استفسارات بنات البحرين....تفضلوا.

ماء الكافور;10934202:
هذيان

اني مفصلة عنده جلسة مغربية للمجلس بس بدون قاعدة لأن مجلسي صغير :033:

وكل من شافها عجبته وطلعت علي بالستارة 550 دينار

شلون يعني جلسه مغربية؟:040: حطي صورة مثلها بشووف :037:

جنات;10934201:
طيب اختي اذا اخترت الغرفة اسود او بني محروق شنو تنصحيني اصبغها ؟

وبالنسبة لصالة بغيت جدار واحد اصبغه مختلف او احط عليه ورق

شرايج اصبغ الصالة بيج او سكري والكوج يكون بني وعليه مخدات بيج وبني وتركواز ؟؟ الستارة اي لون اسويها؟ والسجاد ااي لون ؟؟

اذا اخترتي اثاث اسود في غرفة النوم او بني اختاري الوان فاتحه بس بحيث تكون منعشه
مثلا تقدرين تصبغينها بيج وتدخلين عليها لون ثاني مثل : بحري فاتح - بنفسجي فاتح - فيروزي - تركوازي - وردي فاتح - اخضر فاتح

اما عن الصالة الفكرة الي قلتينها حلوة
بيج وبني وتركوازي احسه شي وااو \ الستارة سويها تركوازي \ والسجاد بيج وبني :03:

جنات
دخلي موضوعي كله مودن × مودرن
بتحصلين افكار والوان شكثر

http://forums.3roos.com/showthread.php?t=478972

شكراا خيتو هذيان ,, بشوف موضوعج

وياريت اختي ماء الكافور تحطين لنا صورة الجلسة اللي سويتيها في بيت الحرير

واذا عندكم افكار حلوة اكثر لا تبخلون عليي

جنات;10934213:
مشكورين بنوتات وعساه في ميزان حسناتكم

عطوني اي افكار حلوة او دمج للألوان لاني كلش ماعندي خبرة بهالموضوع بالنسبة لصالة ولغرفتي

لاني المطبخ قررت اسويه بني غامق احسه افخم شي للمطبخ المفتوح شرايكم؟؟

الصالة اذا كان خاطرش تحطين كنب تركواز وبني حلو تصبغينه بيج كريمي او ترابي

شوفي هذا الشريط يبين لك اي الوان صبغ تركب مع التركواز



غرفة النوم اذا كنتي ناوية على الأسود فأنا اشوف اللون الفوشي او البنفسجي أو التفاحي يطلع معاه رووعة

يعني تحطين جدار واحد ورق جدران بنفسجي والباقي تصبغينهم ابيض او تفاحي والاكسسوارت بين هاللونين

في بنية اهني حاطة صورة غرفة نومها وكانت باللون الاسود والبنفسجي وطالعة حليوة تقدرين تاخذين منها افكار

المطبخ حلو هاللون اذا كنتين تبغين الفخامة

تفضلوا حبيباتي هذي صورة من مجلسي سويته على الديزاين المغربي

جنات
شوفي هذي الصالة





ماء الكارفور \ خاطري في جلسه مثل هذي
بيت الحرير يسوون؟

ماء الكافووور .. واااااااااااايد حلوة الجلسة عليج بألف عافية

وحدة من الغرف بسويها مكتب لزوجي واهيه كبيرة نوعا ما يمكن احط فيها جلسة مغربية صغيرة وحلوة ,, شكرا لج اختي

أي خيو

اني مسوتنها عندهم >>> ترى هذي صورة مجلسي شكلش ما قريتين اللي مكتوب فوق :014:

هذيان;10934319:
جنات
شوفي هذي الصالة

بلى انا ابي هاذي الالوان ووايد حلووة ,, شكرااا :)

يا حلوين بسئلكم ,, اي احسن المحلات لستائر يعني عندهم اقمشة حلوة وتصاميم ؟؟

ماء الكافور;10934349:
أي خيو

اني مسوتنها عندهم >>> ترى هذي صورة مجلسي شكلش ما قريتين اللي مكتوب فوق :014:

قريت
بس كنت اقصد هل يسوون جلسات مودرن مثل الي حطيت اني صورتهاا ؟ وبكم؟:040:

جنات;10934372:
يا حلوين بسئلكم ,, اي احسن المحلات لستائر يعني عندهم اقمشة حلوة وتصاميم ؟؟

عندج مفروشات عالي بس واجد غالي سويت ستائر غرفة النوم عندهم طلعت علي الستارة الوحدة 180 دينار :039:

بيت الحرير وموديل الستائر في مدينة عيسى مقابل السوق الشعبي جنب المركز اللبناني

ماء الكافور;10934397:
عندج مفروشات عالي بس واجد غالي سويت ستائر غرفة النوم عندهم طلعت علي الستارة الوحدة 180 دينار :039:

بيت الحرير وموديل الستائر في مدينة عيسى مقابل السوق الشعبي جنب المركز اللبناني

شكرااا خيو ساعدتيني وايد ,, انا سمعت عن مفروشات احمد شريف بعد ستائره حلوين ...

هذيان;10934386:
قريت
بس كنت اقصد هل يسوون جلسات مودرن مثل الي حطيت اني صورتهاا ؟ وبكم؟:040:

مسامحة اختي حسبتج تقصدين جلستي لأن الصورة توني اشوفها

جلسة مودرن ما ادري بس هو منزل اقمشة لكنب مودرن واني يوم سويت الجلسة راويته اياه وسواها لي ويوم اسوي شيزلونج بعد راويته وسواه لي فاعتقد انه بيسوي مودرن لأن توني مسوية عنده مخدات مودرن وترى عنده فلبيني شاطر يسوي ليش بس انتي ودي ليه الموديل واشرحي ليه بالتفصيل

صراحة يعجبني تعامله مع الزبائن وشغله نظيف ومواعيده مضبوطة

طيب بنوتات بالنسبة لغرف النوم ... تنصحوني بالجاهز او بالتفصيل ؟

سمعت عن السواد في سترة نجارته ززينة ؟؟

تعرفون ورش نجارة غير ومضمونه ؟؟

جنات;10934471:
طيب بنوتات بالنسبة لغرف النوم ... تنصحوني بالجاهز او بالتفصيل ؟

سمعت عن السواد في سترة نجارته ززينة ؟؟

تعرفون ورش نجارة غير ومضمونه ؟؟

لا تفكرين بالجاهز ابدا ضربة وحدة ويطيح ليش وما يتحمل فك وتركيب مرة ثانية

السواد زين وعندج بعد طارق الكوهجي فصلت فيه غرفتي النوم وكل اللي شافها يحسبها جاهزة

وين يصير طارق الكوهجي؟؟

جنات;10934643:
وين يصير طارق الكوهجي؟؟

طارق الكوهجي في سند يصير بعد بيت التنزيلات

جنات;10934471:
طيب بنوتات بالنسبة لغرف النوم ... تنصحوني بالجاهز او بالتفصيل ؟

سمعت عن السواد في سترة نجارته ززينة ؟؟

تعرفون ورش نجارة غير ومضمونه ؟؟

اسعار السواد مثل اسعار الكوهجي واغلى بشوي :037:


ماء الكافور بكم طلعت عليش غرفتكم من طارق الكوهجي؟
سمعت ان غرفهم بدون اي زيادة ب 950 دينار

السلام عليكم عرايس وين احصل حواجز الي يقسمون المجر الى اقسام الي مصنوعين من بلاستك عطوني اسماء المحلات وفي وين والي تعرف اسعارعم كم :040:تعطيني خبر
ومشكورين مقدما