وينكم يابنات البحرين

طيف 22 16-07-2008 20 رد 723 مشاهدة
ط
السلام عليكم ورحمة الله وبركاته
شللللللونكم بنات شخباركم :D

الصراحه انا بعرس عن قريب وتعرفون اللي بتعرس 24 ساعه محابله المنتديات وتشوف شو الجديد وشنو الحلو وآخر شي نزل :eek:

المهم ماطول عليكم حبيت استفيد من خبراتكم وحبيت تعلموني شنو الصح وين الغلط وشنو اسوي بالضبط(y)

المهم انا عرسيي بيكون في 4 العيد ان شاءلله بفندق الخليج والسالفه ومافيها اني حجزت الشعر عند وحيده بس المكياج محتاره بين عائشه البلوشي وثاجبه الشروقي (صاحبة محل دان) انا ولا وحده منهم شفت مكياجها نهائياً لانه في خطوبتي رحت عند صفاء وايد حلوو مكياجها بس حبيت اغير في العرس واروح حق وحده من هالثنتين انا احب الناعم بس اللي بنفس الوقت يبين يعني مو ادش موكأني حاطه شي هذي سؤال
السؤال الثاني :سمت بالمنتدى عن حنه ام شهد ورحت وحجزتها وماشاءلله عليها حليوه وطيبه من كلامها مادري تنصحوني اثبت عليها ولا أغير
السؤال الثالث : انا بسوي حنه بسيط جدا في صاله داريوكو وطبعا حجزت بس الكوشه بس ماعرف شي عن السفرة لأن مابي اخسر على الحنه ابي تكون بسيطه جدا مادري تنصحوني احد يسويها تقول بسيطه جدا وبنفس الوقت حلووه وناعمه وسعرها من 10 الى 15 دينار
السؤال الرابع : حجزت وحده اسمها ام نادر للجلوه مادري زينه اولا قاللولي عنها وحجزتها والصراحه خايفه اخاف ماتطلع اوكي

السؤال الخامس : وبعد حجزت حق التصوير عند وحده اسمها ام فارس تسوي الصور مثل الكتاب والمجله مادري احد عنده فكره عنها اذا حلو اولا واذا عندكم وحده تسوي الالبوم مثلها واحلى
السؤال السادس : طبعا مابقى على عرسي الا شهرين وليحين ماشفت لي الشنيول او فستان العرس ابي فستان اجار سعره بين 300 و400 وين احصل ابي شي حلوو وناعم

طلبتكم ردوو علي لاني اول مره تجيني مناسبه مثلها واحس اني كل شي اسويه بروحي ابي احد يساعدني طلبتكم
ونسيت سؤال حق الحنه في احد يأجر ثياب الحنه الجلابيه او الساري او فستان ابي اجار وسعر رخيص مو غالي وين اروح احط مكياج ناعم حق الحنه ؟

ساعدوني ودعواتي لكم يارب بالتوفيق
إ
انصحج عايشة البلوشي وايد حلووووووو

و أم فارس يقولون تصويرها روعة رفيجتي مصورة عندها

و عن الفستان انه ناوية ابيع فستاني ب 300 او 350 دينار
م
طيف 22;6644097:
السلام عليكم ورحمة الله وبركاته
شللللللونكم بنات شخباركم :D

الصراحه انا بعرس عن قريب وتعرفون اللي بتعرس 24 ساعه محابله المنتديات وتشوف شو الجديد وشنو الحلو وآخر شي نزل :eek:

المهم ماطول عليكم حبيت استفيد من خبراتكم وحبيت تعلموني شنو الصح وين الغلط وشنو اسوي بالضبط(y)

المهم انا عرسيي بيكون في 4 العيد ان شاءلله بفندق الخليج والسالفه ومافيها اني حجزت الشعر عند وحيده بس المكياج محتاره بين عائشه البلوشي وثاجبه الشروقي (صاحبة محل دان) انا ولا وحده منهم شفت مكياجها نهائياً لانه في خطوبتي رحت عند صفاء وايد حلوو مكياجها بس حبيت اغير في العرس واروح حق وحده من هالثنتين انا احب الناعم بس اللي بنفس الوقت يبين يعني مو ادش موكأني حاطه شي هذي سؤال
السؤال الثاني :سمت بالمنتدى عن حنه ام شهد ورحت وحجزتها وماشاءلله عليها حليوه وطيبه من كلامها مادري تنصحوني اثبت عليها ولا أغير
السؤال الثالث : انا بسوي حنه بسيط جدا في صاله داريوكو وطبعا حجزت بس الكوشه بس ماعرف شي عن السفرة لأن مابي اخسر على الحنه ابي تكون بسيطه جدا مادري تنصحوني احد يسويها تقول بسيطه جدا وبنفس الوقت حلووه وناعمه وسعرها من 10 الى 15 دينار
السؤال الرابع : حجزت وحده اسمها ام نادر للجلوه مادري زينه اولا قاللولي عنها وحجزتها والصراحه خايفه اخاف ماتطلع اوكي

