وش اسوي مع اخوي

انتو تخربوووون اللي يسويه ابوككم...............غلطتوا انكم تعطونه ورا ابوكم جيه انتو تشجعونه ع الغلط

خلو ابوكم يتفاهم وياه وانتو لا تدخلون اذا طلبكم قولوا ما عندنا

والله يهديه

لاحول ولاقوه الابالله

صراحه شي غلط

ادعي له وحاولي انتي تقنيعيه بالكلام الزين

وحاولي تجيبين كلام مقنع بقوه
والله يهديه ويهدي جميع المسلمين

الله يهدي أخوك ويفتح على قلبه ويريه الحق حق ويعينه على اتباعه ويريحه الباطل باطل ويعينه على أجتنابه

الله يرزق والديك بره ويصلحه ويرشده الطريق الصحيح ويحبب أليه الإيمان ويزينه في قلبه ويكره إليه الكفر والفسوق والعصيــان


اول خطوه لازم تتبعونها انكم تبعدونه عن الشله الفاسده اللي يماشيها لأن الصاحب ساحب وقل لي من تخالط اقل لك من انت

والصاحب له أعظم التأثير ومثل مافهمت من كلامك أن أصحابه مو كويسين ويستخدمون منشطات وهذي علامة خطر ويمكن ضياع مستقبل أخوك

حبيبتي دايم جيبي نشرات عن الدخان وحكمه الشرعي وأخطاره الصحيه خصوصاً انه عنده ربو وجيبي أشرطه دينيه وشغليها عنده أذا كان جالس وانصحك انصحك وبقوة بشريط ((هذه قصتي)) <<< ليوسف الصالح مررره ممتاز وحلوو

وأشرطة الشيخ عبد المحسن الأحمد والدكتور خالد الجبير أحسها مرره مؤثره وفيها قصص ومواعظ عسى الله أن ينفعه بها

وبعد محاظرات الشيخ سليمان الجبيلان وصالح الحمودي تصلح للشباب وتخاطبهم وفيها نوع من الفرفشه والفكاهه واسلووبهم حلو كثير حتى فيه بعض المحاظرات أشرطت فيديو

وفيها بعضها كاسيت أعطيه الاشرطه وهو طالع وقولي شغلها بالسياره واسمعها أنا سمعتها مرره حلوه وأبيك تسمعها وتوسع صدرك وانت بالطريق....


وأنصحك أختي الكريمه بالدعـــــااء وألحي على الله بالدعاء عل الله أن يجعل دعاءك له سبب في هدايته وتوبته

وسهـــاام الليل لاتخطئ

وقولي لأمك تدعيله ترى دعاء الوالدين مستجاب


في الختام اتمنى أني افدتك أختي سعوديه أصليه باليسير وهذا اللي أقدر عليه


أسأل الله العظيم رب العرش الكريم أن يقر أعين واليدك بصلاحه وهدايته

وان يصلح ويحفظ شبااب المسلمين من كل سؤ ويجعلهم هداة مهتدين غير ضالين ولا مضلين

مستحيل يصرف هالفلووووووووووس عالدخان بس لازم اخوانك يعرفون بالموضوع لانهم شباب وبيفهمون اذا كان فعلا تدخين او غيره ..
الله يهديه ويصلحه

حبيبتي قولي لامك تدعي له لان دعاء الوالدين مستجاب باذن الله وحاولي تفتحي له قلبك عشان يحكي لك لاتنسيني من دعواتك
[BLINK]بحر الحنـــــــــــــــان[/BLINK] :9_33:

لازم عليكم حبيبتي إنكم توقفوا دلعكم له لأن حاله بيزيد والله يستر لكن أنا أنصحك تشرين له أشرطة فيديو مثل محاضرة الشيخ عبدالمحسن الأحمد مداهمه وشريط قبس سيجار للشيخ خالد الجبير وتهدينها له وإنشاء الله ينصلح حاله وبشري إذا لاحظتي تحسن عليه

مساء الورد .. سوسو


لأنا أرى أنه اللي يعمله أبوكي وأخوانكـ .. صح ..

يعني مسكه من أيده اللي توجعه ..

مو شرط أن كل شخص ينفع معه التفاهم والكلام ..

بس أكبر خطأ في البيت أن الأب يصدر قرار ..

تروح الأم من وراه تسوي العكس ..

بس لازم تحطون بعين الأعتبار الأحتواء ..

لأنه ممكن ..

يلتم على شلة وأصحاب سوء ..

يعرفون السرقة ....

ويتعلم منهم ..

حاولي أنكـ تنبهي أبوك لهذه المسألة ..

والله يصلح لكـ أخوكـ ..

ويهديه ..

