اهلي ناس سلبيين جدا

مرحبا
كيف العرايس
ماني عارفه من وين ابدأ كل اللي اعرفه ان اهلي ناس سلبيين لابعد درجه والكل يعرف ذلك اقصد الاقارب والمعارف وانتهازيين
والله اني تمنيت ان لي عائله غير هذه العائله تخيلو قبل كم يوم صارت بيني وبين زوجي مشكله وانا الغلطانه دائما وابدا فقالي روحي بيت اهلك نامي عندهم اليوم واذا مارضيتي تطلعين ترا انتي طالق طبعا اتصلت بواحد من اخواني الافاضل وانا ابكي وتخيلو قال نامي عندي اليوم وبكره ارجعي عن الحلفان وجاء ياخذني وكنت مجهزه شنطه كبيرة لي ولاولادي يوم شافها قال وين مسافره تراها ليله وبترجعين لزوجك مثل اللي يطردني بطريقه غير مباشره المهم رحت عندهم الازوجته ماده البوز متر يعني كارهه جيتي على بالها بجلس سنه المهم نمت ليله ومن بكره قلت لاخوي لازم تكلم زوجي علشان نصلح الموضوع انا غلطانه وبرجع لبيتي مالي غنى عنه قال كلمي اخوك الثاني انا مالي دخل كلمت الثاني قال قولي لاحد غيري كلمت الوالد وهذه الطامه الكبرى قال انا مالي دخل فيكم وانتي مادورتيني الا بالشده وبقفل جوالي علشان زوجك اذا اتصل ماارد وبصراحه ضاقت فيني الوسعه اتصل على زوجي مايرد علي بغيت انجن قمت ارسل له مسجات وشفت مافيه فايده اتصلت على خالي وقلت له الموضوع كله وقال خير ان شاء الله انا ابوك واخوك وبأي وقت تحتاجيني انا حاضر والله كلامه رد الروح فيني واصلح بيننا ورحت لبيتي مع اخوي الصغير واليوم سمعت ان اخوي اللي جلست عندهم زعلان يقول لأمي ليه ماقالت انها بتروح بيتها تطلع وبس يعني مهتم الحين قلت لأمي الله يخلي زوجي لي هو كل شيء بحياتي بلا اخوان بلاهم يزعلون وعمرهم مايرضون واللي مافيه خير فراقه خير ولعلمكم اهلي كذا معاملتهم مع باقي اخواتي اسره متفككه وانانيين وماتهمهم غير مصلحتهم وبس وابوي الله يسامحه هو اللي رباهم على هذا الشيء حتى بيت مثل الناس ماعندهم ولاسيارات ولاشي وشايفين انفسهم احسن الناس والله مقهوره منهم حتى الصلاة مايعرفونها وربي مضيق عيشتهم ديون وهموم مافيهم الا واحد ملتزم والباقين بما فيهم ابوي صلاتهم على كيفهم تعبت اسلوب ابوي وامي أثر علي انا واخواتي مع ازواجنا دايما نتكلم بصوت عالي ودايما معصبين وانا والله ماعرفت طعم الدنيا الا مع الغالي ابو عيالي علمني مباديء وقيم ماعرفتها في بيت اهلي رباني من اول وجديد لكن يبقى تأثيرهم موجود
انا نفسي اتكلم مع زوجي بصوت منخفض مااقدر وهذا اللي يسبب مشاكل بيننا
وهناك اشيا واشياء لكن لو بقعد اتكلم مااخلص
يالله وش رايكم بهالعايله
وارشدوني كيف اتكلم مع زوجي برقه وكيف اتصرف اذا حسيت اني بعصب ارجوكم اعطوني نصايح انا بحاجه