ارجوكم قولوا شنو الحل

السلام عليكم ورحمة الله وبركاته
هلا عزيزتي

اميرة الحزن بالاحرى اميرة الفرح ان شاءالله
عزيزتي خلي ايمانج بالله قوي وتوكلي على رب العالمين في حياتج
ولا تخلين الجو ياثر عليج
كل فرد ياخذ نصيبه سبحان الله
لا تخلين هالشي ياثر فيج تحملي تراج بتخربين على عمرج

خليني اقولج عن وحده عندها جنسيه عسب ما تقولين شي
ملجت على واحد ملتزم ما تمت وياه لين العرس تطلقت
يا كثر الشباب الي يوها ومراكز محتلفه
وسبحان الله مايصير نصيب يعني شو اقولج مب انها خسفه بالعكس جمالها فوق المعقول
بس النصيب هو الي بيكون نهايتها يعني صحيح الي رمس والي قال انها ما ادري شو
المهم عاد البنت صبرت وتوكلت على رب العالمين وصبرت واحتسبت عند رب العالمين

والحين الحمد لله ياها واحد ما ينعاب ولله الحمد


بس هذا عقب الصبر والدعاء سنوات مب شهر ولا شهرين
يباله صبر يا اختي اسمعيها مني
وبعدين هذا يمكن يكون اختبار لج من رب العالمين ما تعرفين

ربي يرزقج بزوج صالح يقدرج ويعوضج عن الايام الي عشتيها بحزن يا اميرة الفرح ويسعدج ويهنيج ويرزقج الزوج الصالح ان شاءالله

اختج في الله
حوااااء
((لا تنسين الصبر اهم شي))
في سجده قولي(اللهم ارزقني زوجا تحبه ويحبك يا ارحم الراحمين)

اختي اميره ليش مستعيله على الشقا تو الناس بعدج صغيره
شتقول الي عمرها صار بالخمسين ولليلحين ماتزوجت(ترا مو انا):)
عيشي حياتج ليمن ايج النصيب انشاالله
المهم انج تدعين بان الله يرزقج بالزوج الصالح
انا اعرف وحده حنت على الزواج وتقول اشمعنا فلانه تزوجت وانا لا اشمعنا واشمعنا
واخرتها تزوجت والحمدالله بعد حنه طبعا بس قامت تندب حظها
والحين تقول يارت ماتزوجت
بس انتي عليج بالدعاء وانسي فكرت الزواج من بالج لين اي نصيبج

:up: :up: :up: :up:

هلا حبيبتي لا تياسييين من رحمة الله تري وايد في بنات بجنسيه قاعدين بيت اهاليهم وماتزوجو واعمارهم اكبر منج اب واايد المساله مسالة نصيب ومش الجنسيه والحاله الاجتماعيه...بعدين لاتخلين سالفة الزواج كل همج تراج بتتعبين وبضرين نفسج عيشي حياتج طبيعيه وافرحي لصديقاتج واذا بعدج ماتوضفتي حاولي تتوضفين ماشغلي نفسج باشيا مفيده .. حبيبتي مالج غير الصبر والصبر والدعاء
البنت بيت اهلها كله اتفكر متى بعرس متى بعرس.....بعد العرس متى بحمل !!! بعد الحمل وتربي شوووو!!! ماشي شوفي هذا تفكير الاغلبيه:D
اتصير الحياه روتييينيه ويقولن حياة العزوبيه احلى..شفتي محد راضي على حاله:D

اصبري ومن صبر ظفر

وموبس انتي اختي اللي تعاني من هالشيء في بنات كثير ........

