مساء الخير بنوتات..
كـيـفـكـم؟! إن شاء الله تكونون بصحة وعافية..
الطبق هذا أخذته من كتاب يصدر عن هيئة اللحوم والماشية الأسترالية، وبصراحه طعمه مررررره لذيذ، الكتاب فيه وصفات كثيرة بنزلها بالمنتدى ان شاءالله اذا طبقتها..
بسم الله نبدأ...
المقادير:
(*) 750 جم لحم غنم أو بقر مفروم ( لحم البقر يطلع طعمه افضل)
(*) 1 فص ثوم مدقوق
(*) 1 بصلة مفرومة
(*) 2 شريحة سميكة من الخبز الأبيض
(*) 1 بيضة
(*) 1 ملعقة صغيرة بهارات
(*) 2 ملعقة بقدونس مفروم
(*) ملح و فلفل
(*) 2 ملعقة طحين
(*) زيت للقلي
مقادير الصلصة:
(*) 1 2/1 كوب عصير الطماطم
(*) 1 بصلة مقطعة قطع صغيرة
(*) 1 فلفل أخضر مقطع صغير
(*) 2/1 ملعقة صغيرة سكر
(*) 2/1 كوب ماء
(*) ملح و فلفل حسب الرغبة
مقادير إضافية للصلصة (من عندي) والكميات حسب الرغبة:
(*) صلصة الصويا الحلوة
(*) تمر هندي (ينقع في ماء مغلي ويضاف الماء بس بعد ما تصفينه)
(*) صلصة الطماطم
طريقة الكفتة:
ينقع الخبز في صحن فيه ماء بارد.
نخلط اللحم المفروم مع البصل والثوم.
يصفى الخبز من الماء ويعجن مع خليط اللحم. (تأكدي انك تخلصتي من الماء تماماً عشان مايكون الخليط طري اكثر من اللازم)
أضيفي البيضة والتوابل والبقدونس والملح واخلطيهم بعدين أضيفي الطحين، واعجنيهم مع بعض لما يتجانس الخليط، وبكذا يكون خليط الكفتة جاهز
وهذا شكلها..
بعد كذا بللي ايدينك بالمويه و قطعي الخليط على شكل كرات متساوية ومتوسطة الحجم.. سخني الزيت و اقلي كرات اللحم لما تتحمر من كل الجوانب، بعدين ارفعيها وصفيها من الزيت وحطيها بطبق التقديم (بايركس او زجاج لأنها بتدخل الفرن)
الحين جهزي الصلصة.. حطي مقادير الصلصة كلها مع بعض في وعاء عميق على نار عالية واتركيها تغلي لمدة خمس دقايق
وهذا شكلها بعد ماجهزت..
الحين اسكبي الصلصة على كرات اللحم
وهذي صورة أقرب..
و آخر خطوة.. غلفيها بالقصدير ودخليها الفرن (الرف السفلي) على حرارة 350 درجة فهرنهايت
لمدة 30 إلى 45 دقيقة..
وهذا شكلها بعد ماطلعتها من الفرن وزينتها بالبقدونس وشرايح الليمون..
طبعاً تقدم مع الأرز..
أتمنى يعجبكم و بـالـعـــافـيـــة عـلـى قلوبــــكـم (f)
.