سلام للجميع هنا:)
اكتب لكم اليوم قصة ولادتي اللي اعتبرتها حفلة من دون كيك ..:bigsmile:
سلمكم الله انا كان ينزل علي دم من يوم الثلاثاء اللي طاف طبعا طنشت الموضوع وقلت ماابي اروح المستشفى لايبهدلوني لكن تميت امشي وامشي يوم الثلاثاء ويوم الاربعاء بالليل
المهم وانا امشي كنت استغفر ربي واقرا الايات بنية تسهيل الولادة لان كانت عندي اعراض ولادة وكنت قبلها بأسبوع قايسين عندي عنق الرحم قالوا لي فاتح نص سنتم فلما شفت الدم قلت اكيد فتح اكثر ..
المهم بعد ماجيت من المشي ارتحت وقمت سبحت بماي دافي وخليته يصب على ظهري امي تقول زين وبعدين سويت لي دلة دارسين وكاسين زعفران مع هيل اول مرة اجرب هالاشياء وقدمت الله وتوكلت عليه وبعدين قمت انظف الشقة واستشورت شعري :D << فراغة مو؟
المهم ضل عندي الملابس قلت بخليهم للخميس العصر<< ماتدري وش اللي بيصير..:pain:
المهم سهرت للاذان وزوجي معاي قال لي اخذت رخصة من الشغل مو متطمن اخليج بروحج
وصلينا الفجر ونمنا على الساعة 4 يوم الخميس
وصلت 6 الصبح واقوم افز من طولي جاني الم شنيع فضيع وقمت من على السرير وقمت اقرا الايات
ولاحظت ان الطلق بدا معاي حامي وحار وكل 5 دقايق يعني مافيه مفر اني ارتاح
جلست زوجي وقلت له يلا شكلي بولد وقال لي على مااخلص انتي جهزي اغراضج
حسيت ديك الحزة مشاعري مختلطة وانا اتجهز وانا ادعي ربي بالسلامة
وصلنا المستشفى والدم كان مستمر قاست لي الدكتورة عنق الرحم قالت بس 1 سنتم
ياويلي كل هالحرارة والالم وواحد اجل الله يعين..
وبعد مامشت الدكتورة وحطوني في قسم الطوارئ نزل علي شوية من ماي البيبي
وضليت أتالم وأتالم وكل وحدة تجي يقيسون لها على يقولون ولادة وانا يجيني احباط:ss:
المهم على الساعة وحدة زوجي مشى وقال لي اي شي تبينه اتصلي وعلى وحدة ونص ركبوني غرفة المخاض لان طلقي منتظم كل 5 دقايق
حطوني على السرير وكل مابين ساعة يقيسون عنق الرحم ويزيد نزول الماي بس ماتبطل الجيس كامل
وانا انازع ومااصارخ لاني استحي بس اون حتى شعري من كثر مااشده استوا ليفة من الشد خخخ
بعدين جا زوجي وقام المتفرغ يصورني فيديو وفوتو للذكرى وانا اتألم وجاي يقول لي اشتريت لج بطاقة شحن شحني تلفونج اقول له ماتشوفني انازع وش وظيفتك انت اشحنه :D
بعدين قالوا لزوجي خلاص روح ممنوع تقعد ازيد من جديه وصلت الساعة 6 ونص المغرب ولي الحين سنتم واحد يعني تخيلوا المعاناة..
شوي جات الدكتورة جان تقول البنت قصيرة وعنق الرحم عندها صاير ضيق موب راضي يتوسع والطلق عندها حامي وبما انها بكر بنصبر عليها بس بنحط لها صناعي عشان يمكن لما يحمى اكثر ينفتح الرحم اكثر ..
من سمعت صناعي تشهدت على نفسي
حطوه لي وعلى طول بدا المفعول حسيت نفسي طلعت من طوري تعبت وقمت انافخ واشد شعري واقول ياعالم ارحموني
والنيرس ثقيلة الدم حبيبتي لازم يتحمل لازم الم عشان في ولادة
وكل شوي تجي الدكتورة تقيس نفس الشي ماتغير الين 7 وشوي صار 2 سنتم
ويوم جت الساعة 8 وصلت حدي قلت ياناس بموت ماني قادرة اتحمل ابي انام لاني مانمت ولااكلت شي غير تمرة الساعة 6 عطاني اياها زوجي قبل لايروح عني
تعبت وانقلب جسمي كله اصفر وعرقت وقمت ارتجف بقوة ظل بدني يرجف مو ب راضي يوقف وحسيت نفسي بينقطع قلت للنيرس الحقيني بموت قالت ايس في هبيبتي قلت لها بموت لحقيني
حطت لي ابرة منومة واكسجين ولا فاد فيني الالم لايطاق بعدين جات الدكتورة قاست عنق الرحم قالت 3 بس لكن للاسف نزل ضغطي بقوة وفي التخطيط انخفضت نبضات البيبي وقام يوصخ في بطني
وجوا الدكتورات واشوفهم يتكلمون وانا ميتة خوف وفي نفس الوقت بتطلع روحي من الالم
وشوي الا كلهم يطالعوني يقولون لي للاسف مااستجبتين لا للطلق الطبيعي ولا الصناعي وضغطج نزل واجد والبيبي نبضاته قلت وقان يوصخ في بطنج وحنا مانبي نخاطر لابج ولا بالبيبي والحين تتصلين لزوجج عشان يجي يوقع على العملية..
