نفسج ... وزوري اهلج وصديقاتج ..
واخلقي موازنه .. عشان ما تحسين بزوجك بعيد عنك .. زين ان يطلع معاج يوم بالاسبوع ..
غيرج مب طايل ترى يا اختي

ام جنى

كلامكم وايد ريحني والله مشكورين

وان شاء الله انا ابد ما بفكر اهد دراستتي حتى لو مابشتغل


امس طول الوقت وانا مب قادرة ارمس وياه لو سالني شي ارد ع قد الجواب واتصرف مثل ما هو يسوي وها الشي

خلاه يطرشلي مسج تعالي بنسير البحر بس انا مارديت عليه لان اتعود كل مايزعلني يشتريلي هدية او يظهرني

ومن دون مايحل المشكلة الرئيسية او يتغير عشان جذي قررت اصارحة اني تعبت من هالاسلوب واني ما برد مثل اول لين ماهو يقدرني كزوجة ويقعد وياي وتستوي بينا مصارحة ولا شو رايكم؟

اتني مبالغه فى الكلام ربعه ساكنين عندكم فى البيت

والله يا اختي شنوا يصير لو راح الريال يجلس عند ربعه ساعه او ساعتين مرده لش

والله جلووووس الريال عند زوووجته يكثر المشاكل انا مثلش بالبدايه وانصحتني ربيعتي

والحين مخليته على راحته وحنا مخصصين لنا وقت للخروج من البيت انا اقولش ذكري ربش

والريال ى طبعه ما يحب الحرمه تتحكم فيه قضبي ارضش قبل لا تندمين ترى الريايييل ما تدرين وش

يخطر على بالهم اذا حس ان البيت غير امن سووووف يخليك بروحش اختش المحبه ريسانه

حبيبتي ريسانة

الرسول عليه الصلاة والسلام قال ( ان لاهلك عليك حقا) مب ربعك وانا مب مبالغة لان صدق ربعه ساكنين في البيت وغير كذا مب لازم الرجال يوميا يقعد عند ربعه ويخلي حرمته لو نص الليل ويسير عند ربعه لمجرد ان ربيعه ملان

هذي مشكلتكم انكم تفكرون ان الحرمة غلطانة لانها تحاسب زوجها على طلعاته وعدم جلوسة معاها


الرسول عليه الصلاة والسلام كان في خدمة اهله وكان يقوم بواجباتهم احنا مب طالبين انهم يساعدونا في البيت احنا طالبين الجلوس معنا فهمتيني اختي الله يرضا عليج...

الاجانب هما الي يدخلون في عقولنا ان الزوجين مب لازم يكونون وي بعض 24 ساعه لان يسبب مشاكل من بينهم بس في الاسلام هذا شي ثاني بالعكس يزود الحب والود والتفاهم بين الطرفين ...

ومشكورة عل المشاركة:)

حياتي والله..لاتضايجيين..يمكن ريلج ماخذ على ربيعه وايد ويحب القعده وياه..وكل الشباب يموتون في الميالس
بس انتي ياعمري حاولي تحسسينه بانج محتاجتنه في حياتج..وتبينه ييلس وياج اكثر..
بس كل هذا بالهداوه لان العصبيه ماتسوي شي بالعكس
انا اعطيج مثال..
ريلي وايد يحب ييلس فبيت ربيعه..وكان يروح له كل يووووم ...انا فالبدايه هالشي ما ضايجني بالعكس
لكن عقب حسسييته ان زودها شوي...
فكان يوم يروح هناك وحسيته انه طول..ادز له مسج
اكتب له..

وينك ياعمري اشتقت لك ولسوالفك..ومن هالكلام الحلوو
على طوول يهد ربعه وايي عندي..

انتي جربي اي طريقه ثانيه ترتاحين لها
بس المهم انج ماتعصبين ولا تطلعين من بيت ريلج

الله يكون في عونج اختي حاولي تكلمينه وتتفاهمين معاه باللين
وان شاء الله تتفاهمون
والله يوفقج اختي ويسعدج يااااااااااارب

مشكورين بنات عل ردودكم الحلوة ونصايحكم المفيدة

انا جلست مع زوجي واتفاهمت معاه وعل التمسكن والبجي

اتفقنا ان يقلل روحاته والحمد لله اخين احسن وان شاء الله

يستمر الوضع

عسى الله يهديه ويثبته يااااااااااااااااارب