محتارة...بنات قطر...ساعدوني..د شحاته؟ والا د عدنان؟؟؟ ايهم احسن؟

انا صارلي سنتين متزوجه واعاني من دورة غير منتظمة من زمان وضعف تبويض واتعالج من سنتين يعني بعد الزواج مباشرة بديت احاول الحمل لاني عارفه ان دورتي مش متنظمة

وبديت مع د مها في عيادة الدوحه لمدة سنة ولا حصل حمل

سوت لي كلوميد وابر ولا صار نصيب

مره وحده بس كان فيه تبويض زين بس سبحان الله ماتم الحمل

ومن عقبها كله التبويض ضعيف وماتكبر البويضه ولاتوصل لمرحلة التفجير للاسف

والحين صارلي تقريبا 6 شهور عند شحاته وحاولت اسوي انابيب بس بعد ماتمت الاستجابه للمنشطات فماسويت العمليه ولا مره

وقالي ارتاحي لين تجيج الدورة بروحها بدون حبوب وعقب تعالي

وصارلي 5 شهور ماجاتني الدوره

وتعبت وانا اروح ويردني ويطلب تحاليل ويقول لي تحاليلج مب اوكيه وانه هرمون الغده مرتفع...واقوله طيب عطني شىء عشان يتعدل...يقول لي ماعندي له شىء انطري بروحه بيتعدل

واخر مره قالي روحي ارتاحي شهرين او 3 وعقب رجعي ونحلل نشوف هرمون الخصوبة لانه وايد ضعيف عندي ونفس الشىء قلت له طيب عطني اي شىء عشان هالهرمون ونفس الشىء يقول ماعنده شىء له وانه بروحه بيرتفع

والحين افكر اجرب عدنان يمدحونه ؟؟

مدري هل اغير والا اصبر على شحاته؟؟

انتو شرايكم؟

انا رحت لعدنان وقالي مشكلتج بسيطة وقالي ضعف تبويض بس وبسوي لج ابر وبنتابع شهر او 2 او 3 وبنشوف الاستجابه

شرايكم؟؟


واااايد محتاره


اجرب؟؟ والا انطر الدورة لين تنزل بروحها وياعالم متى بتنزل واكمل عند شحاته؟؟


؟؟؟

انا جربت اعلاج عدنان عبدالقادر يعني زين

بس ليش ماتروحين حق الدكتور عمر بوزينب وايد ممتاز انصحك فيه

انا جربت عدنان وعمر وكلهم زين شغلهم روحي عند عدنان دام انه طمنج بس اقولج الصراحه عدنان مايعالجج الا بالابر وبس يعني مايسوي تحاليل مثل عمر ابو زينب يسوي لج تحاليل ويشوف قوه البويضات اشلون من تحليل الدم يعني بأختصار انصحج بعمر ابو زينب والله يوفقج وانشالله تبشرينا وتحملين يارب ياكريم

كنت محتارة بين 2 والحين بعد تنصحوني في عمر؟

زادت حيرتي

لكن تدرون؟ بروح حق عمر وبشوفة وبعدين بقرر باذن الله

نعومي

ونعومي الناعمه

ماقلتو لي شلون تجربتكم مع عدنان بالضبط؟؟

استفدتو والا لا؟؟

بصراحة انا عالجت عند عدنان شهر ماحملت
والشهر اللي عقبه على طول حملت بدون علاج بس سقطت
حتى هو يحسب ان من علاجه حملت مستانس

الله يرزقكم يارب ويكتب لكم الخير ويرزقكم بالذريه الصالحه عمر ابوزينب يمدحونه بس ماجربته انا عند دكتور فواز اتابع لاني مجهضه من قبل وزوجي كان يبيني اروح عند مها بس سبحان الله ارتحت حق فواز واتابع معاه حملي

الاماكن كلها تقصدين الدكتور فواز أمين؟

شرايج فيه؟ ومن اللي يسوي سونار عنده لانه سمعت انه وايد ممتاز

الله ايسر لكم يارب...ويرزقكم عاجل غير اجل...ويرزق كل محروم يارب...اكثروووو من الاستغفار..استغفر الله و اتوب اليه

انا بعد انصحج بدكتور عمر ..
و هو يطلب تحاليل للاثنين ..
و انا وياه صار لي 5 شهور بدا معاي العلاج بمانع حمل لمدة 3 شهور و خذت مرتين ابرة التفجير ..
و ترى اسلوبه وايد مريح و تعامله وااايد زين ..

