استفسارات بنات البحرين....تفضلوا.

http://forums.3roos.com/showthread.php?t=509994

حبيباتي بغيت اخذ رايكم مجلسي لون الارضية بيج وفيها بصلي اشوي والصبغ بصلي ائي لون اختار الستارة لون بيج ولة بصلي ودرجاتة ؟ يعني غامق فاتح

صباحكم ورد

اخواتي انا عضوة جديدة بالمنتدى و ان شاء الله اكون خفيفة على قلوبكم

انا عروس جديدة عرسي راح يصير شهر 5 مع ان باقي 3 شهور إلا اني احس مزحومة ومشوشة فعذروني يابنات البحرين ولايهونون الباقي لأني اكيد مالي غنى عن الكل وراح احتاج لنصايحكم كلكم

اخواتي عندي مجموعه من الأسئلة اتمنى تتسع صدوركم لها واعذروني اذا راح اطول عليكم بس والله اني احس ماكو وقت وحدي خايفه ان شقتي ماتطلع حلوة خصوصاً وانها صغيره ومو كل شي يناسبها

اخواتي انا اعشق الاثاث المودرن وحابه شقتي تكون مودرن خصوصاً وان شقتي صغيره فأحس المودرن اكثر شي راكب عليها المهم انا فصلت السرير جلد والكبت ( الخزانة ) باب جرار والكراسي على شكل حرف L هل هذي موضه ولاتعتبر ستايل قديم ؟ يعني السرير والكبت والكراسي اختيارهم اوكي ولا اغير قبل لايفصلونهم ويطلع منهم غبار :037:
فصلتهم عند مفروشات العدلية شنو رايكم بشغلهم ؟ انا شفت شغلهم وعجبني نظيف بس قاعدة احاتي اخاف مايطلع اوكي << توسوس :037:

باقيلي الحين التسريحه والكمدينو دورت في النت ومو لاقيه شي يعجبني

عندكم موديلات تسريحات وكمدينو مودرن ووين تنصحوني اسويهم عند مفروشات العدليه ولا اغير ؟ ولا تنصحوني اخذهم جاهزين ؟ واذا جاهزين اهم شي مايكونون اثاث صيني < متعقدة منهم :037:

ومطبخي هم فصلته عند محل ( اسرار عالم المطابخ ) شنو رايكم في شغلهم ؟

وبعد بنات شرايكم في اي دي ديزاين اللي بمجمع سترة بصراحه الاثاث والتحف وكل شي عندهم روعه بس اسعارهم نار مادري شرايكم انتو هل تحسون ان الديكور اللي عندهم نوعيته زينه ويسوى سعره ولا لا ؟ وهل هو مثل ايكيا اللي بالسعودية ولا ايكيا احسن ولا نفس المستوى وبشنو تنصحوني ؟

في محل ابجورات ومصابيح مودرن في جدعلي اسمه ( برايت اند لايت ) شنو رايكم باسعارهم وهل تنصحوني اشتري من عندهم ولا لا ؟

هل تعرفون محل يبيع ابجورات ومصابيح مودرن ؟

هل تعرفون محل متخصص بالاثاث المودرن بس ؟

وين يبيعون ستاير ومفارش يصلحون لأثاث مودرن ؟

شنو افضل محل يبيع سجاد مودرن

وين احصل مثل هالمخدات اللي على شكل دونات بالبحرين



ووين احصل Cubes ؟

في محل في المحرق اسمه ( ماي هوم ) شرايكم بشغلهم ؟

الحين نجي للصباغه تعرفون محل يصبغ لي صباغه مودرن جديده واشكال جديده غير اللي موجوده عالنت يعني مابي الصباغه اللي تكون طوفه وحده مصبوغه ساده والباقي غير وماابي صباغه الطوفه اللي مقلم مثل ورق الجدار لا ابي شي جديد بشنو تنصحوني ؟


في محل معين شاطر بالصباغه وشغله متقن ونظيف تعرفونه ؟ اهم شي ابيه يتقن الصباغه اللي تكون مودرن وستايل وجديده ماابي شغل بكذا مكان منتشر لا ابي شي جديد


انا مختارة الاثاث ابيض بالصاله وبغرفه النوم احسه يريح النظر وابي اختار للصاله الوان فرايحيه وتعطيها اتساع شرايكم بالأخضر التفاحي ؟

وبغرفه النوم احمر لون رومانسي :040: شرايكم حلو ولا اغيره ؟

والمطبخ احمر واسود شرايكم ؟

للحين هذا اللي عندي ويقلق راحتي واكيد لو عندي شي يقلقني ماراح القى احسن منكم التجي له
الله يوفقكم يارب ويسعدكم دنيا وآخره :065:

اختي ريم ماعرف اماكن تبيع بالقطعة بس انتي شوفي
محلات الاثاث والحين اغلبهم مسويين تخفيضات

درة البحرين اخذي بصلي غااامج عشان تعكس على لون الغرفة واطلع الصبغ حلو
او شوفي لون غير البصلي يكون مناسب ..

قنوط

الحين موضة لستايل الناعم يعني الاثاث اللي غير متكلف في الشكل
والكراسي فللللللة لان موضتهم ومودرن انا بعد توني ماخذة كراسي على حرف الــ
المطبخ لونه حلو وغير تقليدي..:)


باقي اسئلتج انشالله البنات يفيدونج..

