اللي عياله يزنون ويحنحنون يدخلون محتاجتكم

عذاري... 20-07-2008 39 رد 3,306 مشاهدة
ع
طبعا كل يوم مشكلة جديدة بسبب بنتي نجد الله يحفظها

لكن المشكلة اللي ما لها حل هي انها واااااااااااااااااااااااااااااااااااااااااايد تزن وتحنحن على ولا شي

كانها صارت عندها هواية

ما ادري شسوي فيها

يجي لي اوقات افكر اني اقتلها

بس بعد ما تهون علي

ساعات اضربها بس تعووووووووووووووووووووووور قلبي

ما ادري شسوي

اللي عياله يزنون ويحنحنون يدخلون ويقولون لي شلون يتصرفون معاهم؟؟؟؟؟؟؟؟؟؟؟؟؟؟؟؟؟؟؟؟
ا
تتوقعين في جاهل في سن بنتك مايزن ولايحن؟؟!!

يعني طبيعي هالحركه عند الاطفال
ا
اغلب الجهال يزن يا في نومة ياجوعانة واغلب شئ فيهانووووووومة حاولي في سن بنتك كل 3 ساعات تيميها ومن تقعد اكليها بعدين العبي وياها طلعيها املئي فررررراغها وعوديها تطلع وي الناس مو كل لزقة فيش شكلها انتين مخلتنها تتعلق فيش واااجد من هيك كل تزن تزن اذا تحركتين عنها
م
كل الجهال يونون ويحنون ويطفشون بع
الله المستعان
الله يهديهم ويهدينا وياهم ويعينا على تربيتهم
م
اي صح كلام الامهات ما فيه جاهل في هالدنيا ما يزن اني بنتي عقدتني من زنتها حتى اذاكنت اطلع وياها بيت ابوي ما تبي احد وخاصة اذا شافت اخوي تصرخ كأنه يخرعها بس اني قمت عودتها اني اطلعها على طول واخليها تشوف اغراب وااجد الين ما صارت الحين ما شاء الله عليها هي اللي تروح تسلم على الناس وخفت زنتها عن قبل ما عدا اذا كانت تبي تنام لازم تزززززززن
s
حبيبتي هذي نفسج وصدقيني والله حاسة فيج:

عندي 3 اولالالالالالالالالالاد
ويحنون حن الله لا يوريج, بس تعتقدين شو بسوي؟؟؟؟؟:D

كله ضرابة ويا بعض والا يبون شئ مستحيل اييبه لهم/ مثلا يتضاربون على تلفوني اتخيلي اذا ما يبته يضربوني والله ، يبون الاب توب اذا ما يبته بيكسرو ن شئ,,يعني عصاتي دوم معاي:ss:

ولدي الكبير اكبر حنان وزنان

صدقيني انا وريلي تعبنا ، فكرنا وفكرنا ونحاول لليوم نسوي اي شئ بس يسكتون
وقلنا خل يسوون اللي يبونه وبيسكتون والا نطنش,,
طنشنا 70% والباقي نعطيهم اللي يبونه علشان نرتاح من الصريخ خخخخخخخخخ:wink:
لو اقولج على مواقف بيشيب شعر راسج
ريحنا نفسنا وسوينا لهم غرفة العاب ان شاء الله يكسرون الدنيا المهم لا لأزعاج والحين سكتو شوي وقل الازعاج الحمد لله:)

حاولي تعطين بنتج اللي تبيه بالمعقول او اذا احتاج الشئ انج تطنشيها انا اقولج طنشيها مصريها بتسكت وبتتعود (y)

انا يوم يزيدون عن حدهم اسكت واطنشهم يسوون اللي يبونه وبالنهاية يسكتون
الله يعينا يا رب

ابي اشوفهم بين يوم وليلة يكبرون هههههههههههه
:confused:

*
وأنا بعد ابي حل
م
كلام الاخوات صحيح اغلب الاطفال فيهم هالصفه وبالذات في هالمرحله.......
الله يهدي عيالنا وعيالكم..



أ
بنتي عمرها اربع سنوات وللحين تحن وتزن كنت اعصب واضربها بس الحين حلي الوحيد اني استحمل واصبر واذا قالت تبغى شي سهل اعطيه اياه واحاول اغير لها الجو مثلا اقول ليها تعالي بشغل لج نشيده في الكمبيوتر او نلون اي شي تحبه بس عشان تغير جو وتسكت.
ر
بنتي عمرها ثلاث سنوات والى الحين تزن ومانفع معاها كل الطرق

امكن دلعناها اشوي الله يهديهم لكن الام تتنرفز وماتملك اعصابها

لان بنتي طول اليوم زن
أ
صراحه انا مع عزوز اطنشه لحدما يرجع لحاله
أ
والله هالمشكله الظاهر عامه مي خاصه


ولكن مالينا إلا الصبر


والله يهديهم
م
أختي بنتك 8 شهور و تضربيها !

