الحبيب و الموبايل والمسجات !!

اهم شي اذا تبي علاقتهم تستمر تامره امر اجباري انه يغير رقمه عشان يتخلص من البنت اللي يعرفها

خلها تتصل وتتاكد عشان تقطع الشك باليقين

وبعدين تقعد تتمكلم مع خطيبها بهدوء

والله يفرجها

hend_unreachable;6724273:
بنااااااااااااات هي طلعت اليوم معاه واتصلت ع البنت من تلفونه .... وتكلمت مع البنت وخلته هو يكلمهاااا وهذيك البنت قالت انه هو يحبني ويريد يتزوجني وانه ما يريدج انتي بس هو بند ع طووول التلفون ما خلاها تكمل... وقعد يتأسف ويقول انها تعرفه من زمان ومو قادره يتخلص منها واعتذر لها وايد وبكى وهي بكت وعقب تراضون واشتري لها هديه هههههههههههه ( صدق بنات) .... تسلمون يا بنات ما قصرتوا ومشكورين ع التفاعل والله يصلح حالهم ويديم المحبه من بينهم .....


تقبلوا تحياتي

بس كده؟؟ هدية وكلمتين ودمعتين وخلص الموضوع؟؟ غريبة والله كل هالشي اللي صار واللي اكتشفته وقدرت تسامحه بسهولة؟؟؟ اختي اللي مابيعطي قيمة لنفسه مااحد بيعطيها له , واللي بيتنازل مرة بيتنازل عشرة , والراجل اذا غلط وزوجته او خطيبته سامحته بسهولة بيرجع يعمل هالشي مرة ثانية وثالثة لانه بيعرف ان خطيبته اكيد راح تسامحو
بس هي حرة و القرار لها لكن ياريت ماتندم بعدين ...

حبيباتي .... هي صحيح عرفت انها بنت وكشفته ..... بس خلنا صريحين الرجال مهما كان يحب الحرمه الا ويجي يوم يخونها او يوقع بمطب ( الا من رحم ربي طبعا) وهي تحبه ما تبي تخسره وعشانها رضت وسكتت عليه مو معنهاااا انه هو بيكررها .... هي متاكده انه يحبها وانها مجرد نزوره بس لا ننسى انها هي صارت في موقف قوة الحين .. تقدر تملى شروطهااا عليها وتحل المشكله بدون ما تخسره ... مو عشانه غلط هو يعني خلاص هي تحكم عليه بالاعدام خصوصا انه بينهم حب والمره الذكيه تقدر تكسب الرجال وتخليه بصفهااا.... هم الحين مش سمن ع العسل ... لكن يحاولون يوصلون لحل ... اشترطت عليه يغير رقمه خلال اسبوع والرقم القديم يخليه مغلق وهي تحتفظ فيه وهو وافق على الشرط هذا .... وبعد قالت له من اليوم ورايح احنا الاثنين كتاب مفتوح لبعض يعني مافي شي اسمه موبايلي وخصوصيات ولا تقرين ولا تسوين وهو بعد وافق ... وقال لها بيحلف لها على القرآن وبيكون الله شاهد بينه وبينها انه هالموقف ما يتكرر


تقبلوا تحياتي