السؤال الخامس : وبعد حجزت حق التصوير عند وحده اسمها ام فارس تسوي الصور مثل الكتاب والمجله مادري احد عنده فكره عنها اذا حلو اولا واذا عندكم وحده تسوي الالبوم مثلها واحلى
السؤال السادس : طبعا مابقى على عرسي الا شهرين وليحين ماشفت لي الشنيول او فستان العرس ابي فستان اجار سعره بين 300 و400 وين احصل ابي شي حلوو وناعم

طلبتكم ردوو علي لاني اول مره تجيني مناسبه مثلها واحس اني كل شي اسويه بروحي ابي احد يساعدني طلبتكم
ونسيت سؤال حق الحنه في احد يأجر ثياب الحنه الجلابيه او الساري او فستان ابي اجار وسعر رخيص مو غالي وين اروح احط مكياج ناعم حق الحنه ؟

ساعدوني ودعواتي لكم يارب بالتوفيق



اختي طيف الله يتمم لج على خير
أم فارس تصويرها وأفكارها وايد حلوه بس خسارة انا ما حصلتها لزواجي وحجزت اللي صحاري
وأنا مسوية لي ساري حق الحنه وبعدها بأجره ومكياج العرس بروح عند فايزة الدهام والشعر عن وحيدة



الله يبارك لج
7
هلا اختي

بخصوص المكياج انا اقولج حجزي عند عايشة البلوشي وتوكلي على الله ماشاء الله عليها طيبه في التعامل ومكياجها روووووووووعه فوق ماتتصورين انا حطيتلي عندها في الخطوبه والكل انهبل على مكياجي والصور بينت هالشي
وانتي بعد ماتجهز صورج بتجوفين جمال مكياجها وتدرج ألوان الشادو عندها في صورج وبتدعين لي .... :)


اختي بخصوص ام نادر اللي حجزتيها حق الجلوة
اذا جربتيها في جلوتك وكانت اوكي أبغي رقمها اذا ماعليج أمر لأنه خاطري اسوي جلوة وماعرف وحده لهالسوالف
ط
مشكورين على ردودكم واتمنى الباقي يردون علي لانه في اسئله وايد محد جاوب عليها وابي احد مجرب


ومشكورين خواتي كلكم على الردود واختي ايمان ماقلتيلي شلون عن الفستان شنو مقاسه وشنو شكله واذا ممكن ترسلين لي صورة فستانج

واختي اللي قلتي عن فستان الحنه ممكن تقولين لي شلون شكله وشنو المقاس لو سمحتي
ش

عايشة البلوشي

وين تحط مكياج في صالون الرونق ؟

وكم سعرها ؟ وهل هو ثابت او لا ؟
E
هممم :) انا شفت حنة ام شهد وصراحة حسيته احلى حنة شفتها يعني احلى من زهرة المحاري وليلى الماحوزي !

وبالنسبة حق التصوير احس ام يقين اشكل بس من الي سمعته في المنتدى قالو ان معاملتها مو شي
بس ما ابا اقطع رزق احد انتي شوفيها لان وايد ناس مدحوها
وسمحت عن ام عبااس وام علاء بعد حلو تصويرهم

والباقي ما اعرفه :)
ط
هلا والله مشكورين على الردود بس يالليت لو سمحتوو ابي افكار ومساعدات اكثر طلبتكم لاتنسوني ردو علي
ت
مبروووووووووك عليج حبيبتي

بس دخلت اقول عن شغله وحده واهي ام نادر

تراها عجيبه من يومين رايحه جلوه واهي الجلايه معنه مايقربون لي من الهيصه شجعتني ورحت وياهم هههههه
S
السؤال الثالث : انا بسوي حنه بسيط جدا في صاله داريوكو وطبعا حجزت بس الكوشه بس ماعرف شي عن السفرة لأن مابي اخسر على الحنه ابي تكون بسيطه جدا مادري تنصحوني احد يسويها تقول بسيطه جدا وبنفس الوقت حلووه وناعمه وسعرها من 10 الى 15 دينار


هلا اختي .. اول شي الله يتمم عليج بالخير .. و جعل ايامج كلها حب و فرح و سعاده ..

