ساعدوني ع ارجاع زوجي الي

السلام عليكم
ختيه اظني حظرتها مسويتله سواااا رابطتنه وبعدين الرسول صلى الله عليه وسلم ماكان يمدح وحده على الثانيه امام بعض ...
يعني اصبري ودعي ربج في القيام واقري المعوذات وفي ماي وخليه يشربه وكل يوم اقري سوره البقره كااامله مدة ٤٠ يوم وخلي في نفسج انج تقرين عن السحر والعين انزين حبيبتي وبصراحه كل وحده تعاني مع هاييلا الرياييييل انا اسميهم (المخلوق الظار) هههههههههههههههه بس لاتنسين انه كان فيه مره انسان يحبج وحنون عليج بس هاذي هفه تي الرياييل .... واسمحيلي على الإطاله

الله معاج

الله لاااااااااااااايكتب علينا يارب

خيّــــــــه فكري بالعقل والمنطق شلون في 10 ايام يحب وحدة؟؟
أنا متأكدة ان زوجكــ وماعليه في هالكلمة كان يعرفهـــــــــــــا من أول واتفقوا يلتقوا في المغرب!!
والا شلون يحب وحدة على زوجته ويتعلق فيها بهالشكل في هالفترة البسيطة!!

لاحبيبتي هو كان يعرفها بالصوت وشافها لما سافر وزاد تعلقه فيها بس انتي من كثر ثقتك فيه
ماكنتي تلااااااااحظين وهو كان يداري عنك!!

خيّة,, حطي حد لتصرف زوجكـــ خليك صاااااااااارمة معه قولي له انا ام عيالكـــ وانا الاولى,, شلون تقبلين يغازل وحدة قدامك؟؟
حبيبتي كرامة الانسان اقوى من أي حب في الوجود!!
اذا يبغاها يروح لهـــــــــــا ولكن بعيد عنك وعن نظرك!!
الله يسهل لك اموركــ ويكفينا شر بنات الحرااااااااام

شكرا خواتي ع ردودكم بس الوضع تأزم اكتر من اول اني دخلت عليه وهو بيكلمها وفاتح الكاميرا ع الكومبيوتر وانا طبعا ما قدرت اتحمل او اطنش قمت ورميت شاشه الكمبيوتر ع الارض والكي بورد وكل شي ع مكتبه وطبعا وانا بسب عليها وع اليوم الي راح فيه ع المغرب
وبعد هيك هو طبعا عشان ه العمله اجاني وقلي انت بدك قرار انا ضليت ساكته وقلي قراري انا اني خترت بنت المغرب وانت معززه مكرمه ببيتك وانا ماراح اطلقك لانك حبي مع اني عارفه ان قراره بغيظ في وبس واليوم انا رحت وجبتله احلى هديه بس عشاني انا حبه
شو رايكم اعطيه الهديه ولا اطنش لاني لو طنشت بياخدها شو شوروووووو علي

انا ما اعرف لو اللي بقوله ينفعج ولا لا
او حتى صح او لا
اول شي مستحيل يكون حبها في 10 ايام وانتي عشرت عمر وياه 10 اسنين
اكيد تعرف عليها من قبل واخلاف راح المغرب وشافها
هو الحين عايش في خيال يعني كلام حب ورومنسيه
وعلاقات النت والمسنجر اتطول شوي بس بيي فتره بيمل
مادام ريلج لين الحين عندج لا اتفرطين فيه
شوفي شو ناقصنج ولاقنه عند هذيج وسويه
اكسري الروتين لي عايشينه
ودي اليهال عند حد من اهلج وسافري وياه او حجزو في فندق لمدت 4 ايام غيرو جو
ونسي كل شي
لا اتمين تيبين طاريها جدامه وانتو بروحكم
طنشيها واهتمي فيه
ترى والله الرجال مثل اليهال اللي يهتم فيه اكثر يكسبه

الله يعينج اختي يوم قريت مشكلتج حسيت يمكن تكون ساحرته

الله كريم وانشاءالله ترتاحين

الله يكوووووووووووووووووووووووون بعونك

هذي ضريبة السفر للخارج

الله يكون بعونج فديتج

بالنسبة للهدية الصراحة لو انا مكانك اخليه هو اللي يجيب لي هدية مو انا
هو اللي غلطان مو انتي





مادري بس لو كنت مكانج كنت بسوي عمايل


اول شي بسوي نيو لوك لا صار ولا استوه
بغير في طريقة لبسي ومكياجي شعري
كل شي كل شي


وراح ابين له ثقتي بنفسي
تره اهم شي الثقة بالنفس
بصير مغرورة قدامة
يعني شويه تطنيش
شوي مو كثير

