مفاجاه لحل جميع مشاكل الشعر بدون زيوت ولا خلطات وسعر رخيص

[SIZE="4"]حبايبى
انا عضوة جديدة بالمنتدى
بصوا بقى
علشان مشكلة شعرى اللى خلتنى وصلت لمرحلة الاكتئاب قررت اكتبلكم تجربتى:confused:
انا وانا بنت قبل ماتجوز كان شعرى تقيل جدا وناعم اللهم الا كسرات بسيطة جدا فيه
ولما كنت استشوره او الفه طاقية يبقى يجنن(y)
لدرجة انى كنت بينضرب بيا المثل فى جمال الشعر
المهم اتجوزت ومع بداية الجواز بدات احس ان شعرى بدا يبقى مش حلو زى الاول
ولما بقيت حامل شعرى بقى حلو جدا لغاية ماولدت وبعد الولادة بشهرين:eek:
لقيت شعرى بيقع بطريقة بشعة جدا:confused:
لدرجة انى شعرى بقى يتعد بالواحدة وبقى خشن وهايش :confused:
وبدا يجيلى صلع من جوانب الشعر زى الرجالة لما تبتدى تصلع(w)
لدرجة ان ماما قالت لما شافته انه اول النهار مايطلع لازم نروح للدكتورة
المهم روحت للدكتورة وقالت ان السبب كان الرجيم الى كنت باعمله (لانى كنت بقيت دبدوب:rolleyes:)
والحالة النفسية وكمان الرضاعة
المهم قالت ليا امشى على حبوب وكمان حقن ولوسيون
المهم انا كنت خايفة من الحبوب جدا وكمان باخاف جدا من الحقن :rolleyes:
بس واظبت 3 شهور على اللسيون
وفجاة يابنات
اللهم اجعله خير
لقيت الاماكن اللى نحلت بدات تنبت بسرعة
بس للاسف وقفت اللوسيون (كسل بقة)
بس النهاردة رجعت جبته تانى
اللوسيون ده بقة هوا المفاجاة
لانه
بيطرى الشعر الخشن والهايش والجاف
بيشيل القشرة وبيمنع تكونها
بيمنع التساقط تماما وده حصل معايا بعد ماخلصت اول قزازة
بينبت الشعر تانى وبالتالى بيتقله
لانه بيحفز بصيلة الشعر على النمو
والمفاجاة انه سعر رخيص جدا وموجود فى كل الصيدليات
اسمه تيتان وسعره 12 جنيه الحجم الكبير منه
اللى تجربه يابنات تدعيلى بالله عليكم يفك كربى ويفرج همى
ياريت اللى تجربه تقولى على النتيجة
وماتبخلوش عليا بردكم