امس قعد وياي قالي........ ليش؟؟

الله يكتب لج إللي فيه الخير
أنا بكرية بس مفكرة أني ما أتأخر بالحمل الثاني والله يسهل للجميع

توكلى على الله و ان من راى زوجج

الوردة المسائية

محتاااااااااااااااااااااااااااااااارة

متردددددددددددددددده

مع اني اتفقت معاه على الموعد ..

اجمل بل واروع شيء بالوجدود الاطفال


اسمعي لزوجك ولبي رغباته

امري لله ان شاء الله اقدر استحملهم ال3 بعد ما اولد

خخخخخخخخ بقولكم شو قالي زوجي امس ...

انا كنت بيت قوم امي اتصل عليه وقعد يكلمني وعقب قالي صديقي حرمته ولدت قلتله شو يابت قالي بنت وهو عنده 3 اولاد قبل ..

قلتله هي باركله وشو رايك اسير ازورها فالمستشفى قالي اوكي ...

المهم سرت وخذتلها ملابس وهدية ومر عليه زوجي ووداني .. واحنا راجعين كل كلامه عن البيبي ..

قلتله ما تشوف مريومه كل شوي تنش وتصيح ما اعرف اشفيها وايد تحلم قالي هاي روحها مشكله ما تخلينا ننام قلتله تخيل عندي بيبي اصغر عنها كيف بستحمل قالي هي والله الحمدلله ان مأخرينها ..

قلتله متى تبا الياهل ال3 ... سكت قعد يفكر ..؟

قالي يوم مريومه تكمل 3 سنوات ... خخخخخخخخخخخخخخخ

بس في داخله بيموت يبا بيبي وخاصتا بنت .. عشان يسميها على اسم امه...

اهيه فكره حلوه وحتى السنوات بتكون مناسبه والله الموفق

بس بعد حطي في بالك انتي وراحتك

زوجي بعد من يوم ماكانت بنتي صغير في الشهور الأولى عجبتنه انه يكون هناك مولود صغير في البيت وقال يبيني احمل خخخخخخخخخخ بس آنه ما رضيت وللحين قاعد يخطط حق الحمله الثانيه
وعلى الرغم من اني خاطري احمل وحلو الحمل بس ما اقدر لاني احاسب لنفسي والتعب وما شاء الله زوجي ما يسوي شي معاي في الشقه وله حتى هله وهلي بعيدين عني والشقه إلي ساكنه فيها الطابق الثاني يعني تعب وايد

كلام زوجك عين العقل
انا ما احب الفروق الكبير بين اولادي
انا اقعد سنتين بين اولادي واحمل

عرفت من كلامك غن عندك ولدين (محمد و مريومة) الله يخليهم
و رأي في الموضوع بكير كثير بما أن عندك ولدين تمام مو واحد لحاله....لأن بصراحة اليهال متعبين حتى لو كانوا هادئين

اني بنتي عمرها 4 سنوات و شهر(الله يخليها) و ألحين أنا حامل بالثامن بس حالياً أفكر أجلس مدة أطول على المولود الثاني (على خير)
حتى الواحد يرتاح شوي, تسافري على راحتك إذا الاولاد كبروا مايكون متعب زي إذا عندك بيبي

و في النهاية هذا قرارك إنتي و زوجك...ولكل وجهه نظره

اختي ..
أنا عن نفس الحين ما أفكر في الثاني أبدا وحتى زوجي مايفكر ولدي تعبني واايد وكله مريض فما افكر في الثاني الا لما يكبر شوي ويشد جسمه ، بصراحة التربية صعبة وخصوصا اني اشتغل .

فإنتي فكري زين وشوفي الي يناسبج وهل بتقدرين فعلا اول شي على الحمل والتربية وبعدين تربية ثلاثة وبنتج بعدها صغيرة سنة وتسعة شهور نفس مامكتوب في التوقيع .
وشوفي انتي الي يناسبك
تحياتي لج .

العيناوية ..

هو حاط الفكرة ان يوم اربي مريومه تكون 3 سنوات ..

بالنسبة لي انا الحين بصراحه اكثر شي معتمده في غسيل اليهال على الخدامة .. بس ما اعرف من خوفي على عيالي من الخدم صايرة وسواسيه كله مراقبه الخدامة فهالشي وايد متعبني مع ان خدامتي زينه ..

وبالنسبة للحمل عادي عندي لاني ما اشتغل بس تكاسلت لاني باعت شوي وتعودت على الراحه ...

انا خاطري اتمنى اكون حامل اليوم قبل بكرة سبحان اللي يقسم الارزاق الله يعطيج واهم شي انج اني وزوجج تكونون متفاهمين ع الموضوع ووتعطين كل واحد من اعيالج حق بالاهتمام

ان شاء الله هالشهر حاولت بس شكله ربي رحيم ما يبا يتعبني ويعرف متى الانسان قادر بيعطيني فالوقت المناسب ان شاء الله

ان شاء الله الاشهر اليايه ابشركم بحملي ..

بس لا تحرموني من دعاتكم ..

الاسبوع الياي مريومه بتكمل سنتين ...

ربي يرزقج الولد الصالح ...
انا ولدي عمره 9 اشهر .. ومب مانعه سبحان الله ماحملت ..صدقج ربي يعرف متى الانسان قادر بيعطيني فالوقت المناسب .. ربي يرزقني انشالله بنت زوجي يموت عالبنات..:21_112:

انا ضد فروق السن الكبيرة بين الاطفال يعني انا بيني وبين اخوي 5 سنين وبينه وبين اخوي الثاني نفس الشي 5 سنين ونص.. مووو حلوووو كلشش

لا ما اعتقد اني اباعد اكثر عن جي انا سنتين والحين متهايزه بعد لو اكثر ما اعتقد افكر

الله يرزقج يا رب الذرية الصالحة وتتوفقين

شوفي حبيبتي انا حالتي تشبه حالتك كثير انا عندي ولد عمره 6 سنين وبنت عمرها سنتين وابو العيال حن علي علشان احمل والحين انا حامل ما راح اكذب عليك واقول فرحانه لاني احس اني بتعب في البدايه بس ان شالله ربي بيسهلها

almennoh

مرحبا الغاليه ما فهمت من اي ناحية بتتعبين ..

شوفي لو من ناحية الحمال والوحام الحمدلله انا مو من النوع الي ماساه .. لو اتوحم مال اسبوع واعدي الموضوع

لو قصدج عقب الولاده ما اعرف احس ما بتلعوز لانه حمود حاليا دخلته الحضانه وعلى السنه اليايه بيكون kg1 ومريمومه بتدخل الحضانه .. بس المشكله فيني انا ..

احس اني ابا ومابا .. احن لانه يكون عندي بيبي بس يوم اتذكر السهر والرضاعه اغير رايي ولا من داخلي حابة ان يكون عندي بيبي ..

تعبانه من كثر ما افكر فالموضوع

الله يكون بالعون