تعتقدي هي تفهم إيش معنى تصرفك ؟ أو على إيش إنتي تضربيها !!!

هي كل اللي تفهمه...إنه والدتها تعاملها بعنف و قسوة...و مش فاهمة السبب...


الزن مشكلة عامة...و عادة لما يكونوا زهقانين...حتى إحنا الكبار نزهق...صح ؟

لو شغلتيها بشيء تاني...أو إقترحتي عليها إقتراح حلو...بتتجاوب معاكي...و تنسى ليش كانت تزن أصلا...
ا
كل الاطفال يزنون

بس في اكثر من سبب برايي منها

الدلع الزايد

جوعان

اسنان

يعني مساكين ما يعرفون يعبرون لازم نستحملهم
ع
اي صح بنتج عمرها 8 شهور وتقولين ساعات تضربينها ترى اهي ما تفهم شي صغيرة والضرب اصلا حرام

الزن عادي كل الاطفال يزنون اذا يبون شي انا ولدي اكثر شي يصيح اذا يبي ينام

وترى هاي مو مشكله اصلا اعتقد هذا طبيعي ومايبيله حل

اهم شي تحبون عيالكم حتى لو كانو يزنون يعني ما تقولين بتقتلينها هالتشبيهات يعني مو زين تقولينها

ادري حزت الزنه تكونين معصبه وتقولين كل شي بس عودي روحش تقولين كلام حلو لها وحسسيها بالامان
s
شفتي يا ام شجاع, الاغلبية يعانون..فحاولي انج ترتاحين منها وتطنشين صراخها وبنتج وايد صغيرة

الله يخليج لعمر 4 و5 سنوات يزيد الزن,,


الله يصبرنا ولنا الاجر والجنه باذن الله
ر
الجنه تحت أقدام الامهااااااااااااات
يا ام نجد!!!
هدددي حالش شوي على الكتكوته
حتى لمن تزن اتركيها مكانها وغيري انتي مكانش
والله ان قلبش بيرق اليها وبترجعي ليها وبتحضنيها
حاولي تتكلمي معاها وتلعبي حتى لو ما عندش وقت اغصبي حالش
هي بنوته وحده وتتدلع على امها بس ..
اتوقع ما عندش صبر يا ام نجد على البنت ابد تتمنيها مثاليه
بدون اي جهد منش!!!!
حاولي وحاولي الى ان تنجحي
وجاينش مسؤوليه اكبر معاها بعد اصبري والله معاك..
ع
مشكورين حبيبات قلبي على ردودكم
ن
حبيبتي ما في ياهل ما يزن الا في حاله
الي الله راضي على امه ههههههه
لا امزح الله يرضى علينا كلنا
اذا تبين كورس حياج
تراني متخصصه في حنه وزنه اليهال
:cry:<<بناتي وزنتهم عن فريج ماااااا شاء الله00
لا وزيدج من الشعر بيت عندي تؤام 2 ونص اعمارهم بس الله لايراويج00
اذا زنت ولا وونت وحده منهم00هي تتعب نحن بعد نتعب وياها00
وتحتارين شو تبى وياليت على شي00
هههه ابوهم يقول هذه هوايه اذا ما ووونوا ما يستانسون00
انت اصبري وكثر ما تقدرين طنشي
وهو صدق تيج ساعات حالات ما تدرين شو بسوين بعمرج من القهر والتعب
الله يعينا
ولا تنسين
الجنه تحت اقدام الامهات
!
آه قلبتي المواجع علي يا ام نجد !

انا ولدي زايد بالزنة و الحنة :( والله طوول اليوم على هالمنوال !

طبعا يلتهي بكتبه و العابه و اعطيه فرصة شوي للتلفزيون بعد ، لكن اذا بدأ يزن خلاص ما يوقف !

بعض الاوقات اطلع معاه نتمشى او آخذه للساحل القريب لنا ، لكن اذا مالي عزم طلعه من هالحر اضطر ان اصرخ عليه بعد مااحاول معاه بالهداوة !

تعرفين ؟ امس سويت شي غريب :( عطيت روحي سطار من القهر منه ههههه شافني و خاف و قعد مكانه !

و تالي قعد من نومته الساعه 5 الصبح مصحصح ما يبي ينام و يقول لي ( مم مم ) يعني جوعان ! سويت له أكل و مارضى ياكل و ظل للساعه 8 هو يحن و يصرخ !

بعدها لقيت روحي اصيح من التعب و الحيرة معاااه ..

ههههه كتبت قصة حياتي .. بس والله حتى تعرفين شقد المعاناة مع الطفل لما يصير زنان !

و اتمنى تهون عليش مصيبتش بعد ماشفتي تجربتي مع الشقي صدوق !
X