فأنصحج فيه و الله يكتب لج الخير و يرزقج الذرية الصالحة عاجلا غير آجل ..

نعومي هلا حبوبه ايه فواز في مجمع الحياة الطبي وهو اللي يسوي سونار بس وااااااااايد زين ماشاء الله

فديتج علاج شحاته نفس علاج بوزينب وهو حول بنات وايد ع شحاته بعد علاج 3 سنوات والا سنتين ... وهو بنفس قال لي انا وشحاته نفس طريقه العلاج ... لان كنت متردده اسوي انابيب عنده والا بحمد قالي بنفسه تبين عادي بحولج ع شحاته وبكلمه لج الحين وهو طريقه علاجه نفس علاجي... وربي يكتب الي فيه الخير لنا

كلام Qtr.82 صحيح, انا كنت عند عمر ابو زينب و عملت عنده تلقيح صناعي مرتين و فشلت بعدين قال ما الك الا الانابيب و خيرني اني اعملها عنده او بمستشفى حمد لكن انا كنت خايفة من مواعيد مستشفى حمد لانها صباحية و انا موظفة و لما قررت اعملها عنده و رحت حتى ابدأ بالابر قال هالشهر ما في مجال لانه الفريق الالماني اللي يتعاون معه بعيادة الدوحة سافروا و برجعوا بعد شهر و نصف طبعا انا زعلت لاني كنت مفتكرة اني ابدا معه على طول المهم قال خلاص بكلملك الدكتور شحاتة و فعلا كلمه و رحت عنده ثاني يوم و الحمدلله تسهلت الامور و عملتها هالشهر و الان انتظر النتيجة . الشهادة لله انه الدكتور شحاتة ممتاز بس مشكلته انه ما يتكلم مع المريضة و يشرحلها حالتها, يعني اذا سألتيه يجاوبك و اذا ما سألتي ممكن تفوتي و تطلعي بدون ما يحكي معك ولا كلمة .

new memmber ممكن تقولين لنا وشو الي كان عندك حتى خلاك تسوي تلقيح وأنابيب

زوجي عنده بطىء في حركة الحيوانات المنوية لكن الحمدلله سحبوا مني سبع بويضات و ستة منها تلقحت يعني البطء ما اثر على قدرة الحيوانات على التلقيح لكن الدكتور رجعلي بويضتين فقط و ان شاءالله يثبتوا.

الله يثبت حملكم ويرزق كل محروووووم....

بصراحه انا وايد تعذبت من اسلوب د شحاته...تحسينه ماله نفس يتكلم وبالغصب يتكلم..واذا كثرتي اسئله يتنرفز ويعاملج كانج ماتفهمين وفعلا احنا مش دكاتره ونحتاج نستفسر ونحتاج لطولة بال الدكتور

عشان كذا انا مابي اكمل معاه احس اني مب فاهمه حالتي


على فكره رحت من يومين حق د عمر وبصراحه وااااااااااااااااااااايد ارتحت للاسلوبه وحسيته فاهم شغله ويكفي انه يسمعج ويفهمج حالتج باسلوب محترم بدون مايحسسج بانج ماخرته او معطلته

وقررت اتابع معاه

ويكفي انه باي وقت اقدر اروحله مب مثل مواعيد حمد

يكفي انه قعد وياي اكثر من نص ساعه يشرحلي ويتكلم عن حالتي

وعند شحاته مايتكلم وان تكلم مايزيد عن دقيقتين ويالله طلعي صراحه كلش كلش يبط الجبد

