اغرب واعجب ملــجه في الكووون :(

حبيبتي .. لا تجعلين هالأمور تنكد عليج فرحتج .. هذي اليوم اللي انتظرتيه من يوم كنتي صغيره .. وتره هالفرحه وهالموقف عمره مابيتكرر .. لا تجعلين امور بسيطه مثل هذي تخرب عليج فرحتج .. صج معاج حق تبين تجهزين وتفرحين بفترة الخطوبة .. ولج بعد الحق في مشاركته بتحديد موعد زفافكم .. بس يمكن هو مستعجل لأنه يحبج وميت عليج ويبي يقضي كل دقيقه من حياته معاج .. ومو قادر يصبر على بعادج .. شوفي الموضوع من الناحيه الزينه وخلي التفكير عنج .. ومدام هو شاريج لا تحسسينه انج بايعته .. والله يوفقج ان شاء الله وينولج مرادج ..

أنا من راي خاصة في الزواج أذا كانت متفاهمة معه خير البرعاجلة لان التأخيرفي ها المناسبات شئ مش حلو

شكرااا اختي7zn ,, ع كلامج الحلووو

بس اناااا كل ما احااول اقنع نفسسسي ,, اقول في خاطري لو اهو يحبني صج جان سوى اللي ريحني

انا الحين قااعده اشووفه مثل اي رجال ,, يبي حاجته من اي انثى

ع قولته يبي يستقر ,, تحت السقف الذهبي

طيب وش تنصحوووني افتح معاه الموضوع مره 2 ولا لاء

اخر مره قال انا تعبت من الكلام واحنا ماراح نتوصل لحل

وداايم يقوول ,, انا ابي يكون برضى نفسج ,, يعني احس اللي يقوله غير واللي يسويه غير

يعني حتى دمووووووعي نزلت ,, ولا حركت شي فيه ,, بس قالي لاتصيحين

انا بخليج سعيده ,, واقوله سعادتي ماراح تكتمل الا بهالشي ,, يقول بس اناا بصيرر مقهوور << طيب انته قهرتني في يوم ملجتي وخطووبتي ,, بس ماقلت له


:(

اختي نهر الخلوود ,, تسلمين حبيبتي ع مشااركتي

بس اناا مااعرفه الا من اسبووع ,, ومن تصرفه هذاا ,, ماحسه انه فااهمني

صج حسيت انه حليوو وطيب ,, بس ماتوقعت انه ماراح يرضى

وبعدين انا ماطلبت وااجد بس شهررررين ,,

شفتي هو يقولج بيخليج سعيده وبعدج عنه بيكون مقهور

يعني يحبج ويبي قربج

حبيبتي لا تسوين في نفسج جدي ترا الي قالوه البنات صح والله اهو شارييييج ما شاء الله ويبي القرب منج عااااجل ... بس ما فهمت يعني تبي تسوين العرس اكيد صح ؟

صلي على النبي حبيبتي وهدي روحج مايسوى الموضوع صدقيني ,,

لا تضايقين روحج ,,

هو اكيد لانه يحبج ويبيج تكونين جنبه بأقرب وقت فمن جدي يبي يعرس ويسوي كل شي بسرعة مايبي يطول ..

لانه اصلا الخطوبة كلما تطول كلما المخطوبين يملون من بعض وتصير بينهم مشاكل ...

انتي من الحين اشتغلي على روحج وجهزي نفسج وبالعكس خلال شهرين او بالكثير ثلاثة اشهر بتخلصين كل شي ...

في ناس اخس منج يعني كل شي يصير بسرعة بسرعة ويجهزون روحهم حق العرس بس في شهر او اقل بعد بس يقولون الشي الي تجهزين له وتسوينه بسرعة بسرعة يطلع احلى واحلى من شي تجهزين له من فترة طويلة..

وفكري بالموضوع من الجانب الايجابي ولا تفكرين فيه من الجانب السلبي ومثل مايقولون خير البر عاجله ..