شوفي هالقصيده بالصدفه وانا اتصفح احد المنتديات قريتها وعجبتني;)


إيــه افتخــر لقــالوا النــاس عانس ** وافرح إذا ما جـزت للخـاطب ظــلال

اضحك وانا اسمع سيرتي في المجالس**واعرف عيون الناس ماترحم الحال

حــالي مثـل من هو على البـاب حارس ** يحــفظ كنـوز ما تقـدر بالأموال

صعبــة يجي إنســان ما هو بفــارس ** ياخد بنيــة ينضـرب فيــها الأمثال

ولا يجــي طــايش وجــاهل مدارس ** أكبــر طموحــه خــط بيجــر وجوال

صــدره من أمـراض الدخاخــين تارس ** زود على التنبــاك منحــط الآمال

ولا يــدور براســه اليـــوم هــاجس ** يبـــدأ يغنــي كــل هاجــس وموال

النفــس في خشـمه ودايــم يعامـس ** يقول أنا لي شارب وألبس عقال

خبـرني كيف أحيــا مع إنسان لاقس ** وشلون أجـاري لعبة إنسان دجال

هــذا كلام بصــوت كل العوانــس ** خــذها شــموخ وعــز مــع روقة البال

إيـــــه!! افتخــر لقالــوا النــاس عانس ** ما دام ما هــو مـن تقـــدم برجال

بسمه تعالى

عزيزتي أميرة الحزن سأقول لك شيئا انتي لا تزالين في بداية شبابك ووصولك الى سن 22 سنة لا يعني انك كبرت في السن وانه كان عليك ان تتزوجي, لالالالا...

صدقيني انتى لم يأتي نصيبك للآن ووني صبورة انا أيضا لم يأتني الكثيرين من الخاطبين لكنني متفائلة وأقول دائما أن هناك أمل......


وأتمنى لك التوفيق من كل قلبي.........

hawralain(حور العين):o

حبيبتي أميرة الحزن ليش هذا الحزن كله انتي بعدج صغيره على الزواج عيشي حياتج قبل مسؤوليه الزوج والبيت والعيال وادعي ربج يرزقك بالزوج الصالح تري هو المهم مو بس الزواج الله ينولج الي في بالج ويهنيج ويسعدج :)

السلام عليكم
اخواتي الحبيبات شكرا لكم على ردودكم الجميله
و الحمد لله انا انسانه مؤمنه و صابره على قضاء الله
لكن اللي يزعجني بالموضوع بان كل بنات العيله تزوجوا بسن اقل من العشرين يعني اني الوحيده اللي كسرت الروتين:o و بصراحه نظرة الناس لي ما اقدر استحملها و تقولين كاني قاعده على قلبهم موب بيت اهلي
و الحمد لله ما اقول بانه ما عندي خطابه لا بالعكس عندي وايدين و يا كثرهم بس مثل ما قلتوا الظاهر النصيب بعده ما دق بابنا:think:
بس شسوي لا تلوموني لاني ما عندي احد اتكلم معاه غيركم
لان اختي الكبيره ما تفهمني و كل ما اقول لها شي ثاني يوم اسمعه من امي :eek2:

صحيح اني خذت من وقتكم لكن استحملوني (r) و اشكركم مرة ثانيه على طلتكم البهيه و الله ما قصرتوا بردتوا قلبي

اختكم اميرة الحزن:z_thanks:

اختي اميرة الحزن ابي اقولك شي واحد اتمنى انك تفهميه وتعرفي الشئ اللي بين السطور ((وللزمن بقيه لعل اجمل اللحظات تلك التي لم نعشها بعد ))

اخوك النجم الحزين
......................................................................................................
ما كنت اتوقع يوما ....ان يكون الحزن...وطنا نسكنه ... ونتكلم لغته ...ونحمل جنسيته

السلام عليكم
شكرا لك اخي النجم الحزين على ردك و اتمنى بان يزول الحزن من قلبك





اما انا ادعوا لي بان الله يردني لبلادي الغالي حتى يزول الحزن من قلبي و اشوف الفرح و احس بطعمه

عزيزتي

بعدك صغيرة على الحزن والتفكير في الزواج وترى الجنسية مو ذاك الشي المهم لكل الناس وانشاءالله ان الله يرزقك بولد الحلال اللي يسعدك ويهنيك ويكون تفكيره اكبر من سطحية الجنسية والأصل والفصل

عزيزتي

اكثري من قراءة سورة الأعراف خاصة يوم الجمعة مع تعطير البيت باللبان وقراءة المعوذات وسورة الأعراف كثيرا