ترة كل الرجال يحبون الوحدة اللي واثقة من نفسها

بتدلع عليه 100 %


لا تبينين ان النيو لوك عشانه :wink:


وفي نفس الوقت ما بخلي ولا ريال في جيبة
بصرف كل فلوسة عشان ما يبقى له فلوس للزواج على وحدة ثانية


حاولي تشغلينه بكل الطرررررررق

باللي تقدرين عليه


واكيد واهم شي
لا تنسين الدعاء وقراءة سورة البقرة


تحياتي دهن العود :15:

آآآآآآآآآآآآآآآآه انتوا يا نسوان يبيلكم كورس عندي
يا نسوان شفيكم انتوا؟
كيف كيف كيف بترضي باللي صاير هااااااااااااااااااااااد!!!!!!!!!!!؟؟؟؟ ولك كيييييييييييييف؟
بتشوفي زوجك عينك عينو مع وحده غيرك وهاي ردة فعلك!؟
والله اذا ما اطربق الأرض فوق راسوووووووووووو مابرتاح
صار لكم 10 سنوات وكمان بيحب غيرك!؟
هاذي دحكت عليه وسوت له عمل ولا سحرررررررررر
أختي عليك بالآتي:
1تصاريحه وتقوليله بوجهه يا أنا وأبنائك .. يا هيا اللي ما بتستحي
2 تقطعيييييييييه عنها بتاااااااااااتاااااا .. تمسحي رقمها وايميلها وتخفيها عن زوجك
3 اقرأي عليه القرآن والرقيه والأذكار يمكن ساحرته واكدي له انها ساحرته:mad::mad::mad:
4شوفي هو شو بيحب فيها .. واعملي اللي بدو .. دلعيه وكوني ملكة الدلع والنعومه وعلقيه في اولاده وحني عليه و شوفي شو بيحب وسوي له وخليه يرجع يحبك من اول وجديد واعطيه كل الرومانسيه اللي بدو

وأخيرا أأكد عليك انك تقطعيييييييييييييييييييييه عنها بكل الطرق

زوجك مو مقدر النعمه
انا مع الاخت شموع حواء

فديتج انزين ليش ما تخلينه ينفذ الي طلبه منج

يمكن ينساها مثل ما يقول

بس المشكله يمكن يتعلق فيها اكثر

..

دعواتنا لج عزيزتي والله بيكون ف عوونج ياارب


وانتي حااولي تكسبينه ف هالوقت دام انه هو جدامج وهو ما يشوفها بس يكلها ع المسن

لكن معاااج انتي

حااولي تحسسينه بحبج قدر المستطاااع

مافي ايدي الا ادعوا ليش بازاله همك ..
بس اختي لازم تشوفي حل
لأن رجل من هذه نوعيه معناها ان يمكن يعدها مره ورتين وثلاث ..
انتي بعد اطلبي منه يحترم شعورك و كرامتك وين راحت ..

شكرا كتير ع ارائكم وممنونه منكم كتيررررررر كتيرررررررر
بس انا هلاء بمشكله اكبر انه بده يسافر وبيقول ع الكويت وخايفه يكون مكان تاني ومو عارفه شو اعمل لو طلع مسافر ع المغرب ما في امنعه لانه لو منعته بيكون اخر يوم الي معرايكم ه شو

حبيبتي هذي اكيد مسويتلة سحر او شي

كثري من الادعية واقري قرأن وان شاءالله كل شي بيرجع مثل اول واحسن


اختك جلامور

عليييييييييكِ بالدعـاء
فـ سهام الليل لاتخيب ان شاء الله :confused:

الله يكون بعونك ان شاء الله
قلوبنا معك:15:

كان الله في عونج
ونصيحه منى اذكري رب العالمين دوووووم
ودامي على قراءة سورة البقره كل يوم
وصلى صلاة الليل واكيييييييييد بيجي لج
فرج احنا ما نلومج عزيزتي في كل اللى تسوينه
انتى تبين تحافظين على بيتج , بس الواحد اثناء المشكله
ولانج تبين تحافظين عليه تسوين اى شي عشان تسرجعين
والوحده يكونها ذهنها مشوش اكييييييد , لكن الشي الاكيد
انها مجرد نزوه واتمنى انها تزووووووول ويرتاح بالج يارب

اختيه يمكن البنت امسويتله سحر لان المغرب معروفه بالسحر احسن حل انج اتخيرين بينج وبينها وشوفي شورده إدا قال الاثنين قولي وحده ادا اختارها قولي خلاص انا مو مستعده اعيش مع شخص يخوني ادا رضيت انت بعد ارضى اني اخونك جدام عينك وشوفي شو رده

