استفسارات بنات البحرين....تفضلوا.

ذوق الأميرات;9205467:
السلام عليكم
وعن غرفة نومي اخذته من سولا الصراحة روعه <<<كل اللي شافه قال عجيبة مع انه تفصيل والخشب حده زين (حماي ماخذ غرفته من عند سولا الحين فوق ال9 سنوات ما تغيرت مع انه عنده يهال شياطين)

انا محتارة في المنيوم المطبخ هل اخذ من الكوهجي (اللي في عراد جنب الدرويش) او اشوف عالم المطابخ انا ما شفته بس اشكاله حلوه (شفتهم في كتلوج) <<<< واللي عنده خبره ياليت اتفيدني لاني محتارة

وعن الجلسات شافيت مفروشات عالي حلوين بس السعر مبالغ فيه بس شغلهم امرتب (عمي اخذ جلسة من عنده) او اروح الامانه اللي في المحرق(جنب مكتبة دار الحكمة) <<< بس سمعت عنه ان هو واايد غالي او تنصحوني باماكن ثانية احسن؟؟؟<<<< خطيبي مايبغي هوم ستور او سنتر لان قبل فترة اخذ طاولة للتلفزيون مادامت حتى سنة كله تكشرالصبغ والخشب مالهم جييييييييييييب حده ولا انصح فيه مع انه ذاك الوقت ماعند احد في الغرفة

اشكركم بعنف
ذوق الأميرات

هلا خيو

المطابخ ما انصحش بعالم المطابخ لأنه سعودي الا اذا انتي تبغين سعودي فهذا شي ثاني

اني فصلت مطبخي في المنيوم الصادق في سلماباد شغلهم نظيف ومرتب وعندش طارق الكوهجي اللي بشارع الاستقلال بسند هم شغلهم حليو ونظيف وعندهم تشكيلة واسعة من الألوان وفيه مطابخ الملكة في الرفاع كأنه شغلهم بعد زين

أما الرشيد وعفيفي وعالم المطابخ ابتعدي عنهم :ss:

بالنسبة للجلسات اني رحت مفروشات عالي وقلت ابغي يسوون لي جلسة ارضية للمجلس ما رضوا قالو احنا ما نسوي ارضية واذا تبغين مثلهم روحي بيت الحرير ورحته وقلت ليهم سووا لي مثلها بس ارضية وسووا لأن اخذوا القماش من مفروشات عالي وعقب بكرة بيجيبونها

سمعت عن تنجيدات المدائن اللي بجدحفص ان شغلهم اوكي بس اني ما جربته وعندش احمد شريف يسوي جلسات وشغله نظيف واسعاره أقل من مفروشات عالي وعندش السوق الشعبي يسوون ليش اللي تبغينه بس اني ما انصحش فيهم لأن شغلهم جيب :ss: صدق عندهم موديلات وأقمشة بالهبل بس المتيريل اللي يستخدمونه مو كواليتي

بس مثل ما قلت لكم أحلى إذا كانت غرفتكم وسيعة