ممكن مساعدتكم ونصايحكم لان البنت ممكن تطلق لاسمح الله

السلام عليكم ورحمة الله وبركاته

كيف الحال جميع عساكم بخير وصحة؟

بصراحة في مشكلة لاقرب شخص لي بينها وبين خطيبها في مرة انا طرحت موضوع بخصوص بنت وخطيبها يحبون بعض وكتبوا كتابهم بس البنت ما تسولف معه ودايما ماتعرف شو تقول وانا اقصد نفس هالبنت الحين

خطيبها هو ولد خالتها ويحبها من 7 سنين من هم صغار وهي تحبه بس من 3 سنين وبشهر واحد اللي فات كتبوا كتابهم وطبعا عمرهم اثنينهم 20 سنة وهي تحب خطيبها مووووووووت وتحب الارض اللي يمشي عليها وهي تقوله هالكلام دايما وهو متاكد من صدقها وهالبنت كل اهلها وبنات خالتها يحبونها لانها طيبة واايد وصريحة وقلبها صافي ما يشيل على حد

بس مشكلة هالبنت ما تعرف تعامل خطيبها وماتعرف تعبر عن اللي بقلبها وتحسس خطيبها بالحب
واحيان الظروف تعاكسها بس خطيبها يحاسبها على الزلة وحتى لوصار بينهم كلام بوقت معصبين فيه وبعدين تراضوا هو ما ينسى شو قالت ويبقى يذكرها مع ان هوما خله كلمة تضايق الا وقالها لخطيبته وهو تسامحه حتى من دون اعتذاره وتبررله كل اخطاءه وهو يقول انتي تزعليني عشان جذي انا اطلع هالكلام بس البنت تحس بالظلم لان هي بعد تعصب وتتضايق بس عمرها ما قالت له كلمة تضايقه دايما تتحمل ويوم صدق تزعل منه تلاقيه هو زعلان وااااااايد قبلها وتنجبر تراضيه وتنسى زعلها وكل يشوفها هي غلطانة ما يكلف نفسه حتى يفكر باخطاءه وهو اسلوبه ومعاملته تضايق البنت وقالت له مليون مرة ماشي فايدة منه, البنت تقول يمكن انا غلط بكل شي بس هذي المشاكل احسها عادية وبعد ما يصيرون ببيت واحد كل شي بينحل بس خطيبها مو مقتنع ماتعرف كيف تفهمه تحاول بكل طريقة وماشي فايدة وكله يقول لها اسلوبج ممل وكلامج ممل وانتي مملة وصارت تحس انه بدى يحقد عليها ويكرهها وصارت تخاف يطلع خطيبها مو مثل ما تمنت


وخطيبها يقول تحملتج وايد وماقدر اكثر بس هو ما يفكر انها تحملته وااايد وبقت ساكتة عن اخطاءه بس ماقول غير الله يهديه


بس البنت تخاف يطلقها وهي تحبه موووت وتتمنى تكون اقرب وحدة له بهالدنيا وتتمنى اذا تضايق يشكي لها واذا فرح يخبرها واذا بخاطره شي يقول يعني باختصار تبى تكون هي اقرب شخصبالدنيا له ويحبها موووت بس هو يقول لازم انتي توفرين هالجو وتخليني احس انج اقرب وحدة لي وهي قالت له راح اتغير واصير اوكي بكل ي وهو وده يشوف هالتغير بس هي ماتعرف شلون تخليه يفتح قلبهوتحس ان خطيبها مو مثل باقي الرياييل يعني ماتعرف كيف الواحد يتفاهم معه بس هو طيب وحنون ويصلي ويعرف ربه الله يحفظه لان اذا عصب ينسى كل شيحتى حبه لها وتحس انه ممكنيحقد عليها ويكرهها بس الله يعينها


ادري طولت عليكم بس حبيت اذكر هالاشيا عسب تفهمون الموضوع

فبليز بنات ما تبخلون بالنصايح عشان تصير البنت اقرب وحدة لخطيبها ويفتح قلبه لها وتتغير صدق لان خطيبها يقول اذا ما تغيرتي انتي بس بتندمين واذا لقيت كل شي اتمناه فيج موممكن افكر اتركج ابد
ولكم الاجر ان شاء الله


ارجوكم انتظركم بفارغ الصبر وهي بتشوف خطيبهايوم الثلاثاء ولازم يحس بالتغيير