اذا تبين سفره ناعمه ما اتوقع احد يأجر بـ 10 و 15 دينار .. السفر الحين ضاربه التوب ...

بس دامها لحنه .. اخدي لج طاوله او اكثر و حطي عليهم قماش شيفون او حتى مخمل و زينيه بالشموع و شمعدانات و قرآن و بعض الاكسسوارات .. لو تروحين رامز و الانوار و فخر البحرين و هالمحلات الصغيره راح تلاقين اشياء حلوه و ما بتخسرج وايد ..و بتصير ناعمه و حلوه ..

السؤال الرابع : حجزت وحده اسمها ام نادر للجلوه مادري زينه اولا قاللولي عنها وحجزتها والصراحه خايفه اخاف ماتطلع اوكي


اذا ام نادر اللي في بالي معاها بنتها و اختها .. حلوه ..

السؤال السادس : طبعا مابقى على عرسي الا شهرين وليحين ماشفت لي الشنيول او فستان العرس ابي فستان اجار سعره بين 300 و400 وين احصل ابي شي حلوو وناعم


رومان ديزاين حلوين .. من فتره جفت على عروس في خطوبتها .. فستان بيج و ذهبي ناعم ناعم و فخم .. وايد حلو .. مسوتنه عند ليدي مون كانه اسمه الحين قمراء .. او العكس .. الصراحه مو متأكده ..

السؤال الخامس : وبعد حجزت حق التصوير عند وحده اسمها ام فارس تسوي الصور مثل الكتاب والمجله مادري احد عنده فكره عنها اذا حلو اولا واذا عندكم وحده تسوي الالبوم مثلها واحلى


الافضل تروحين لهم كلهم قبل و تختارين اللي يعجبش اكثر لانه المصورات كلهم ما شاء الله يمدحونهم البنات .. توني يوم الجمعه اللي طاف كنا في عرس و اللي تصور ام فارس .. مسويه للعروسين عرض بالبروجكتر .. احلى عرض جفته لحد الآن وايد وايد حلو .. الصور من زواج اهل العروسين الى ليله خطوبتهم .. و حاطه اغاني حلوه مع العرض تناسب الجو ..

اذا عندج رقمها ممكن تطرشينه لي ع الخاص ..
ن
غلاتي تبين تأجير الجلسة ممكن افيدج تاجير20 دينار

اقدر افيدج في اشياء انتي متحيرة فيها عن الجلاية ام مختار من محرق

فستان عرس روحي العودية واخذي لج احلى بوايد من البحرين 200 دينار واقل تحصلين وبعدين أجريها او احتفظي فيها او انج تروحين سوق واقف مدينة حمد
مكياج جربي سلوى في حنتهم وما بتندمين فظيع مكيبها

تصوير جربي ام عباس تصويرها روعة روعة
n
مرحبا اختي انا عرسي الاسبوع الياي وحجزت عند عايشى البلوشي انصحج فيها طبعا لانه ناعم وحلو
والحناية وحدة اسمها امينة من الرفاع بس ام شهد يمدحونها وايد ودامج حجزتيها خلج عليها
وعن فستان انا ودي ااجر فستاني ....بس لي الحين مالبسته ينتظرني البسه ان شاءالله جريب وانا مسويته عند احلى الوصايف وهو فستان ابيض دانتيل وكريستال ووايد حلو طلع ما شاءالله اهو مع فستان الحنه بعد مفصلته على ذوقي اذا لج خاطر تاخذينهم اجار بتكونين اول وحدة ونا مقاسي 8 وطولي 154 يعني ينفع حق اقصر وحق اطول بشوي..
وعن التصوير زينة ام فارس كنت ابيها حق عرسي غير طبعا صحاري بيكونون موجودين بعد لانه في خطوبتي خذت سكوب بس ام فارس ماترد علي
وانا بصراحه ماحب اتعامل مع رومان ديزيان لانهم وايد ياخذون من الناس بشكل غير معقول واحيانا يحتالون بعد للعلم فلا تصدقونهم
خ
بسوي حنه بسيط جدا في صاله داريوكو