انا هني انخبلت واتصلت لزوجي وانا اصيح واهو تبهدل على عمري وجا يفحط تفحيط وكانت معاه عمتي وحماتي
وقال لهم هذا اخر حل قالوا له للاسف وبسرعة لان اي تاخير خطر عليهم اهما الاثنين
وقعت انا وياه على العملية وسألوني كم سؤال وبعدين شافني دكتور التخدير وقال لي تبين كامل لو نصفي قلت له لا كامل اخاف من النصفي قال لي مابتحسين بشي والبيبي مابيطلع متخدر فلاافضل نصفي انا وافقت لان الطلق ذبحني وابي افتك..
ودخلوني غرفة العمليات ودقوني ابرة في ظهري وبدت العملية وانا احس ان زلزال قاعد يصير في داخلي واللي باط جبدي الدكتورات يسولوفون ويحشون ويضحكون وكانهم في ديوانية ماكانهم يشقون بطني ويطلعون البيبي
بشوي الا واا وا وا هني حسيت قلبي طلع من مكانه وعلى طول قمت اصيح ودموعي اربع اربع وانا اسمعهم ماشاء الله الصلاة على النبي جميل قمر الله يخليه لاهله
راحوا قصوا حبله السري ونظفوه وجابوه حطوه فوق صدري واانا لازلت اتنظف ويشيلون المشيمة ويكبسون بطني
والله والله نظراته كانت بريئة بقوة وكان يطالع يمين وشمال ببراءة وانا قمت اصيح بهستريا ماني مصدقة ان هالعصفور لي ودكتور التخدير يهدي فيني ..
والحمد لله على كل حال كان نفسي في ولادة طبيعية بس الله مااراد وله حكمة في هالشي
واهم شي عندي اني ولدت بليلة الجمعة ليلة مباركة وهذي كانت امنيتي ..
وهذي كانت قصة ولادتي 3 في 1 عشت الطلق الطبيعي والصناعي والعملية الف الحمد لله على كل حال..
ان شالله بس عشتون الجو معاي..:think:
اكتب لكم اليوم قصة ولادتي اللي اعتبرتها حفلة من دون كيك ..:bigsmile:
سلمكم الله انا كان ينزل علي دم من يوم الثلاثاء اللي طاف طبعا طنشت الموضوع وقلت ماابي اروح المستشفى لايبهدلوني لكن تميت امشي وامشي يوم الثلاثاء ويوم الاربعاء بالليل
المهم وانا امشي كنت استغفر ربي واقرا الايات بنية تسهيل الولادة لان كانت عندي اعراض ولادة وكنت قبلها بأسبوع قايسين عندي عنق الرحم قالوا لي فاتح نص سنتم فلما شفت الدم قلت اكيد فتح اكثر ..
المهم بعد ماجيت من المشي ارتحت وقمت سبحت بماي دافي وخليته يصب على ظهري امي تقول زين وبعدين سويت لي دلة دارسين وكاسين زعفران مع هيل اول مرة اجرب هالاشياء وقدمت الله وتوكلت عليه وبعدين قمت انظف الشقة واستشورت شعري :D << فراغة مو؟
المهم ضل عندي الملابس قلت بخليهم للخميس العصر<< ماتدري وش اللي بيصير..:pain:
المهم سهرت للاذان وزوجي معاي قال لي اخذت رخصة من الشغل مو متطمن اخليج بروحج
وصلينا الفجر ونمنا على الساعة 4 يوم الخميس
وصلت 6 الصبح واقوم افز من طولي جاني الم شنيع فضيع وقمت من على السرير وقمت اقرا الايات
ولاحظت ان الطلق بدا معاي حامي وحار وكل 5 دقايق يعني مافيه مفر اني ارتاح
جلست زوجي وقلت له يلا شكلي بولد وقال لي على مااخلص انتي جهزي اغراضج
حسيت ديك الحزة مشاعري مختلطة وانا اتجهز وانا ادعي ربي بالسلامة
وصلنا المستشفى والدم كان مستمر قاست لي الدكتورة عنق الرحم قالت بس 1 سنتم
ياويلي كل هالحرارة والالم وواحد اجل الله يعين..