تحياتي لك

وبالتوفيق

عفو ا RoOoOmy_M
بس اش فائده سوره الاعراف؟

السلام عليكم
أختي بجد تالمت لكلامك وانا حاسه فيكي لان فعلا كل بنات أهلي وصاحباتي متزوجات او مخطوبات وانا سبحان الله حظي ما يمشي لا مع الي ابغيه ولا مع الي أكرهه يعني نحاسه غريبه
بس دائما احاول اني أطنش واحاول اني ما افكر بها الموضوع واجد لاني راح أتعب
اختي اكيد بحياتك أشياء ممكن تونسك يعني ليش ما تحطي في بالك ان ممكن فعلا أختك أصغر منك وجابت ولد وانتي لسا طيب ليش ما تتفائلي وتحطي في بالك انه ان شاء الله الله راح يعطيك بالي أحسن منه
طيب انا بحكيلي حكايه صاحبتي اولا عندها الجنسيه الخليجيه ووالله من أرقى الانساب في بلادها بعد ووالدها من أكبر التجار وهي أكبر منك يعني عمرها تقريبا على 27 لما تعرفت عليها وانا تعرفت عليها عن طريق اختها الي عمرها 22 يعني الي بعمري
تعرف كانت حالتها الله لا يوريكي من كثر ما تفكر كيف اختها انخطبت وهي بعمر 18 سنه وهي للحين ما انخطبت وهي اكبر البنات
لا وكان خطيب اختها فيه المواصفات الي تحلم فيها أي بنت
ولد خلوق وجميل جدا وجامعي من أحسن الجامعات ووووو يعني والله لو جيتي تحسبي مواصفاته يعني تعذري الكبيره ليش مقهوره من وضعها مقارنه مع وضع اختها :down:
تعرفي والله كان وضع صاحبتي الي كانت تقولها عن نفسها العانس والكريهه والقبيحه مع انها والله قمر بس يعني كانت في حاله زفته جدا يعني صارت نحيفه كعود كبريت وما تحب تطلع وعلى طول حابسه نفسها بغرفتها ولا تاكل ولا تكلم أحد واذا تكلمت معاها تحسسني ان الدنيا ظالماها وان مستحيل راح تتزوج وحتى لو تزوجت بتتزوج من واحد اكيد بيكون متزوج او مطلق او أرمل يعني مستحيل بيرضى بيها غير كذا
ولظروف الدراسه أنا ابتعدنا عن بعض وسبحان الله جات تزورني قبل كم شهر وطبعا أنا في الفتره الي قبلها انقطعت أخبارها عني بس لما شفتها تعرفي ايش قالتلي ..... انخطبت أنا بجد فرحتيليها واستغربت كيف صار كل هذا بسرعه
تعرفي شفت خطيبها ... لو تقارنيه بخطيب اختها ولا يسوى عنده شي
انسان متدين جدااااااااااا وجمييلللللللللللللل جدا وشغلته بعد ما تجي على بالك وعمره 30 يعني مقارب لعمرها ومش متزوج وهو تاخر ما تزوج لها الفتره لانه كان يكمل دراسته وياخذ الماجستير وها السوالف وسافرت معاه بحكم شغله لانه سفير لا وازيدك من الشعر بيت اتصلت فيني قبل
أيام وقالتلي انها حامل وميته وناسه
يعني شوفي مش شرط تتاخري بالزواج يمكن الله يبغى يعطيكي واحد يعوضك عن كل هذا :up:
أأأأأأأأأأأأااااااااااسفه جدا لو كنت طولت عليكم بس هذي حكايه أنا تعايشت معاها صاحبتي وكانت معاي وكنت بجد متالمه ليها جدا حتى كنت أتمنى انها تنخطب أكثر من أني أتمنى لنفسي لانها كانت بحاله يرثى لها
والله يرزقك يا رب احسن عريس يااااااااااااااااا رب
بنا ت قولوا امين :shy:
ولا تحطي في بالك ان الجنسيه هي السبب حبيبتي هذا رزق

الله يوفقك اختي اميرة بس توك صغيييييره والله لاتستعجلين على رزقك وكل تأخيره فيها خيره..

والله يرزقك الزوج الصالح والذريه الصالحه