اختي وضع اخوك مو وضع شخص مدخن ....أنا ما ابي اخوفك لكن وضعه ما ينسكت عليه بلغي اخوانك الكبار وابوك وبسكوتك انتي وامك بتجنون عليه

والله كتبت لج رد شطوله وانمسح :sad:

المهم، خلاصة الرد
انتي الحين اللي سويتيه زين وهو منعج المصروف عنه
بس انتي تدرين بعد ان هالشي مابيوقفه
وانا عني ما اشوف ان المبالغ اللي ياخذها خياليه، يعني اذا كان يدخن كم علبه في اليوم لازم بيصرف وبعدين هو شاب وطول اليوم برا يعني محتاج فلوس يصرفها
بس المشكله هو في وين يصرف؟؟
بس بعد انا اللي همني في الموضوع بكبره انه عنده ربو ويدخن، يعني اسمحي لي بس ترى اخوج بيروح فيها

صدقيني اذا هو من النوع اللي قلتي عنه وانه مدلع ومايسمع الكلام فماراح يتقبل اي نصيحه عن التدخين وانه مضر و انه يسبب امراض و و و
لان مافي اي احد في هالوقت مايعرف مضار التدخين وحتى العلب مكتوب عليها التحذير
وترى هو اكييد حس بهالشي دام عنده ربو، لان مستحيل مريض ربو ويدخن وماصادته نوبة قوية او شي جذي، بس سؤالي يعني انتوا مالاحظتوا اي شي وماطاح مريض في البيت او اي شي من هالقبيل؟؟؟
انا رايي انه ماراح يتعض الا اذا صادته نوبة قوية، وانا هني مب قصدي شي او اني اقول خلوه يمرض، بس اذا الواحد كان عنيد الكلام ماينفع وياه وخصوصا اذا كان الكلام يجيه من كل من حوله، لازم هو يجرب وبعدين يقتنع لحاله

وفي ناس لو شنو يصير مايقنعون، في واحد يدخن ويدخن بكثره وصادت كذا جلطة وسووا له عمليات قلب بس بعد للحين متمسك بالسيجاره ومايبي يتركها
يقولون له بتموت بس هو ولا هامه، يقول يموت وهو مستانس وصغير احسن من مايموت وهو شايب ومب مستانس
يعني شوفي في ناس توصل معاهم لهالدرجه
وان شاء الله اخوج مايكون منهم، وادعي له دايم بالهداية

وبعدين اذا انتوا الحين قطعتوا الفلوس عنه لا تغيرون علاقتكم معاه ولا تضغطون عليه، وهذا اهم شي، لانه بكل سهوله يقدر يطلع من البيت ويقضي اليوم مع ربعه ويرجع حق النوم بس، وهذا اللي هو حاليا يسويه
يعني انتي مثلا قلتي انج تعاملينه بطريقة غير وتحبينه، ظلي مثل ما انتي بدون اي تغيير سوى من ناحية الفلوس
((انا اختك واحبك وبوقف معاك بس فلوس مافي)) مع ان هو مرده بينصرف له راتب وبعدين هو بيلعب على راحته
وهذا الشي لمصلحته وصحته وانج ماتبين تشاركين في شي يضره وبعدين تتحسفين اذا صاده شي لا سمح الله

واذا هددكم انه بيترك الشغل قولوا له والله هذا شي راجع لك وانت على راحتك،لان هو يشتغل لنفسه مب عشانكم
وطبعا هو ماراح يترك، لان اكيد يبي راتب ويبي يصرف ويستانس

مادري احس اني ماقلت شي مفيد خخخخ بس ان شاء الله ذكرت نقاط تفيدج في التفكير بطريقة للتعامل معاه وتلقون حل

والسموحه

**جوري أحمر**;6563464:

بعد وعنده ربو
اسمعي حبيبتي انتوا جالسين تتعاطفون معاه ..بس بالغلط
يعني انتوا تدمرونه بتعاطفكم معه
ابوك يسوي الصح
انا ادري اني لو مكانك بسوي مثلك عارفة نفسي ما اقدر
بس حاولي
واذا تقدرون شوفوله مستشفى
فيه مستشفيات تصفي الدم
ومايعود يدخن
انتوا يظهر لكم انه يدخن لكن الخافي اعظم ..مايصير كل هالفلوس بدخان

اعوذ بالله انا موقصدي اتهمه ..لكن لازم تتوقعون اي شي
بعدين اذا راح فيها ما ينفع شي حبيبتي

بعد فيه هنا بالمنتدى بقسم تسويق الاطعمة عندها حاجة وتحلف انها استخدمتها وزوجها كررررره الدخان

روحي شوفي يمكن لسه تبيعها

هيه وانا وياها اشاركها الرد