خايفه من ردة فعل زوجي لما يشوفني

شوفي فديتج ,, لو فيج عيوب الدنيا كلها ,, انصحج لو وجة الله ,, خليج واثقة من حالج وخاصة قدام ريلج,, لما تحسين بالضعف والانكسار والاحراج من شي بجسمج لا اراديا راح يشعر بهالشي ويحس بالنقص فيج بس لما تكونين واثقة من حالج والله يشوف عيوبج عسل على قلبة ,, بقولج سالفة وحده من قريباتنا ,, مشكلها انها وهي صغيرة كان عندة ضيق في التنفس ( الكفسة ) وكان يعالجونها بالطرق التقليدية الا وهو الكي ,, يعني يكونها بالنار مما سبب عنده حروق بجسمها معلمة الى اليوم والليلة وكانت اغلب العرسان اللي تقدموا لها ترفضهم بسبب هالمشكلة الى ان تعدى عمرها 25 وهنا اقنعوها انها بانها لازم تتزوج وفعلا تزوجت وكان فيها خووف شديد من نظرة ريلها لها بعد مايشوف اللي بجسمها ,, بس ريالها كان جدا انسان خلوق ومتفهم ,, والعلم له دور فتقبل عيوبها بصدر رحب لدرجة علشان يعطيها ثقة بنفسها اكثر كان يقبل كل حرق فيها ,, وهي الان من اسعد الزوجات

خلاصة الكلام ,, الثقة والحب هم مفتاحج للتعدي هذي المرحلة

وربي يسعدج ويوفقج بزواجج