صج استشاري وفاهم والكل يمدح شغله

بس نفسيا انا مارتحت له ولا احسه يعاملني كمريضه من حقي اخذ واعطي ومن حقي افهم حالتي بالتفصيل الممل

هو صج علاجه ببلاش...وعلاج د عمر يخسر بس على الاقل اروح لشخص يقدر يسمعني ويعطيني من وقت وعلمه ويفهمني حالتي

في اول ويارة دفعت 900 ريال على الكشف والسونار وتحليل الدم

واليوم\كانت الزيارة الثانية ودفعت له 500 لدراسة الحالة وطبعا جبت له نسخه من كل تحاليلي السابقة عشان يدرسها

بس وايد ارتحت وناوية استمر معاه باءن الله

والهل يكتب لي الخير ويرزقني بالحمل يااااارب

ادعولي

BintNas;6658195:
بصراحه انا وايد تعذبت من اسلوب د شحاته...تحسينه ماله نفس يتكلم وبالغصب يتكلم..واذا كثرتي اسئله يتنرفز ويعاملج كانج ماتفهمين وفعلا احنا مش دكاتره ونحتاج نستفسر ونحتاج لطولة بال الدكتور

عشان كذا انا مابي اكمل معاه احس اني مب فاهمه حالتي


على فكره رحت من يومين حق د عمر وبصراحه وااااااااااااااااااااايد ارتحت للاسلوبه وحسيته فاهم شغله ويكفي انه يسمعج ويفهمج حالتج باسلوب محترم بدون مايحسسج بانج ماخرته او معطلته

وقررت اتابع معاه

ويكفي انه باي وقت اقدر اروحله مب مثل مواعيد حمد

يكفي انه قعد وياي اكثر من نص ساعه يشرحلي ويتكلم عن حالتي

وعند شحاته مايتكلم وان تكلم مايزيد عن دقيقتين ويالله طلعي صراحه كلش كلش يبط الجبد

صج استشاري وفاهم والكل يمدح شغله

بس نفسيا انا مارتحت له ولا احسه يعاملني كمريضه من حقي اخذ واعطي ومن حقي افهم حالتي بالتفصيل الممل

هو صج علاجه ببلاش...وعلاج د عمر يخسر بس على الاقل اروح لشخص يقدر يسمعني ويعطيني من وقت وعلمه ويفهمني حالتي

في اول ويارة دفعت 900 ريال على الكشف والسونار وتحليل الدم

واليوم\كانت الزيارة الثانية ودفعت له 500 لدراسة الحالة وطبعا جبت له نسخه من كل تحاليلي السابقة عشان يدرسها

بس وايد ارتحت وناوية استمر معاه باءن الله

والهل يكتب لي الخير ويرزقني بالحمل يااااارب

ادعولي

الله يكتب لج الخير على يده .. و لا تفكرين في المادة الفلوس تروح و تجي اهم شي تلقين

نتيجة من العلاجات و الله يبشر قلبج قريب ..

طمنينا عنج :)

عزيزتي

انا مثلج .. وفعلا شحاته مايعطي ويه بس وايد يمدحونه وانه احس واحد للانابيب

على فكره انا رحت لعمر بعد وقالي انهم اصدقاء اقصد هو وشحاته وانه بينهم تعاون وحالات محوله لبعض

انا معاج مواعيد حمد زفت ونطره ولطعه عشان دقيقتين مع الدكتور وهذي المشكله

الطبيب الخاص بيعطيج ويه على قد فلوسج :) خخخخ

لا صج عادة الطبيب الخاص مجبور يعطيج وقت لانج دافعه حق هالشىء مب ببلاش

الله يكتب لج ويكتب لي معاج اللي فيه الخير

بس فعلا اسلوب د عمر وايد زين وتحسونه مايستعجل العلاج يبي التحاليل ومايبدا اللعلاج قبل لا يشوف ملفج وعلاجج السابق

هالشىء فعلا يفرق بين دكتور والثاني