مرحبا اتمنى ان تعجبكن القصه :.
يـــقـــد مــ :
يـــقـــد مــ :
مــسـلــســل :
|[? مغامرتانـ بعــد منتصفـ الليلـ ?]|
على قناة الضياع الفضانيه
::
[ تأليف ]
ام كراعين
::
[ بطولــة ]
ام كراعين
حامت تسبدي
( ناسات واجد )
\
/
/
الحلقة الأولى
1
2
3
اكشـن
::
البدايه عند ام كراعين ..
في إحدى الليالي السوداء اللون كنت آعزم النوم يجني بس ماش معيي .. جات الساعة 2 ونص وانا ما نمت ما دري وراه اهوجس .. !!
قلت يا بنت قومي شبكي نت .. يمكن الحين البنات متجمعات في الديوانية يسولفون خلني اسولف معهن ..
مالكم في الطويلة ..
اتصلت وفتح معي الماسنجر الا لقيت البطه الحمرا متصلة وآطق عليها باب ما سنجرها ، خبركم مؤدبة
ام كراعين : السلام عليكم ورحمة الله وبركاته ..
حامت تسبدي :هلا وعليكم السلام ..
ام كراعين :شلونك ؟؟
حامت تسبدي: ام كراعين ....وش عندتس متصلة ما عندك مدرسه ؟؟
ام كراعين:الا .. بس وش اسوي ما جاني نوم حاولت بس ما في فايدة وانتي وراتس ما نمتي حتى انتي بكره وراك مدرسه ؟؟
حامت تسبدي :ابد الحال من بعضه ..
وسواليف يمين ويسار .. إلى ان فتح معي منتدى ( الضياع ) خبركم النت هالأيام بطئ يعل القلب
المهــم ...
فتح الصفحة الرئيسية وانظر المتصلين :
الأعضاء ( 0 ) والضيوف ( 0 )
الأعضاء ( 0 ) والضيوف ( 0 )
ام كرايعن: واااااااااااااااااو هووووووووووووووووووا ..
حامت تسبدي : وش بس تهوهوين ؟؟
ام كرايعن : المنتدى فاضي ما فيه احــد !!!
حامت تسبدي : طيب واذا ؟
ام كراعين: مادري كسر خاطري وش رايك ندخل مدام ما بوه احــد نتمشى شوي
حامت تسبدي : لا يختي اخاف لحالنا
ام كرايعم: وش يخوفك تخافين الكهرباء تنقطع وتحوسين ما تعرفين تطلعين من المنتدى
حامت تسبدي : رووووووووووووورو بلا طنازهـ
ام كراعين: يا بنت المنتدى كذا ازين من غير تماسيح عشان نفصخ عباياتنا ... وبعدين معتس ام كراعين الشجاعه >> ايه هين
حامت تسبدي : نفصخ عباياتنا !!! ... لا ما حنا بداخلين الا بعباياتنا ..
ام كرايعن : اوووه .. طيب بجيب جلالي .. ما بوه احد عشان العباة
|| ام كراعين وحامت تسبدي في المنتدى ||
حامت تسبدي: يالله .. جنة بلا ناس ما تنداس صدق
ام كراعين : اقلبيها حزن .. يالله ...اكتبي خاطره بعد ..الا جنة بلا ناس تنداس ،، ياختي كذا تدخلين و تقرين على رواقه دايم حوسة وزحمة وهواش تقل حنا في سوق الحراج يوم جمعة ما تدرين وش يبون من الصجة ..
حامت تتسبدي : اجل شوفي انا برو ح الاستديو لي موضوع بشوف وش صار عليه احد رد
ام كراعين : ما عندتس احد ..
حامت تسبدي : اقول ام كراعين بلا تجديع كلام .. اسمعي .. اذا خفت او صار لي شي بدق عليتس ردي على جوالتس مو تندمجين بكتكيل وتسفهين الجوال ..
ام كراعين: طيــب ..
وراحت حامت تسبدي و ام كراعين ظلت في القسم الكتكيل تناقز من موضوع وتطلع الى موضوع .. بحرية وبدون خوف او قيود ..
وبعد شوي ملت وراحت ل حامت تسبدي بالاستديو ..
ام كرايعن: عنوان .. قضيتي من موضوعتس هاه بشري كم رد 2 او 3 ..
حامت تسبدي : اهجدي تراك مدوره على شر اليوم ..
ام كراعين: امزح يا بنت .. اسمعي وش رايتس نروح قسم السيارات فاضي وما فيه احــد ..
حامت تسبدي : قسم السيارات وش تبين بوووه ؟
ام كراعين: وش ابي فيه نتفرج على السيارات ..
حامت تسبدي : ليه ؟
ام كراعين : ابــد ودي اشري سيارة !!