وبعد مامشت الدكتورة وحطوني في قسم الطوارئ نزل علي شوية من ماي البيبي
وضليت أتالم وأتالم وكل وحدة تجي يقيسون لها على يقولون ولادة وانا يجيني احباط:ss:
المهم على الساعة وحدة زوجي مشى وقال لي اي شي تبينه اتصلي وعلى وحدة ونص ركبوني غرفة المخاض لان طلقي منتظم كل 5 دقايق
حطوني على السرير وكل مابين ساعة يقيسون عنق الرحم ويزيد نزول الماي بس ماتبطل الجيس كامل
وانا انازع ومااصارخ لاني استحي بس اون حتى شعري من كثر مااشده استوا ليفة من الشد خخخ
بعدين جا زوجي وقام المتفرغ يصورني فيديو وفوتو للذكرى وانا اتألم وجاي يقول لي اشتريت لج بطاقة شحن شحني تلفونج اقول له ماتشوفني انازع وش وظيفتك انت اشحنه :D
بعدين قالوا لزوجي خلاص روح ممنوع تقعد ازيد من جديه وصلت الساعة 6 ونص المغرب ولي الحين سنتم واحد يعني تخيلوا المعاناة..
شوي جات الدكتورة جان تقول البنت قصيرة وعنق الرحم عندها صاير ضيق موب راضي يتوسع والطلق عندها حامي وبما انها بكر بنصبر عليها بس بنحط لها صناعي عشان يمكن لما يحمى اكثر ينفتح الرحم اكثر ..
من سمعت صناعي تشهدت على نفسي
حطوه لي وعلى طول بدا المفعول حسيت نفسي طلعت من طوري تعبت وقمت انافخ واشد شعري واقول ياعالم ارحموني
والنيرس ثقيلة الدم حبيبتي لازم يتحمل لازم الم عشان في ولادة
وكل شوي تجي الدكتورة تقيس نفس الشي ماتغير الين 7 وشوي صار 2 سنتم
ويوم جت الساعة 8 وصلت حدي قلت ياناس بموت ماني قادرة اتحمل ابي انام لاني مانمت ولااكلت شي غير تمرة الساعة 6 عطاني اياها زوجي قبل لايروح عني
تعبت وانقلب جسمي كله اصفر وعرقت وقمت ارتجف بقوة ظل بدني يرجف مو ب راضي يوقف وحسيت نفسي بينقطع قلت للنيرس الحقيني بموت قالت ايس في هبيبتي قلت لها بموت لحقيني
حطت لي ابرة منومة واكسجين ولا فاد فيني الالم لايطاق بعدين جات الدكتورة قاست عنق الرحم قالت 3 بس لكن للاسف نزل ضغطي بقوة وفي التخطيط انخفضت نبضات البيبي وقام يوصخ في بطني
وجوا الدكتورات واشوفهم يتكلمون وانا ميتة خوف وفي نفس الوقت بتطلع روحي من الالم
وشوي الا كلهم يطالعوني يقولون لي للاسف مااستجبتين لا للطلق الطبيعي ولا الصناعي وضغطج نزل واجد والبيبي نبضاته قلت وقان يوصخ في بطنج وحنا مانبي نخاطر لابج ولا بالبيبي والحين تتصلين لزوجج عشان يجي يوقع على العملية..
انا هني انخبلت واتصلت لزوجي وانا اصيح واهو تبهدل على عمري وجا يفحط تفحيط وكانت معاه عمتي وحماتي
وقال لهم هذا اخر حل قالوا له للاسف وبسرعة لان اي تاخير خطر عليهم اهما الاثنين
وقعت انا وياه على العملية وسألوني كم سؤال وبعدين شافني دكتور التخدير وقال لي تبين كامل لو نصفي قلت له لا كامل اخاف من النصفي قال لي مابتحسين بشي والبيبي مابيطلع متخدر فلاافضل نصفي انا وافقت لان الطلق ذبحني وابي افتك..
ودخلوني غرفة العمليات ودقوني ابرة في ظهري وبدت العملية وانا احس ان زلزال قاعد يصير في داخلي واللي باط جبدي الدكتورات يسولوفون ويحشون ويضحكون وكانهم في ديوانية ماكانهم يشقون بطني ويطلعون البيبي
بشوي الا واا وا وا هني حسيت قلبي طلع من مكانه وعلى طول قمت اصيح ودموعي اربع اربع وانا اسمعهم ماشاء الله الصلاة على النبي جميل قمر الله يخليه لاهله
راحوا قصوا حبله السري ونظفوه وجابوه حطوه فوق صدري واانا لازلت اتنظف ويشيلون المشيمة ويكبسون بطني
والله والله نظراته كانت بريئة بقوة وكان يطالع يمين وشمال ببراءة وانا قمت اصيح بهستريا ماني مصدقة ان هالعصفور لي ودكتور التخدير يهدي فيني ..
والحمد لله على كل حال كان نفسي في ولادة طبيعية بس الله مااراد وله حكمة في هالشي
واهم شي عندي اني ولدت بليلة الجمعة ليلة مباركة وهذي كانت امنيتي ..
وهذي كانت قصة ولادتي 3 في 1 عشت الطلق الطبيعي والصناعي والعملية الف الحمد لله على كل حال..
ان شالله بس عشتون الجو معاي..:think:
