شلونكم خواتي و كيف حالكم؟ أتمنى الجميع بخير وصحه و عافية
جيت اليوم و بعد غياب بأشكال جديدة و حلوة مثلكم يالطيبين من هدايا و توزيعات الاعراس
و أتمنى تكون عند حسن ظنكم
طبعا في أشياء ممكن تتغير حسب الرغبة و قدرتكم على الابداع ممكن بعض هالاشياء تستخدم في مناسبات ثانية غير الاعراس......... مواليد أو تخرج
وفي أشياء تعتبر غريبة بنظر بعض الناس و ممكن تعبر عن الحب او تترك انطباع حلو عن المناسبة عند البعض الاخر
مثلا كريم الشفايف هذا............ يونس :shy:
يجي بعدة نكهات و ينطبع علية معلومات عن العرس مثل التاريخ و أسماء المعاريس
أما الذرابة فهي هني بهذي الكلينكسة المصفطة لالالالالالالا و مكتوب عليها قصيدة عن دموع الفرح طبعا ما حبيت اترجمها لان القافية ما عجبتني :gum: ( متأثرة بشاعر المليون)
]هذي شوي بعيدة عن الهدايا بس لقيتها عجبتني ذكرتني بستكرز كنا نشترية من البقالة عشان نكشخ فية دفاترنا :shy:
طبعا هم حاطينه اهني عشان يثبتون الاسامي على الطاولات
وهذي بعد خووووووش شي كرستالة لدهن العود
وهذي قمة الروعه و البساطة طبعا هالشغل امريكي شغل الحجية مارثا ستيوارت
سلة فيها فراولة او توت مع كيكة و كرت ناعم
هذا اللي في جعبتى الان ........ وان شاء الله القادم أحلى لاحلى ناس
اختكم .......هناي