وين هذي الصالة ؟؟ اول مرة اسمع فيها

وكم سعرها وتصلح حق اعراس لو لا وتسع كم نفر ؟
ا
انا بعد اول مرة اسمع عن هالصالة
ص
طيف 22;6644097:
السلام عليكم ورحمة الله وبركاته
شللللللونكم بنات شخباركم :D

الصراحه انا بعرس عن قريب وتعرفون اللي بتعرس 24 ساعه محابله المنتديات وتشوف شو الجديد وشنو الحلو وآخر شي نزل :eek:

المهم ماطول عليكم حبيت استفيد من خبراتكم وحبيت تعلموني شنو الصح وين الغلط وشنو اسوي بالضبط(y)

المهم انا عرسيي بيكون في 4 العيد ان شاءلله بفندق الخليج والسالفه ومافيها اني حجزت الشعر عند وحيده بس المكياج محتاره بين عائشه البلوشي وثاجبه الشروقي (صاحبة محل دان) انا ولا وحده منهم شفت مكياجها نهائياً لانه في خطوبتي رحت عند صفاء وايد حلوو مكياجها بس حبيت اغير في العرس واروح حق وحده من هالثنتين انا احب الناعم بس اللي بنفس الوقت يبين يعني مو ادش موكأني حاطه شي هذي سؤال

عندج عايشه البلوشي او عايشه الريس ام ثاجبه ميكبها نام كلش ومافي زهوة عروس
السؤال الثاني :سمت بالمنتدى عن حنه ام شهد ورحت وحجزتها وماشاءلله عليها حليوه وطيبه من كلامها مادري تنصحوني اثبت عليها ولا أغير
ام شهد حناها حلو وعند بعد خلود
السؤال الثالث : انا بسوي حنه بسيط جدا في صاله داريوكو وطبعا حجزت بس الكوشه بس ماعرف شي عن السفرة لأن مابي اخسر على الحنه ابي تكون بسيطه جدا مادري تنصحوني احد يسويها تقول بسيطه جدا وبنفس الوقت حلووه وناعمه وسعرها من 10 الى 15 دينار
السؤال الرابع : حجزت وحده اسمها ام نادر للجلوه مادري زينه اولا قاللولي عنها وحجزتها والصراحه خايفه اخاف ماتطلع اوكي
ام نادر عجيبه ولازم ترقص البنات
السؤال الخامس : وبعد حجزت حق التصوير عند وحده اسمها ام فارس تسوي الصور مثل الكتاب والمجله مادري احد عنده فكره عنها اذا حلو اولا واذا عندكم وحده تسوي الالبوم مثلها واحلى
السؤال السادس : طبعا مابقى على عرسي الا شهرين وليحين ماشفت لي الشنيول او فستان العرس ابي فستان اجار سعره بين 300 و400 وين احصل ابي شي حلوو وناعم
ام فارس ماجفت شغلها
واجار تحصلين عند رومان دزاين في بوكوارة

طلبتكم ردوو علي لاني اول مره تجيني مناسبه مثلها واحس اني كل شي اسويه بروحي ابي احد يساعدني طلبتكم
ونسيت سؤال حق الحنه في احد يأجر ثياب الحنه الجلابيه او الساري او فستان ابي اجار وسعر رخيص مو غالي وين اروح احط مكياج ناعم حق الحنه ؟
ان شاءالله تلقين اجار والميكب انصحج بابتسام كمال في بسيتين
ساعدوني ودعواتي لكم يارب بالتوفيق
ص
الي تسأل عن مكان الصاله
اهيه في الحد
ط
يعطيكم العافيه كلكم اللي رديتوو علي وجزاكم الله الف خير والصاله اهي بالحد اسمها دار ياكو اهي صاله رعاية المسنين تعبتر صاله مستقله بس حلوه وتصلح حق خطوبة وحنه وايد حلو ورخيصه وايد يعني كل شي يطلع ليج 85 دينار الصاله والتامين 40 دينار ترجع لج اذا مانكسر وشي وتخرب شي

واللي عندها اي اضافه حق موضوعي ترد علي
ومن عنده رقم عايشة الريس اللي عنده يرسله لي
ص
حبيبتي دزيتلج رقم عايشه الريس
n