ام مايد111;6838881:
اختيه يمكن البنت امسويتله سحر لان المغرب معروفه بالسحر احسن حل انج اتخيرين بينج وبينها وشوفي شورده إدا قال الاثنين قولي وحده ادا اختارها قولي خلاص انا مو مستعده اعيش مع شخص يخوني ادا رضيت انت بعد ارضى اني اخونك جدام عينك وشوفي شو رده

عجيب والبلاد التانية ما معروفة بالسحر

والله ضحكتيني اللي يسمعك يقول احنا قاعدين بس نسحر ماورنا لاشغل ولا مشاريع والا ي شىء غير السحر

على العموم احترم وجهة نظرك

المهم البنت دي لو بنت ناس ومتربية ماتسمح لنفسها تخرب بيت وحدة ده اللي تربينا عليه
وعلى العموم ادا قالك هو بدوا يتزوجها مااظن حبيبتي لان قانون مدونة الاحوال الشخصية الجديدة بتحتم على الزوج يدلي بشهادة العزوبية ووادا كان متزوج لالالازم موافقة الزوجة.

الزواج العرفي ما عندنا في المغرب
اقسملك بالله يا فرفورة وسامحيني على كلامي لو كان زوجك قدامي كنت اديتله قلمين يفوقوه لانه عن جد دي مهزلة اقسملك انه قصتك عصبتي وايد كيف وانتي متزوجة معاه 10سنين .
اقرئي سورة البقرة والمعودتين على مية واديهاله يشربه
وربنا يهديه ويهديها

اقسملك بالله البنت دي عمالة تتسلة بيه ونوعية البنات دول معروفين .

حسبي الله ونعم الوكيل

الحمد لله اصابع اليد ماتتشابه ما كل المغربيات جدي

اختك مهجة

حبيبتي خليك من كلام اللي يقول سحر وخرااااابيط مع احترامي لآرائهم...

بس هذي مشكلتنا اذا ماعرفنا اساس المشكله أو حلها قلنا سحر

عموما ياقلبي اول شي إسألي الكريم في جوف الليل وعليك بالدعااااااااااااااااااااااااااء

وثانيا :
الرجال مو معصومين من الغلط بس أهم شي تجلسين مع نفسك وتسألينها بصراااحه وش اللي مقصره فيه من ناحية زوجك ...وابدأي في التعويض عن هذا التقصير

ثالثا:
اذا انتي متأكده بعدم تقصيرك مع انه شي وارد وطبيعي في العلاقات الانسانيه...
ابدأي شوفي وش اللي يهتم فيه ويشده لأن الانسان بطبيعة الحال تتغير ميوله مع الوقت

ابدأي شوفي سجل محادثاتهم بدون مايدري عشان تعرفين وش اللي هي تعطيه زوجك وانتي ماتعرفينه

يمكن هي تشاركه اهتماماته أو مريحته في أموور ثانيه أكييييد فهمتيني....

حبيبتي هذا زوجك وأبو عيالك جنتك ونارك,,, ولاتسمحي لأي أحد ياخذه منك بسسس بالعقل والحكمه

ومدامه صارحك انه يبغى وقت عشان ينساها هذا دليل انها نزوووووه عاااابره

بس مابتكون عابره لو خليتيها تستمر وعلى مسمع وشوف منك....

لازم تبينين له عدم رضاك وان كرااامتك فوووق مايتصور.....كوني وااااثقه في كلامك معاه
حسسيه بجريمته اللي سواها في حقك وحق عيالك.... لأني بصرااااحه من كلامك حسستيني انك انتي اللي غلطانه مو هو....
وهذا قمة الغلط حسسيه بغلطه الكبير لازم يفقدمنك شي ....مويغلط ويلقى كل الاهتماااام
لاااا وفو قها تهدينه!!!

عزيزتي الموضوع كبير ومع الدعاء ربي بيكون معاك بس أهم شي تفكرييين زييين ومن غير أي إنفعالات إنتي أكثر وحده أدرى بطبيعة زوجها عشان كذا أنصحك تشوفي وش اللي يناسب طبعه....
سواء بالتصريح أو التلميح بالجرح الكبييير اللي سببه لك...

وابدأي بالتفكير العميق للمشكله ومادااام زوج يحبك تأكدي بالعقل والحب والحكمه إن شاء الله يرجعلك .....

بس الله الله بالدعااااااااااااااااااااااااااء........وأخذ الموقف الحااازم والواثق من المشكله....

وطمنينا عنك إن شاء الله...خييير

وتقبلي مروري.....تحياتي