ليه بعد ؟؟ ابي اركب سيارة وافحط بها شوي دام المنتدى فاضي
ليه بعد ؟؟ ابي اركب سيارة وافحط بها شوي دام المنتدى فاضي
حامت تسبدي : اقول انتي ناوية تصدمين بالمنتدى تراها ماهي سيارات تصادم ذولي سيارات صدّقيات
ام كراعين:اييه ماعليك اذا صدمنا نحشنا واتحداهم يعرفون مين
حامت تسبدي : لا ياختي انا ابي عمري صراحة ..
ام كراعين : خلاص بكيفك انا بروح لحالي
حامت تسبدي: وانا بروح قسم دكة الحريم امي تقول ما تعرفين تطبخين ابد .. بلطش كم طبخه
ام كراعين : وهي صادقة
حامت تسبدي: وشوووو ووووووا ...
ام كراعين : قصدي مالها حق امك صراحة
::
بعد دقائق من التفرق
اتت حامت مسرعة الى قسم السيارات ...
حامت : هيييييي هيييييي ام كرااعين
ام كـ.راعين. :هلا وش بتس ؟؟ خرعتيني .. وش فيك ؟
حامت :خ خ خا ااا يفه
ام كـ..راعين.:خا يفة من ايش ؟؟
حامت تشبدي : جيت بدخل الدكه توني راقيه الدرج الى
ام كراعين : وجع لا توصفين كثير اخلصي ..
حامت : س س س س .. سمعت احد يصارخ
ام كراعين :وشوووووووووو ؟؟ شلون !!
حامت : وش شلون يصارخ .. يقول اللحقووووني ،، يلاااا نطلع من المنتدى ..
ام كراعين : آفااااااااا
حامت :ياختي وش اسوي خااايفه يكون ارهااابي او حرامي
ام كراعين: ارهابي !!
حامت : أيــــه ..
ام كراعين : وليه يصااارخ اذا هو حرامي او ارهابي ؟؟
حامت : اوووه ما دري انا بطلع وبكيفتس ..
ام كراعين : اقول اهجدي خلينا نروح نشوف وش القصة ؟؟
حامت : اقول .. انا ابي عمري انتي بكيفك ؟؟
ام كراعين : اسمعي انا بروح اشوف وش القصة يمكن يكون هكر
حامت : لا يا شيخة واذا هكر وش بتسوين له ؟
ام راعين : بذبحه
حامت: لا يا خطيرة شلون بالقلم ولا بالجزمه
ام كراعين : أقول بلا طنازه هنا يطلع حبك لمنتدى الضياع ولا بس كلام ونفاق
حامت : نفااااااااااااق !!!
ام كراعين : ايه ...وين بتروحين من ضميرك لما يكون هكر او حرامي يسرق اثاث المنتدى .. ومواضيعه ..
حامت : أه ..اه ..خلاص قطعتي قلبي يلا امشي
::
اتجهت ام كراعين وحامت تسبدي الى مصدر الصوت اللي في قسم الدبكه.. وهناك اقتربوا من الصوت اكثر فأكثر ..
اللحقــــــوني .. يا اعضاء .. يا مشرفين .. يا مراقبين .. اللحقوني ..
حامت : سمعتي صراخه
ام كراعين :طيب وراه يصارخ كذا
حامت : مادري خلينا نفتح الباب يمكن نشوفه من طرف الباب ..
وفتحوا باب القسم وشافواااا ..
حامت: من اللي يصارخ ؟؟
.... : انــــــــا
حامت : لا يا شيخ عرفنا مين انت ؟؟
ام كراعين : وينك طيب .. ما نشوف شي ؟؟
..... : في المطبخ ...
ام كراعين : حنا في المطبخ .. وين بالمطبخ ؟؟
جهت الثلاجات ..
ام كراعين وحامت تسبدي : الــــــــــــــثلاجات !!!!
.... : ايه الحقوني بسرعه بموووووووووت ...
وركضتا الى ركن الثلاجات .. وشافوا .. الثلاجة الكبيرة
طايحة على واحـــــــد ..
حامت : وش ذا ؟؟
ام كراعين: من انت يا خوي .. شلون طاحت عليك الثلاجة ..؟؟
.... : انا .. انا ..
حامت تهمس في اذن ام كرايعين: مسكين شكله فاقد الذاكره
ام كراعين: لا .. ما اظن لو فاقد الذاكره كان ما نادى على الاعضاء والمشرفين و المراقبين .. هذا منا و فينا شكله
حامت: ابووووووك يا الذكاء ..
ام كراعين: اقول وش انــــــا .. اخلص من انت ؟
.... : يعني ما راح تساعدوني الا لما تعرفون من انا ؟؟
ام كراعين وحامت تسبدي في لحظة شياطينيه : أيـــــــه
انا
انا
حامت : اخلص علينا
.... : انا .. اخوكم .. ضايع ..
ام كراعين و حامت في صوت واحد في صوت واحـــــــــــــــد ..
المـــــــــــــــــؤســـــــــــــــــس
::
انتهى الجزء الأول ..
ماذا سوف يحدث في الجزء الثاني ؟؟
تابعوا معنا في نفس الموضوع ..
ام كراعين