مرحبا حبيبتي بحاول اجاوبج على اللي اعرف فيه

بالنسبة للمكياج انا مرة شفت صورة وحدة مكيجتها ثاجبة الصراحة ما عجبني بالمرررررة يعني عايشة البلوشي افضل منها وانا عن نفسي حجزت ابتسام كمال لان البنات اللي بالمنتدى يمدحون فيها وايد وانا ترى ما بقى على عرسي الا اسبوع بس يعني انتظري بعطيج التقرير بالكامل لان انا ذوق صعبي يعني اذا وحدة عجبتني يعني ضمان وانا مثلج احب المكياج الناعم الزاهي واللي يحلي العروس بنعومة يطلعها مثل الملاك

ننتقل للسؤال الثاني
انا حجزت ام شهد بعد وشفت صور لحناها بالمنتدى ووايد عجبني ما شاء الله عليه بعد انتظر تقريري عنها

بالنسبة لجلسة الحنة في مكان اسمه الطاووس للمسارح ويأجر جلسات حنة في عالي واسعاره جدا معقولة و صاحب المحل محترم جدا روحي شوفي شنو عنده

انا بعد حجزت ام نادر للجلوة الظاهر حجوزاتج نفس حجوزاتي انا مدحته لي صديقتي بشكل موطبيعي قالت لي فضيعه وتردح بس بقولج بعد تره اهو يعتمد على المعازيم والاهل اذا اهلج يشجعون بتطلع الجلوة حلوة اذا الاهل ما يشجعون الملاية ما بيطلع شئ حلو بس انا ام نادر اللي حجزتها ساكنة في مدينة عيسى مادري اذا في ثنتين ام نادر


السؤال الخامس
انا ما اسمع يمدحون وايد في ام فارس ووحدة من البنات تقول ان كانو ا صور اختها مضلميين الصراحة ام يقين البومها حلو بس سعرها مبالغ فيه وتتفلسف وشايفة روحها على الفاضي يعني انا معملتها ما عجبتني واحسها تتضرب وتسوي لج في هالمجلة 60 مادري 70 صورة تخيلي ب 400 دينار ولا بعد بدون فيديو يعني انا اقول صحاري او سكوب او هالاستديوهات افضل الا اذا عندج ميزانية شئ ثاني


بالنسبة للفستان انا درت البحرين كلها وما عجبني شئ غير عند رومان ديزاين في بوكوارة بالرغم من انه بعد يضرب يعني اسعاره مرتفعة اشوي بس روحي شوفي اتوقع بيعجبج شئ من عنده وبعد جيكي الوسيط في بنات يعرضون فساتينهم للايجار

بالنسبة لفستان او جلابية للجلوة اذا عندج مجال تروحين السعودية في سوق الحريم انا رحت لمحل اسمه الماسة للجلابيات وشريت من عنده جلابية وايد راقية وحلوة ونفس اللي بالرفاع على 150 دينار و200 انا شريتها ب 60 دينار
وعندج محل في المحرق اسمه مهاي يأجر بس الصراحة لما رحت ما عجبني شئ بالمرة ولا بعد الاجار على 90 دينار و 50 اقل شئ
والله يوفقج ان شاء الله واذا اجتجتي اي شئ او اي سؤال انا بالخدمة وما بقصر بشئ بس رسالة على الخاص والرد يوصلج بأسرع وقت
n
nice-girl;6694634:
مرحبا اختي انا عرسي الاسبوع الياي وحجزت عند عايشى البلوشي انصحج فيها طبعا لانه ناعم وحلو
والحناية وحدة اسمها امينة من الرفاع بس ام شهد يمدحونها وايد ودامج حجزتيها خلج عليها
وعن فستان انا ودي ااجر فستاني ....بس لي الحين مالبسته ينتظرني البسه ان شاءالله جريب وانا مسويته عند احلى الوصايف وهو فستان ابيض دانتيل وكريستال ووايد حلو طلع ما شاءالله اهو مع فستان الحنه بعد مفصلته على ذوقي اذا لج خاطر تاخذينهم اجار بتكونين اول وحدة ونا مقاسي 8 وطولي 154 يعني ينفع حق اقصر وحق اطول بشوي..
وعن التصوير زينة ام فارس كنت ابيها حق عرسي غير طبعا صحاري بيكونون موجودين بعد لانه في خطوبتي خذت سكوب بس ام فارس ماترد علي
وانا بصراحه ماحب اتعامل مع رومان ديزيان لانهم وايد ياخذون من الناس بشكل غير معقول واحيانا يحتالون بعد للعلم فلا تصدقونهم


انتي متى بالضبط عرسج لان انا عرسي ببداية 8 وقالت لي عايشة البلوشي انها ما بتكون موجودة بالبحرين
X