حفلة تخرج من الجامعة

:sad:

معقولة ولا رد

اول موضوع انزله وجذي يصير!

في البداية ألف مبروك التخرج

بالنسبة للحفلة هي شي مهم بس نصيحتي لك لا تتكلفين كثير

وبما انك متزوجه واهلك واهل زوجك كثير خلي حفلتك مع اهلك واهل زوجك منفصلة عن حفلتك مع صحباتك
..صديقاتك ممكن تحتفلين معاهم باشكال مختلفه دون تكلف وحفل وووووو الخ

خلي عزيمتك مع الاهل خارج المنزل حتى ماتتعبين بعدين من الحوسة اللي راح تبقى بعد الحفلة

بامكانك مثلا تعملينها في شاليهات ومكان مفتوح يكون فيه البوفيه والاكل حول مسبح وارض خضراء تعطي اجواء حلوة دون تكلف وبامكانك تلطفين الجو بالمكيفات الصحراوية ومرشات الرذاذ وطبعا تكون بالليل واكيد مانستغني عن الشموع والبالونات ..

في الداخل مثلا حاولي تختارين مكان يكون مفتوح على بعض حتى يعطي اكثر اتساع .. اكتفي بالاضاءات الخافته والديجي واذا حابة يكون فيها موسيقى كلاسيك او طرب ورقص ووناسه .. او تستغني عنها اذا مو حابة
وتجملي المكان ببعض الزهور الطبيعية بدون تكلف .. خلي كل شي هادي وناعم ..

بالنسبة لصديقاتك نصيحة اكتفي بالاحتفال مع المقربات فقط وحلو لو كانوا خريجات مثلك وتسو حفلة مشتركة لان اهم شي انتو اللي تنبسطون مو الناس لذلك اكتفي بالمقربات فقط

لو كان العدد قليل وناس تحبينهم ويحبونك اعمليها في البيت لان ديكوراتك كامله ومجرد لمسات خفيفة على البيت تعطي اجواء احلى .. وارجع اقول بدون تكلف يعني شموع على ورود اضاءات خافته وديجي وخلاص

واذا البيت يسمح يكون مفتوح او صالتين على بعض بامكانك وضع بوفيه سناكس<< خفايف ويكون مفتوح طوال الحفلة يعني مايحدد بوقت ..

امممم هذا اللي عندي الحين واذا لقيت افكار ارجع وافيدك فيهم باذن الله

مشكورة غلاي ما قصرتي

والله فكرةا لشاليهات ما جات على بالي و الله فكرة حلوة

منتظرة افكار العضوات الباقيين

:sm229::poster_spam:

70 مشاهدة ولا احد يرد!!

جذي ما تشجعون الوحدة تشارك وتحط مواضيع

أولاً ألف مبروك التخرج..

أنا ما عندي فكرة من قبل ما شفت حفلة تخرج.. بس بعطيج رايي في بعض الأمور..

كوني بسيطة جداً لأنهامو حفلة عرس.. اعملي سشوار وكوني ناعمة بالميك اب..
شادو لون واحد مع حكل وقلوز ..

لبسي فستان بسيط ولونه هادئ..

هذا بالنسبة لج..
أما التجهيزات..

اعملي كيكة على شكل قبعة تخرج.. في محلات حلوة بالبحرين.. بقترح انج تروحين لأم حسام هوم ميد كيك.. تعمل كيك ولا ألذ وحلو شكله..

اعملي توزيعات من ورق أسود على شكل قبعات التخرج ولصقي معاهم شوكولاتة وزينيهم بالشرايط..

والبوفيه أقترح تروحين لأبو علي للتموين.. عندهم وايد أشكال..
ويقدرون يوفرون لج موظفات للخدمة بالبوفيه..

ووبس هذا اللي طلع عندي

معليش اختي لا تزعلي مو الكل عنده افكار ويقدر يساعد ربي يوفقك ويكتبلك الخير
والف مبرووك التخرج ونحنا بانتظار مواضيعك دائما

مشكورة اختي بنت الاصايل و اكيد الحفلة راح تكون بسيطة مجرد مشاركة الفرجة مع المقربين

بس حبيت آخذ افكار الكيك او الديكورات او من هالنوع

مشكورة على افكارج وسمعت عن ام حسام و كيكها ما شالله نار على علم بس ما مرة رحت لها

مشكورة الدمشقية على نقل الموضوع