جامعات البحرين

مرحبا اختي شلونج؟؟؟

الجامعة الخليجية في البحرين معترف بها في قطر واضافة الى ذلك دراستهم لمدة ثلاثة ايام في الشهر فقط

جامعة البحرين نظامها اما ثلاثة ايام في الأسبوع او كل الأيام وطبعا حسب اختيار جدول المقررات،،،

اما الباقي الجامعة التطبيقة وجامعة دلمون حلوة بس مش قوية وااااايد

من اقوى الجامعات في البحرين والمتعرف بها،،، جامعة البحرين، جامعة نييورك،، جامعة AMA، الجامعة الأهلية، الجامعة مملكة، الجامعة الكندية الإيرلندية، وكلهم نظامهم مرن وحسب مايختار الجدول زوجك يعني يرتب اموره بنفسه ويشوف الي يعجبه وان شاء الله بالتوفيق يارب... واي سؤال حاضرة

الله يوفقه ياارب

بس ليش مو حاب فكرة الأنتساب

انا احسها أحل وأفضل وخاصه اذا الدراسه بمصر حيل يمدحونها سهااااالات

حبيبتي انا بقول لج اللي اعرفه

انا حاليا ادرس بجامعه البحرين وهي تعتبر اقوى جامعه هني
وفي عندنا نظام مسائي وفيها نسبة كبيره من الدارسين من السعوديه والكويت بس تكون الدراسه يا اما يومين او 4 ايام بالاسبوع

بس الحين بيكنسلون المسائي وماياخذون الا البحرينيين او اللي امهاتهم بحرينيه او دارسين في مدارس البحرين



الجامعه الخليجيه

عندهم نظام تحضرين مره وحده في الشهر واعتقد الحين صار 3 مرات او شي جذي
بس دراستها محد يمدحها وهي غالبا تكون تجاريه يعني مافي رسوب، واغلب الدارسين فيها من الكويت
وهي كانت مدرسة وروضة وبعدين فتحوا عندهم جامعه، واعرف وحده اخوها كان يدرس في المدرسه وحصل في ماده B وقالوا لهم اذا تبون يحصل A دفعوا اكثر او شي جذي



جامعة دلمون

عندي زوج اختي يدرس هناك مسائي
وبنات خالاتي بعد بس صباحي

وهم عندهم دراسه مرنه، واغلب اللي يدرسون هناك هم الكويتيين واعتقد تكون الدراسه حقتهم يوم السبت من كل اسبوع او شي جذي
الجامعه زوينه، شهادتها مب قوية وايد ورسومها بعد زينة ورخيصه مقارنة بباقي الجامعات
ودراستهم بالعربي والحين ابتدوا يدخلون عليهم انجليزي، وابتدوا يشددون اكثر لان وزارة التربية كلمتهم ان الناس اللي يتخرجون منها دايما معدلاتهم مرتفعه فمايصير جذي خخخخخخ



جامعة العلوم التطبيقية

ماعرف احد يدرس فيها بس شكلها دراستها قوية وانا ناوية ادرس عندهم



AMA

شهادتها مب ذاك الزود



المملكة

غير معترف بها في البحرين، للحين يعني


نيويورك NYIT

شهادتها قوية بس ناس يقولون انها غير اكاديمية لانها معهد مش جامعه
وهاذي يمكن تكون اغلى جامعه عندنا
يعني ممكن تكلف 70000 ريال في السنة، وهذا حق الدراسات العاديه مش العليا طبعا

بس جوفي انتي قولي لنا شنو التخصص اللي يبيه زوجج، واذا يبي يكمل ماجستير مثلا ولا بس يبي بكالريوس؟؟
ويبي دراسه سهله وبالعربي ولا يبي شي قوي وبالانجليزي؟؟؟
وان شاء الله انا راح اسأل لج ومايصير خاطرج الا طيب

هلا اختي طير البحرين

قسم البعثات في الشغل قالوا له بنرسلك على حساب الشغل جامعة الخليج فالبحرين .. ماادري هل هي نفسها جامعة الخليج العربي او لا .. لان الي اعرفه ان جامعة الخليج العربي وايد صعبة وماظن عندهم نظام الدراسة بالويكند وانه يسافر البحرين كل اسبوعين يحضر محاضرات مكثفة

انا اتوقع دلمون يمكن تكون افضل لاني احسها اسهل له ويمكن شهادتها يكون معترف فيها عندنا .. هو عنده دبلوم تجارة بس نسبته مش قويه وهذا السبب الي مخلينا ندور جامعات مرنة شوي

مع ان مش مشكلة عنده لو يدرس بالانجليزي لان مستواه اوكي بالانجلش.

وده يتخصص تخصص علاقات عامه او اي تخصص له علاقة بمهارات التواصل مع الاخرين

مادري عندكم تخصص جذي؟؟! :o

مشكورة عزيزتي على مرورج ومساعدتج

هلا اختي النهاية الخالدة

والله مش عارفه ليش هو مش حاب الفكرة .. مش مقتنع بالفكرة لانه حسب ماقالوله لازم يروح هناك وياخذ موافقة من الجامعه الي راح ينتسب لها

مع اني اشوف الانتساب ممكن كحل اخير اذا مالقينا له تخصص علاقات عامه معترف فيه فالبحرين

هو وده يدرس ببلد قريب مثل البحرين عشان مايباعد عننا كثير :D

شاكرة لج مرورج عزيزتي .. ومبروك التقدير تستاهلين

تحياااتي

اختي انا الشوق

شاكرة لج مشاركتج

زوجي عنده دبلوم تجارة (شهادة ثانوية تجارة) وهي تقريبا تعادل سنة ثانية جامعه .. فلذلك الشغل قالوا له بنرسلك تدرس ماجستير فجامعة الخليج فالبحرين ( وانا بصراحه ولاشي من هالكلام داش مخي ومقتنعه فيه لوول :eek:)

لو في جامعه عندكم فالبحرين جذي بقتنع بكلامهم..لان انا وزوجي متحمسين لدخوله الجامعه

سويت بحث عن تخصص علاقات عامه في جامعة دلمون والعلوم التطبيقية بس للأسف مالقيت

عندج فكرة اي جامعه فالبحرين عندها هالتخصص ؟

وجزاج الله خير

اختي جامعه دلمون موذاك الزود بس جامعه العلوم التطبيقيه زينه ودراستها قويه مو لأني انا في الجامعه بس على اللي اسمعه من جامعات ثانيه في البحرين واكثر الجامعات اللحين صارو تجاريين

هلا اختي ميمي

اشكرج عزيزتي على تعقيبج..بعد السؤال هني وهناك..زوجي استقر على الجامعه الخليجية وانشالله تكون مناسبه له

الشغل كلموه عنها من البدايه وانا ظنيته يقصد جامعة دلمون.. هي جامعه جديدة مثل ماقالوا الاخوات

ورغم ان الكثير قالوا عنها تجارية..بس انشالله تكون خير زوجي متحمس يسجل فيها لان اصدقائه راح يسجلون فيها بعد

تحيااااتي وشاكرة لج مرورج