وبخصوص اشكال الدونت ممكن تنزلين هالصورة في جوالج وتراوينها للمحلات
اكيد بيفيدونج شايفة تقريبا نفسهم في هوم سنتر لكن قماش مو جلد بس شكلهم قديم اللي في هوم سنتر



بنات انا افتكيت وحصلت لي كراسي حلوين خذتهم من الاسود ونفس اللون اللي ابيه
بس للحين محتارة في لون الستاير اخاف اخذ موف يطلع المكان كتمة
انا ابيه رومانسي لكن مو كتمة وترى الكراسي لونهم بنفسجي
وافكر اسوي 3 مخدات للكراسي لونهم ابيض داخل فيه تشكيلة لونها اسود عشان يكسر اللون شوي
شرايكم اسويهم والا ماله داعي؟؟وحدة قالت سوي ستار رمادية احس ما يناسب عطوني رايكم
وشنو اصبغ لون الطوفة بليز بنات ساعدوني بسرعة لازم هاليومين اخلص من هالشغلة ..

ويعطيك العافية

من زمان ماجيت وقلت شنو سويت وشنو بسوي اهنيه :)

الله يسلمكم خلاص انا فصلت غرفة النوم عند عبدالامير الحرز بسلماباد طبعا طبعت الصورة من النت ووديتها ليه ناعمة كلش وستايلها مودرن وناوية اصبغها بني غامق

ووو رحت المعرض خذيت لي كم شغلة لشقة

وبستشركم بشي ... خذيت فراش بنفسجي وفيه لون لحمي شوووي قريب للموف وهوه 6 قطع تحسونه زين للزواج يعني ما اخذ فراش قطعه اكثر ... وفي حال حطيته شنو يناسبه من سجادة وستارة و شراشف صغيرة للكمدينو ثنتينهم وميز التواليت؟؟ عندكم افكار؟؟

واللي صبغت شقتها ... عندكم افكار لصبغ متحيرة اختار اي نوعية لصبغ؟؟؟ ابي افكار جديدة لا تخجلوني

بالنسبة للالمنيوم ( الدرايش ) بناخذها من المنيوم البندر تعرفون عنه شي زين شغله؟؟

جنات
ممكن اشوف صورة الغرفة اذا عندش؟
وبكم سواها لكم؟


وعن الالمنيوم البندر + الصقر كلش اوكي

ريم تحصلين في مفروشات الشوملي الي بالرفاع

بنات عندي سؤال صبغنا حجرتنا بنفسجي فاتح
والاثاث لونه اسود واخذت لون الستارة بنفسجي غامق نفس لون الفراش
اخذ الكاربت بنفسجي فاتح لو غامق ؟؟
وشنو لون الفراشات اللي تناسب اللون البنفسجي

بنات شنو اجدد موضة للكنب؟؟

سلام
شخباركم
ماعندكم فكرة متى محلات السيراميك يسوون تخفيضات

وعطوني افكار حق صبغ البيت الغرف و الصاله و الماستر

// حراير //;11238008:

الكاربت اخذيه غاامق بعد .. نفس لون الستارة .. اذا قطع حق وسط يعني ..لكن اذا كاربت كاامل للغرفة اخذي فاتح عشان ما تصير الغرفة كتمة .. إلا اذا هي كلش واااسعة .. :ok:

وفراشات لا تقولين شنو لون يناسب ... لانج بتضطرين تستخدمين جميع الالواااان من باب التغير :08: .. وردي + بني + اخضر + بحري .. كل ها الوان بتجربينها مع الوقت .. بس حاليا للزواااج احلى شي تحطين بنفسجي .. :014:

مشكورة خيو تسلمين يالغالية
الله يعطيج الف عافية

وجدان 2008;11239477:
سلام
شخباركم
ماعندكم فكرة متى محلات السيراميك يسوون تخفيضات

محلات المير على شارع سترة مسوين تخفيضات

مشكورة هذيان
رحت المير ما عجبني شي

وجدان 2008;11240142:
مشكورة هذيان
رحت المير ما عجبني شي

روحي شارع النعيم او سوق واقف
بتحصلين السيراميك بدون تخفيض بسعر رخيص:ok:

كلمة الحياة;11236316:
ريم تحصلين في مفروشات الشوملي الي بالرفاع

اليوم رحت الشوملي اللي بعراد لقيت عنده غرفه روووعه

السرير بـ 154 (بو نفر وخلفيته جلد)
والكمدينو 49 دينار
والمستواليت 87 دينار والكرسي ماله 20 دينار
والماترس مال السرير بـ 49 دينار وكل هالاسعار بعد التخفيض لغرفه مفرده

امي تقولي ما يسوى بس انا حدي داخله خاطري هالغرفه :091:

يعني المجموع 359 دينار بدون كبت

// حراير //;11238014:

اخر مرة يوم اروح هوم سنتر كان عندهم كللش حلووووووووين ..

بس انا عني احب التفصيل اكثر .. يطلع فيه فخااامة .. :014:

شنو الموديلات اللي شفتيها في هم سنتر
والتفصيل وين المحلات اللي حلو تفصيلها واسعارها معقوله وزينه؟