أم مرااام;9624701:
ياا هلاا أختي كلمة الحيااة ،،
وماا يأمر عليج ظاالم ،،
مثلماا قلت اني قااعدة أجهز بيتي و محتاارة و محتااجة مسااعدة
في الديكوور و اختياار الألواان المنااسبة ؟؟!!
و مشكووورة أختي مقدماً ..
الله يوفقج ان شاء الله جوفي اختي بالنسة للالوان اول شي الممر اذا كان كلش ضيق وطويل اختاري شي فاتح عشان يوسع الممر ومايكون مظلم واذا كان الممر متصل بالصالة حاولي تكون الالوان متناسقة مع بعض مو شرط على نفس الدرجة اللون يعني فاتح وغامق لا على الاقل يندمجون مع بعض ونفس الكلام اقولة لج على غرفة النوم والصالة اذا كانو ضيقين وسعيهم بالالوان الفاتحة مو شرط الوان فاتحة يعني فلاش او لون بيج لا
و عن الصالة الحين عادة يستخدمون ورق الجدران على احد الجدران الرئيسية الملفتة ((اقصد جدار واحد فقط يكون واجهه الباب او محط انظار ))
واذا ما حبيتي ورق جدران عندج الرسم على الجدران بس لا تكثرين منة لان بعدين يصير الجو ممل خاصة اذا كان في الصالة تلفزيون
وعندج تركيبة الوان حلوه عشان تعطين الصالة جو حلو انج تستخدمين فقط الصبغ بدون ورق جدران او رسم تقدرين تستخدمين مثلا هالالوان اذا كنتي جريئة وانا مستخدمتنها في شقتي وطلعت تهبل
انا في صالتي ستخدمت اللون البنفسجي و الرصاصي والاكسسوارات باللون الاسود و الاخضر
هذي صوره تقريبية للالوان
وتقدرين تستخدمين الاخضر و الاسود
واذا ما تحبين الالوان الجريئة استخدمي البيجيات
اما غرفة النوم تقدرين تستخدمين الوان رومنسية هادية مثل الوان التركواز و البيج او الوان العنابي و البيج و الاحمر
اما غرفة البنوتة فحاولي كثر ما تقدرين تخلينها الوانها ربيعية ولا تحطين لها صور بالطوف لان يمكن تخاف اذا نامت ولا شي
انا حق بنتي اخترت اللون الاخضر و الوردي طلع رووووووعه و الوردي كان دوائر باللون الوردي الفاتح و الغامق (ورق جدران )
خاصة ان اللون الاخضر ينمي القدره العقلية للاطفال
واذا ما حبيتي هالالوان عندج البرتقالي و الاخضر او البرتقالي و الوردي او اللون البيج مع الوردي
او اللون الابيض مع الوردي او الاصفر و البرتقالي
او البنفسجي الفاتح مع الوردي وهذي صور توضيحية
وسامحيني على القصور واذا في اي شي مايردج الا الكيبورد :wink:
اقتباس
المشاركة الأصلية بواسطة BASHORAH 