صلى استخارة وادعى الله يختار لك الخير

وبصراحة ما أشوف الموضوع يستدعى كل هذا القلق والضيق والقهر

بالعكس كدا انتى من تضيعى فرحتك بنفسك وليس هو من سيضيعها عليكِ

الله يتمم لك بخير

ربما انك تبين شئ وهو شر لك فابعده الله عنك وانتي ماتدرين ..,,

افرحي بيوم زواجك الله يوفقك
فليست هي اغرب ملكة...ولا اتعس فرحه
بل هناك الاغرب والاعجب وهناك من لاتتم فرحتهم
فالبيوت اسرار
فاحمدي الله وتوكلي عليه ......

الله يسعدكم ..

الله يصبرج

الله يهديكي لا تبدئي مشاكل مع زوجك من الان لسبب بصراحة ولا تغضبي مني "سبب تافه شوي"

و5 شهور تقدري تعملي فيها العجب وتعوضي كل لي فاتك

وبلا بكاء و ولولة على لي راح ابدئي تجهيز نفسك .. وكل البنات هنا بيساعدو بعض فركن العروس

امر الله بهون

أعرف وحدة نفسج بالضبط ..
اصلا حتى ما كآنت مستعدة بالمرة .. وحتى ما بعد يحددوا وقت الملجة ..
بس فجأة يوم اابوها وقال الملكة اللييييلة .. وبسسسسسرعة دبرت عمرها خذت فستان اختهآ ووحدة تمكيج ووحدة تستشور كله صاار في سااعة ..
سبحآن الله .. وقت ما الله كآتب للوحدة بتملك .. بتملكـ .. من غير تحديد تاريخ ..

وقلبي لا تضيقين عمرك.. اهم شي ولد الحلآل شاريج :) .. وإن شاء الله تتفاهمين انتي معاه والله يوفقكم مع بعض ..
هونييها وتهووون..:)..

ياهلا اختي
صدقيني 5شهور تكفي
الله يتمم لج على خير ان شاء الله
الله يوفقج ويسعدج دنيا وآخره ياارب

أختي السالفه والله مومحتاجه منج كل الهم..اللي صارلج عادي يصير لبعض البنات فجاه تصير الملجه بدون اي مقدمات..وسالفة العرس..انتي ماتعرفين تجهزين عمرج بروحج..في قسم العروس..راح تلاقين كل اللي تحتاجينه..واذا مو عارفه اسألي الدنيا تتطورت..عندج انترنت تلجئين له..والبنات ماشاء الله متفتحات اللحين يعرفن كل شئ..والانرنت مايقصر..يعني السالفه بسيطه..والله ناس عندهم هموم كبيره..ومشاكل اصعب..والحمدالله امسهلين الامور..اذا انتي قبل الزواج حبيبتي جذي..باجر ول تزوجتي واجهتج مسئوليات شو راح تسوين..

تعوذي من الشيطان واستانسي بهالايام لانها ماتتعوض..وموفقه حبوبه..

حبيبتي انا حاسه فيج والله

بس اللي صار صار

ولا تكبري الموضوع وبالنسبة للتجهيزات حتى بشهرين تقدرين تسوينها وتختاري كل شي حلو

وعلى فكره مثل ما قالت وحده من الاخوات انه كل شي يجهز بسرعه يكون احلى

ولا تعكرين مزاجج وخلج كوووول واستانسي

حبيبتي الخيره فيمااختاره الله
قولي الحمد لله والشكر على كل شي
وصلي ركعتين شكر لان عدت على خير ولا صار شي يعطل موضوعك.
تحياتي

اختي اسمعي كلمه من اللي اتزوجو قبلك ترى اثاره المشاكل في هذه الامور الثانويه مو شيء صح ادري بتقولي ليله ما ترجع ولا تتعوض بس ايش اهم خساره انسان لايعوض

و الندم بعدها اذا هو كانسان عاجبك و انتي مرتاحتله اتوكلي على الله و لا تطيريه من ايدك و لا تضيعي وقت و جهزي لفرحك و الله يهديك و يسعدك و بشرينا باللي يصير معالك

تحياتي